អ្នក​ណា​ខ្លះ​ធីម​ អូវ៉ាន់ទីន​ដូច​ Admin ដែរ​? បើ​ចូល​ចិត្ត​ត្រូវ​តែ​ចេះ​ច្នៃ​ប្រឌិត​ សាក​ធ្វើ​យក​​មក​ធ្វើ​ចាហួយ​លាយ​ជា​មួយ​ដូង​ក្រអូប​វិញ​ម្តង​មើល​ ឆ្ងាញ់​ម៉េច​វិញ​ គ្រាន់​តែ​ឃើញ​រូប​ ក៏​ទំនង​ ទ្រាំ​មិន​បាន​ដែរ​ហ្នឹង​។​ តោះ​រៀន​ធ្វើ​ទាំង​អស់​គ្នា៖

គ្រឿង​ផ្សំ​៖​

  • សាច់​ដូង​ក្រអូប (បើ​អត់​មាន​ ប្រើ​ដូង​ធម្មតា​ក៏​បាន​)
  • ទឹក​ដូង​ក្រអូប (បើ​អត់​មាន​ ប្រើ​ដូង​ធម្មតា​ក៏​បាន​)
  • ម្សៅ​ចាហួយ​ ឬ​សា​រាយ
  • អ៉ូ​វ៉ាន់​ទីន
  • ស្ករ​ស
  • ខ្ទិះ​ដូង
  • អំបិល

វិធី​ធ្វើ​៖​

១. កាប​ដូង​ចាក់​ទឹក​ទុក​ រូច​កោស​សាច់​ទុក​មួយ​ឡែក

២. ចាក់​ទឹក​ដូង​ ៦០០ មីលីត្រ​ចូល​ឆ្នាំង​ បន្ទាប់​ដាក់​ម្សៅ​ចាហួយ​ចូល​ ១ ស្លាប​ព្រា​បាយ​ កូរ​ឲ្យ​សព្វ​ ទុក​ចោល​ ១០ នាទី​ បន្ទាប់​មក​ដាក់​ដាំ​លើ​ភ្លើង​រហូត​ដល់​ពុះ​ ដាក់​អូវ៉ាន់ទីន​ចូល​ ២ កញ្ចប់​ កូរ​ឲ្យ​សព្វ​ លើក​ចុះ​ រួច​ចាក់​ចូល​ក្នុង​ថាស​ ទុក​ចោល​ ៣០​ នាទី​

៣. ចាក់​ខ្ទិះ​ដូង​ ៦០០ មីលីលីត្រ​ចូល​ឆ្នាំង​ ដាក់​ម្សៅ​ចាហួយ​ចូល​ ១ ស្លាប​ព្រា​បាយ​ កូរ​ឲ្យ​សព្វ​ទុក​ចោល​ ១០ នាទី​ ដាក់​ដាំ​លើ​ភ្លើង​ ដាក់​ស្ករ​ចូល​ ៥ ស្លាបព្រាបាយ​ ហើយ​ថែម​ ១​ស្លាប​ព្រា​កាហ្វេ​ ​អំបិល​ កន្លះ​ស្លាបព្រាកាហ្វេ​ និង​សាច់​ដូង​ខ្ចី​ ១២០ ក្រាម​ កូរ​សព្វ​ ពេល​ពោះ​ហើយ​ ត្រូវ​យក​ទៅ​ចាក់​ពី​លើ​ទឹក​អូវ៉ាន់ទីន​ ទុក​ចោល​ ៣០ នាទី​ជា​ការ​ស្រេច​។​ យើង​នឹង​ទទួល​បាន​ចាហួយ​អូវ៉ាន់ទីន​ទឹក​ដូង​ក្រអូប​យ៉ាង​ឆ្ងាញ់​ និង​ស្រស់​ស្អាត​។