ធ្លាប់ញ៉ាំក្រូចង៉ាំងូវអត់? អ្នកខ្លះធ្លាប់ញ៉ាំតែសម្លង៉ាំង៉ូវ តែមិនដែលយកមកធ្វើជាទឹកញ៉ាំទេ សាកធ្វើញ៉ាំម្តងមើល ស្រលះកស្រួលណាស់។

គ្រឿងផ្សំ៖

• ក្រូចឆ្មារ ២០ ផ្លែ
• ស្ករត្នោត ឬស្ករស ២ ស្លាបព្រាបាយ
• អំបិល ៦ ស្លាបព្រាបាយ
• ទឹកខ្មេះ ៨ ស្លាបព្រាបាយ
• ទឹក ២ លីត្រ
• ក្រឡ ឬកែវ សម្រាប់ត្រាំ

វិធីធ្វើ៖

១. យកក្រូចឆ្មារមកលុញឱ្យទន់ បន្ទាប់មកយកវាទៅស្រុះក្នុងទឹកកំពុងដាំពុះប្រហែល ៥នាទី រួចស្រង់យកមកលាងទឹកត្រជាក់ ហើយដាក់ហាលថ្ងៃឱ្យក្រៀមសិនប្រហែល ២-៣ថ្ងៃ

២.បន្ទាប់ពីហាលថ្ងៃស្ងួតហើយ យកក្រូចដាក់ចូលក្នុងក្រឡ 

៣.ដាំឆ្នាំងដាក់ស្ករចូល ចាក់ទឹកចូលបន្តិច កូរវាឲ្យស្អិតៗឡើងជើងអង្ក្រង ហើយដាក់ទឹក អំបិល និងទឹកខ្មេះចូលកូរវាឱ្យរលាយចូលគ្នាសព្វល្អដាំឱ្យពុះ ហើយបិទភ្លើងទុកទឹកនោះឱ្យត្រជាក់សិន

៤.ពេលដែលទឹកត្រជាក់ហើយយកទៅចាក់ចូល ឬក៏ដួសដាក់ក្នុងក្រឡដែលបានដាក់ក្រូចចូល ត្រាំទុកចោលប្រហែល ១សប្តាហ៍ អាចយកមកទទួលទានបានហើយ៕

*សម្រាប់ទឹកក្រូចង៉ាំងូវវិញ គ្រាន់តែយកក្រូចង៉ាំងូវ ១ ផ្លែ ដាក់ចូលក្នុងទឹកក្តៅឧណ្ហៗមួយកែវ ថែមស្ករបន្តិច (មិនដាក់ក៏បាន)។ អាចញ៉ាំក្តៅឧណ្ហៗសម្រាប់អ្នកឈឺក បើចង់ញ៉ាំឆ្ងាញ់អាចថែមទឹកកកបាន។

កំពុងស្វែងរកហាងកាហ្វេបើកដំណើរ ២៤ ម៉ោងមែនទេ? មានការងារបន្ទាន់ធ្វើបង្ហើយ ឬមានកិច្ចការសាលាត្រូវធ្វើជុំមិត្តភក្តិ អាចមកកាហ្វេ ៥ កន្លែងនេះបាន មានបើកដំណើរការ ២៤ ម៉ោង ស័ក្តិសមសម្រាប់អ្នកចូលចិត្តធ្វើការដាច់យប់។ ម៉ោះចាំ Admin ដាក់ទីតាំងឲ្យ កុំឲ្យពិបាករក។

១. Coffe Bridge 24H

Coffee Bridge 24H
មាន ៣ សាខា
សាខាទី១៖ សូមចុចទីនេះ
សាខាទី២៖ សូមចុចទីនេះ
សាខាទី៣៖ សូមចុចទីនេះ

២. Neutral Cafe

Neutral Cafe
ទីតាំង៖ សូមចុចទីនេះ

៣. Coffee Today សាខាជិតវាំង

Coffee Today សាខាជិតវាំង
ទីតាំង៖ សូមចុចទីនេះ

៤. Cafe Amazon សាខាមាត់ទន្លេ

Cafe Amazon សាខាមាត់ទន្លេ
ទីតាំង៖ សូមចុចទីនេះ

៥. N’less 24h Cafe

N’less 24h Cafe
ទីតាំង៖ សូមចុចទីនេះ

មិនមែនតិចទេណា ដែលហាងសាច់អាំងបែបចិន មានសាខាច្រើនរហូតដល់១៥សាខាក្នុងទីក្រុងភ្នំពេញយើង ទាំងនេះអាចនិយាយបានថាជាពិតជាទទួលបានការគាំទ្រច្រើនពីអតិថិជន ដែលនិយមចូលចិត្តសាច់អាំងបែបចិន មិនតិចអ្នកនោះទេ ។

