អ្នកចូលចិត្តខ្ចៅ ខ្យង ក្ដាម លៀស ប្រហិត ប្រាកដជាស្គាល់ច្បាស់ហ្មងហាង ខ្ចៅស្រីភ្លោះទួលទំពូង ព្រោះថាកន្លែងនេះល្បីសឹងអីគ្រប់មុខម្ហូបគឺឆ្ងាញ់ៗអស់ស្ទះហើយ។ បែបនេះសម្រាប់អ្នកដែលចង់ភ្លក្សរសជាតិខ្ចៅ ខ្យង ក្ដាម លៀសដែលល្បីប្រចាំហាងនេះ ឆាប់បបួលគ្នាមកលឿនមកណានៅទួលទំពូងយើងនេះតើ។

ម៉ោះសម្រាប់អ្នកដែលចាប់អារម្មណ៍ចង់មកញ៊ាំចាំ Admin ប្រាប់អោយស្គាល់មីនុយដែលល្បីលក់ដាច់ខ្លាំងប្រចាំហាងនោះគឺមានដូចជា លៀសឆាអំពិលទុំ ខ្ចៅ ខ្យង ក្ដាមស្រែចំហុយ ពងទាកូនឆា និងក្ដាមឆា។ និយាយថាប៉ុន្មានមុខខាងលើ មួយមុខណាក៏ឆ្ងាញ់ដែរ បានញ៊ាំហើយដឹងតែជក់មាត់ជីបៗហ្មង ជាពិសេសគឺមានទឹកជ្រលក់អំបិលមីដែលធ្វើដោយម្ចាស់ហាងផ្ទាល់យ៉ាងមានរសជាតិ ដែលត្រូវជាតិគ្នាខ្លាំងជាមួយខ្ចៅ ខ្យង ក្ដាមស្រែចំហុយ ហើយក្រៅពីនេះក៏មានមុខម្ហូបឆ្ងាញ់ៗជាច្រើនទៀតផងដែរ។

ណ្ហើយចង់ដឹងថាពិសេសប៉ុណ្ណា ថ្ងៃនេះបបួលគ្នាមកញ៊ាំមកណា កុម្ម៉ង់មួយមុខណាក៏មិនខកបំណងដែរ។ ហាង ខ្ចៅស្រីភ្លោះទួលទំពូង ចាប់បើកពីម៉ោង១២ថ្ងៃត្រង់ រហូតដល់ម៉ោង៨យប់ ដែលមានទីតាំងផ្ទះលេខ២៧បេ ផ្លូវលេខ១៣៥ ផែនទីចុចទីនេះ ៕

ហាង ខ្ចៅស្រីភ្លោះទួលទំពូង
លេខទូរសព្ទ៖ 070 556 779
ទីតាំង៖ ផ្ទះលេខ២៧បេ ផ្លូវលេខ១៣៥
ផែនទី៖ ចុចទីនេះ

វីដេអូ៖

ចង់ញ៊ាំអាហារពេលថ្ងៃអោយប្លែកមាត់ខុសពីបាយ ហើយទទួលបានរសជាតិឆ្ងាញ់មើលតែចំណងជើងខាងលើក៏ដឹងថាAdmin ចង់ណែរនាំទៅណាដែរ?។ ឈ្មោះមុខម្ហូបគេឡើងប្លែកចឹងអី មិនអាចរំលងបានទេ គួរតែសារេណាត់គ្នាមកប្តូររសជាតិអាហារពេលថ្ងៃម្ដងនេះម្ដងមើល៎។

