ជិតភ្ជុំហើយ ធ្វើញ៉ាំជុំគ្នា! នេះរូបមន្តធ្វើពោតអាំង ២ រសជាតិឆ្ងាញ់

គ្រាន់តែឮឈ្មោះក៏ស្រក់ទឹកមាត់បាត់ទៅហើយ ពោតអាំងប័រ ទឹកដោះគោ និងពោតអាំងទឹកខ្ទិះ។ ភ្ជុំហ្នឹងទៅលេងស្រុក អាចធ្វើញ៉ាំជុំគ្នាបាន ឆ្ងាញ់មាត់ហើយ បាន​សប្បាយទៀត។​

១.រសជាតិ ទឹកខ្ទិះ

គ្រឿងផ្សំ ៖

• ខ្ទិះដូង
• ស្លឹកខ្ទឹមហាន់ល្អិតៗ
• អំបិល
• ស្ករ (ដាក់ក៏បានអត់ក៏បាន)

វិធីធ្វេី ៖ លាយគ្រឿងចូលគ្នាកូរអោយសព្វ ទុកមួយអន្លេីរ

២. រសជាតិ ប័រ ទឹកដោះគោ

គ្រឿងផ្សំ ៖

• ប័រសាប
• ទឹកដោះគោ
• អំបិល
• ស្ករ (ដាក់ក៏បានអត់ក៏បាន)

វិធីធ្វេី ៖ កូរគ្រឿងទាំងអស់ចូលគ្នា ទុកមួយអន្លេីរ

វិធីចម្អិន៖

១. ពោតលឿង បកសំបក លាងឲ្យស្អាត

២. បេីកម៉ាសុីនដុត ៣ នាទី កំដៅ ២៥០ អង្សារ។ រួចដាក់ពោត ២០ នាទី (ម្ខាង១០នាទី)

៣. រួចលាបទឹកដោះគោ ឬ ទឹកខ្ទិះ លេីកទី១ ដុត ៥នាទី។ ហេីយ លាបលេីកទី២ ដុតបន្ថែម ៥នាទីទៀតជាការស្រេច។ រសជាតិផ្អែមប្រៃតាមចំណងចំណូលចិត្ត។

ប្រភព៖ Rattana Keo