សម្រាប់បងប្អូនមួយចំនួនធំប្រាកដជាបានស្គាល់ហាង សាច់អាំងបែបចិនហើយ ព្រោះថារាល់ពេលជិះកាត់មុខហាងម្តងៗ ភាយក្លិនគ្រឿងអាំងសាច់ បន្លែ ដាស់អារម្មណ៍ចង់ញ៊ាំតែម្តង ។ គ្រប់មុខម្ហូបដែលចម្អិនអាំង គឺប្រើគ្រឿងផ្សំបែបចិន ដែលធ្វើអោយសាច់ និងបន្លទន់ ហើយទទួលបានរសជាតិឆ្ងាញ់ប្លែក ហើយអ្វីដែលជាចំនុចពិសេសមួយទៀតនោះ ហើយភាគច្រើនភ្ញៀវដែលចូលពិសា មិនដែលរំលងនោះគឺ មី​ស៊ុប​ជូរ​ហឹរ​ ជា​មី​ស៊ុប​ដែល​រំ​ងាស់​ពី​ឆ្អឹង​គោ​, ក្នុង​ឈុត​មី​មួយ​ឆ្នាំង​នេះ​ មាន​ដូច​ជា​ ត្រកួន​ស្រស់​ ជ្រក់​ត្រ​កួន​ ពពុះ​សណ្តែក​ ជ្រក់​ត្រពាំង​ និង​សណ្តែក​ដី​ ហើយ​មាន​រស​ជាតិ​ហឹរ​តិចៗ​ និង​ជា​ប្រភេទ​ម្ហូប​ប្រពៃ​ណី​ចិន​។

តោះប្តូរអារម្មណ៍ ភ្លក្សរសជាតិម្ហូបចិនវិញម្ដងក៏ប្លែកម្យ៉ាងដែរ ទាំងសាច់អាំងច្រើនមុខ អាំងលើអណ្ដាតភ្លើងក្ដៅគគុក ពោលពេញទៅដោយរសជាតិ រីឯក្លិនវិញឈ្ងុយឈ្ងប់ បើបានញ៉ាំជាមួយភេសជ្ចៈត្រជាក់ៗទៀត និយាយពីថា អ៊ែមហ្មង។ មិនត្រឹមតែមានសាច់អាំងទេណា ស៊ុបជូរហិរ​ អយស្ទ័របែបចិន ព្រមទាំងគ្រឿងក្លែមច្រើនមុខទៀតក៏មានដែរ។ តោះចាំកាលទៀត លោកអ្នកអាចស្វែងរកសាខាមួយណាក៏បាន ដែលនៅជិតលោកអ្នក ព្រោះអីមានហាងសាច់អាំងបែបចិន មានរហូតដល់ ១៥សាខា ។

ហាង សាច់អាំងបែបចិន
លេខទូរសព្ទ៖ 015790440
ទីតាំង៖ ផ្លូវ ២៧១ កែងផ្លូវ ៣៧១

វីដេអូ

ភ្លេចៗខ្លួនជិតសែនក្បាលទឹកទៀតហើយ អាចជ្រើសរើសធ្វើនំបញ្ចុកខួរក្តាមនេះសម្រាប់សែនក៏បាន ញ៉ាំជួបជុំបងប្អូនក្រោយសែនហើយល្ងាចឡើងក៏បាន។ នេះរូបមន្តធ្វើ ស៊ែរទុកមើលឲ្យហើយទៅ កុំឲ្យពិបាករក។