តោះៗ មកដឹងថាហាង DIZZ BBQ AND COCKTAIL បានបង្កើតមីនុយថ្មីនេះមានអ្វីប្លែក និងពិសេសខ្លះចាំAdminខ្សឹបប្រាប់អោយដឹង គឺថាមានដូចជា បាញ់ស្រ៊ុងស៊ុបហិរ នំបញ្ចុកស៊ុបត្រី និងមានបាញ់ហយទឹកកាពិថែមទៀតផង។ អ្វីដែលពិសេសសម្រាប់បាញ់ស្រ៊ុងស៊ុបហិរ គឺថាឈ្មោះប្លែករសជាតិប្លែកថ្មី ហើយក្នុងនោះមានប្រភេទសាច់បាក់សៀក ឆ្អឹងស៊ុប សាច់ជ្រូកចិញ្ច្រាំ សាច់ប៉ាតេ និងពងទា។ រីឯឈុតនំបញ្ចុកស៊ុបត្រី មានគ្រឿងផ្សំច្រើនមុខឆ្ងាញ់ៗផងដែរដូចជានំបញ្ចុក ​ពោះត្រីសាច់ត្រី និងសាច់បាក់សៀក។ សម្រាប់បាញ់ហយទឹកកាពិវិញក៏ពិសេសមិនធម្មតាព្រោះដោយសារតែទឹកកាពិគឺធ្វើដោយម្ចាស់ហាងផ្ទាល់មានរសជាតិឆ្ងាញ់ និងមានមួយមុខទៀតគឺស្ពាកាទី ក៏មានរសជាតិឆ្ងាញ់ដូចគ្នា។

តែប៉ុណ្ណេះដឹងតែសប្បាយមាត់ញ៊ាំហើយសម្រាប់អ្នកដែលចង់ញ៊ាំអាហារថ្ងៃត្រង់តែមិនចង់ញ៊ាំបាយ គឺអាចមកហាង DIZZ BBQ AND COCKTAIL ដើម្បីញ៊ាំបាញ់ស្រ៊ុងស៊ុបហិរ នំបញ្ចុកស៊ុបត្រី បាញ់ហយទឹកកាពិ និងស្ពាកាទី។ ពេលបានមកដល់ហើយ គឺថាត្រៀមតែឆ្ងាញ់មាត់តឹងពោះទៅ ព្រោះថាភេសជ្ជៈឆ្ងាញ់ៗជាច្រើនមុខផងដែរ។ ណ្ហើយ កន្លែងពិសេសបែបនេះមិនបានណាត់គ្នាមកញ៊ាំម៉េចបានហើយអាហារពេលព្រឹកនេះគឺមានពីម៉ោង១០ព្រឹក ដល់ម៉ោង២រសៀល៕

ហាង DIZZ BBQ AND COCKTAIL
លេខទូរសព្ទ៖ 012 29 22 55 / 016 35 37 36
ទីតាំង៖ ស្ថិតនៅច្រកទីពីរខាងមុខផ្សាដេប៉ូ ផ្លូវលេខ 150 នៅជិត ផ្កាយប្រាក់ (សាខាធំ)
ចាប់បើកពីម៉ោង១០ព្រឹក ដល់ម៉ោង២រសៀល(បិទថ្ងៃអាទិត្យ)

វីដេអូ៖

The Connected Café ពិតជាពិសេសណាស់សម្រាប់អ្នកដែលចង់ទៅអង្គុយតែមួយកន្លែងតែអាចអង្គុយញ៊ាំកាហ្វេ ពិភាក្សាការងារ ធ្វើកិច្ចការសាលា និងអាចទទួលទានអាហារបានច្រើនមុខ ច្រើនពេលមិនថាពេលព្រឹក ថ្ងៃ នឹងល្ងាចនោះទេគឺមានបម្រើជូនមួយកំប្លេតែម្ដង។ ជាពិសេសក៏មានស៊ុបនិស្ស័យ ដ៏មានរសជាតិឈ្ងុយឆ្ងាញ់ថែមទៀតផង។

ម៉ោះៗ សម្រាប់អ្នកដែលចង់មកញ៊ាំអាហារឆ្ងាញ់ៗនៅThe Connected Café ចាំAdmin ខ្សឹបប្រាប់អោយដឹងពីមុខម្ហូបឆ្ងាញ់ៗ និងចំណុចពិសេសនៅទីនេះអោយដឹងតិចចុះណា គឺថាបាយសាច់ភ្លៅទា​ បាឆាកាពិ ​ បបរសាច់ជ្រូក បបរត្រី បបរសាមចូក បបរសត្រីងៀត គុយទាវ/មីពិសេស​សាច់ចំរុះ មីសាច់ទា​ មីភ្លៅទា និងគុយទាវគ្រឿងសមុទ្រគឺសុទ្ធតែពិសេសៗហើយ ក្រៅពីនេះក៏មានមុខម្ហូបឆ្ងាញ់ៗជាច្រើនមុខទៀតផងដែរ។ អ្វីដែលកាន់តែពិសេសថែមទៀតនោះ សម្រាប់ទឹកស៊ុបគឺមិនមានប្រើប្រាស់ប៊ីចេងនោះទេ ដោយបានផ្តោតសំខាន់ទៅលើរសជាតិ គុណភាព និងអនាម័យសម្រាប់អតិថិជន។

តែប៉ុណ្ណេះលែងលំបាកហ្មង ពេលចង់អង្គុយញ៊ាំកាហ្វេ និងអាចទទួលទានអាហារពេលព្រឹក ថ្ងៃ នឹងល្ងាចគ្រាន់តែមកThe Connected Café ធានាថាពេញចិត្តម៉ាអ៊ែមហ្មង។ សម្រាប់ទីតាំងគឺចុះពីគល់ស្ពានច្បារអំពៅ​ បត់ស្តាំផ្លូវទៅព្រែកប្រា ស្ថិតនៅលើផ្លូវ៣៦៩ កែងផ្លូវ៦៤០ សង្កាត់ច្បារអំពៅទី១​ ខណ្ឌច្បារអំពៅ៕

ហាង The Connected Café ឌឹ ខន់ណេកធីត​ កាហ្វេ
លេខទូរសព្ទ៖ 081 959 501/ 011 999 445
ទីតាំង៖ ចុះពីគល់ស្ពានច្បារអំពៅ​ បត់ស្តាំផ្លូវទៅព្រែកប្រា ស្ថិតនៅលើផ្លូវ៣៦៩ កែងផ្លូវ៦៤០ សង្កាត់ច្បារអំពៅទី១​ ខណ្ឌច្បារអំពៅ
ផែនទី៖ ចុចទីនេះ

វីដេអូ៖

ច្បាស់ជាឆ្ងល់ចង់ដឹង ចង់ស្គាល់ណាស់ហើយមើលទៅពេលលឺថាកន្លែងលក់របស់ញ៊ាំឆ្ងាញ់ៗបែបនេះ។ ណ្ហើយ មិនបាច់ព្រួយចិត្តនឹកខ្វល់ឆ្ងល់ថាកន្លែងណានោះទេ ចាំAdmin ប្រាប់នោះគឺ ហាង បាយកុលាប ដែលមានលក់របស់ញ៊ាំឆ្ងាញ់ៗចាប់ពីម៉ោង៤រសៀល រហូតដល់ម៉ោង១១និង៣០នាទីយប់ឯណោះ។

ស្គាល់កន្លែងនេះ ល្ងាចឡើងឃ្លានអីលែងខ្វល់ចិត្តហ្មង គឺថាអោយតែមកដល់មិនចេះខ្វះម្ហូបឆ្ងាញ់ៗកុម្ម៉ង់ញ៊ាំៗតាមចិត្តចង់ម៉ាអ៊ែម។ ហើយសម្រាប់ម្ហូបដែលល្បីប្រចាំហាងដែលពេញនិយមខ្លាំងនោះគឺ ព្រុយត្រីអាំង សាច់ជ្រូកអាំង ឆ្អឹងជំនីជ្រូកអាំង និងខ្យងអប់អំបិលម្ទេស និយាយពីថាប៉ុន្មានមុខនេះអោយតែភ្ញៀវមកញ៊ាំគឺតែងតែហៅជាប់ជានិច្ចតែម្ដង។ ហើយក្រៅពីមុខម្ហូបល្បីប្រចាំហាងទាំង៤នេះក៏មានមុខម្ហូបឆ្ងាញ់ៗជាច្រើនមុខទៀតផងដែរ។

មិចដែរកន្លែងដែលឆ្ងាញ់បែបនេះចាំអីទៀតជាពិសេសអ្នកដែលចូលចិត្តចេញញ៊ាំអីនៅខាងក្រៅខ្ចិលធ្វើម្ហូបអីហ្នឹង មកទីនេះមកណាដឹងតែឆ្ងាញ់មាត់ជក់មាត់ជីបៗហ្មង?។

ហាង បាយកុលាប
លេខទូរសព្ទ៖ 096 ​3333 269 / 092 43 62 81
ទីតាំង៖ ផ្ទះលេខលេខ៣៥​ ផ្លូវលេខ៥៥ សង្កាត់ចតុមុខ ខណ្ឌដូនពេញ រាជធានីភ្នំពេញ

វីដេអូ៖

ធ្លាប់បានមកភ្លក្សតែគុជលំដាប់ Premium របស់ Fire Tiger ហើយរឺនៅ? និយាយពីថាក្លិនឈ្ងុយ រសជាតិឆ្ងាញ់ណាស់ អាចនិយាយបានថាបានក្របរសជាតិដ៏ប្រណិតនៃតែគុជនេះហើយ គឺច្បាស់ជាលាន់សរសើរជាក់ជាមិនខាន។ វឺតៗមកណាសម្រាប់អ្នកដែលមិនទាន់ភ្លក្សរសជាតិ ឆាប់បបួលដៃគូរដើរញ៊ាំរបស់អ្នកមកផ្សារជីបម៉ុងនរោម៉ល(ជាន់ទី២) កុំភ្លេចណា ហាង Fire Tiger នៅទីនេះចាំទទួលស្វាគមន៍លោកអ្នក។

តែគុជ Fire Tiger គឺមាន៦រសជាតិសម្រាប់អ្នកទាំងអស់គ្នាជ្រើសរើសតាមចំណង់ចំណូលចិត្ត។ ហាងតែគុជ Fire Tiger ផ្តល់ជូននៅតែគុជដែលមានរសជាតិឆ្ងាញ់លំដាប់ PREMIUMS ហើយទទួលបានប្រជាប្រិយភាពខ្លាំងណាស់ តាមបណ្ដាប្រទេសនានា ទាំងនៅអាស៊ី និងអឺរ៉ុប ពេលនេះ Fire Tiger ក៏វត្តមានមកដល់ទឹកដីប្រទេសកម្ពុជាហើយ! ស្ថិតក្នុងផ្សារទំនើប ជីប ម៉ុង ណូរ៉ូ ម៉ល ជាន់ទី 2 ផ្ទាល់តែម្តង។ សម្រាប់មិត្តៗយុវវ័យដែល និយមចូលចិត្តរសជាតិតែគុជបែប PREMIUMS កុំភ្លេចណាFire Tiger។

ហាង តែគុជ Fire Tiger មានទីតាំងស្ថិតក្នុងផ្សារទំនើប ជីប ម៉ុង ណូរ៉ូ ម៉ល ជាន់ទី 2 បើកដំណើរការលក់ម៉ោង៩ព្រឹក ដល់ម៉ោង៩យប់ សម្រាប់មិត្តៗយុវវ័យ ដែលចង់ញ៊ាំតែគុជដែលមានរសជាតិឆ្ងាញ់ប្លែក ពេញនិយម ល្បីល្បាញទាំងក្នុងប្រទេស និងក្រៅប្រទេស នោះគឺ Fire Tiger កុំភ្លេចសាកទទួលយករសជាតិដ៏ឆ្ងាញ់មួយនេះ ទាំងអស់គ្នាណា!

ហាង Fire Tiger Cambodia
លេខទូរសព្ទ ៖ 015 566 569
ទីតាំង ៖ស្ថិតក្នុងផ្សារទំនើប ជីប ម៉ុង ណូរ៉ូ ម៉ល ជាន់ទី២។

វីដេអូ៖