គ្រឿងផ្សំ៖

• ឆ្អឹងជ្រូក ១ គីឡូក្រាម
• សាច់ជ្រូកចិញ្ច្រាំ ៣០០ ក្រាម
• ប្រហិតត្រី រឺ សាច់ប៉ាតេ (តាមចំណូលចិត្ត)
• បង្គារក្រៀម ២ ស្លាបព្រាបាយ (ត្រាំទឹក ហើយចិញ្ច្រាំឲ្យម៉ត់)
• បង្គារស្រស់ ១/២ គីឡូក្រាមបកសំបកចិញ្រ្ចាំអោយម៉ត់
• ឈាមមាន់ (តាមចំណូលចិត្ត)-តៅហ៊ូចៀន ១ កញ្ចប់
• សាច់ក្ដាមស្ងោរ ៣០០ ក្រាម
• សាច់ក្តាមម៉ត់ ២ កែវ (crab paste)
• ប៉េងប៉ោះទុំ ៥ ផ្លែ-ខ្ទឹមបារាំង ១ មើម
• ខ្ទឹម ស (ដំ ៥ កំពឹស និង ចិញ្ច្រាំ ៤ កំពិស)
• អំបិល ១.៥ ស្លាបព្រាកាហ្វេ ទឹកត្រី ២.៥ ស្លាបព្រាបាយ ស្ករស​ ២ ស្លាបព្រាកាហ្វេ
• ពងមាន់ ២ គ្រាប់
• បន្លែសំរាប់ល្បោយដាក់តាមចំណូលចិត្តមានដូចជា​សណ្តែកបណ្តុះ ត្រកួន​ ត្រយូងចេក ស្លឹកជីពណ៌ស្វាយ សាឡាត់ ជី​
• កាពិ អំពិលទុំ និង ម្ទេសហាន់
• នំបញ្ចុក​

វិធីធ្វើ៖

១.​ លាងឆ្អឹងជ្រូកឲ្យស្អាត ដាក់ឆ្នាំងដាំទឹកឲ្យពុះ រួចស្រុះឆ្អឹងជ្រូក ​បន្ទាប់មកស្រង់ឆ្អឹងជ្រូកចេញ​រួចលាងជាមួយទឹកត្រជាក់ម្តងទៀតឲ្យបានស្អាត

២. ដាក់ឆ្នាំងដាំទឹកប្រហែល ៣.៥ ទៅ ៤ លីត្រទឹកពុះដាក់ឆ្អឹងជ្រូកចូលរួច បង់អំបិលមួយស្លាបព្រាកាហ្វេ ខ្ទឹមសដំហើយ ៥ កំពឹស និងខ្ទឹមបារាំងចូល ដួសពពុះខ្មៅចេញពីទឹកស៊ុបដើម្បីឲ្យទឹកស៊ុបថ្លាល្អ រំងាស់ដោយបើកភ្លើងតិចល្មមៗចំនួន ៤៥ នាទី

៣. យកសាច់ជ្រូកចិញ្ច្រាំ លាយជាមួយនឹងសាច់ក្តាមម៉ដ្ឋ សាច់ក្ដាមស្ងោរ បង្គាក្រៀមព្រមទាំងបង្គារស្រស់ដែលចិញ្ច្រាំ រួចគោះពងមាន់ពីរគ្រាប់ដាក់ ដាក់ម្រេចម៉ដ្ឋបន្តិចរួចកូរចូលគ្នាឲ្យសព្វ ហើយទុកមួយឡែក

៤. ដាក់ខ្ទះចាក់ប្រេងឆាបន្តិចចូលឲ្យក្តៅរួចដាក់ខ្ទឹមសលីងឲ្យឈ្ងុយ ដាក់ប៉េងប៉ោះចូល រួចរោយអំបិល និងម្រេចមួយចិប ឆាប្រហែល២ ទៅ ៣ នាទី រួចហើយចាក់ប៉េងប៉ោះដែលឆារួចចូលក្នុងឆ្នាំងទឹកស៊ុប

៥.យកសាច់ខួរក្តាមតែច្របល់រួច ពូតជាដុំល្មមៗរួចមកដាក់ក្នុងស៊ុប

៦. ដាក់ឈាមមាន់ តៅហ៊ូ ប្រហិតត្រី ចូលក្នុងស៊ុប រួចបន្ថែមអំបិល ១.៥ ស្លាព្រាកាហ្វេ ស្ករស ២ ស្លាបព្រាកាហ្វេ ទឹកត្រី២.៥ ស្លាបព្រាបាយ បងប្អូនអាចភ្លក់ និងថែមថយគ្រឿងទៅតាមចំណូលចិត្ត។

ប្រភព៖ Davy Ngon

មាន់ដុតជាអាហារទូទៅសម្រាប់ប្រជាជនខ្មែរយើង ជាពិសេសនៅតាមរមនីយដ្ឋាននានា មិនថានៅខេត្ត ជាយក្រុងទេ មិនដែលចោលមុខម្ហូប ១ មុខនេះទេ។ ព្រោះវាឆ្ងាញ់ហើយស្រួលញ៉ាំ បើបានមាន់ស្រែភ្លៅធំៗទៀត បន្ថែមរសជាតិទឹកជ្រលក់បន្តិចមក ដឹងតែចង់លិឍដល់ម្រាមជើងទៀត កុំថាឡើយម្រាមដៃ ១០។ ចុះអ្នកនៅភ្នំពេញ​ ខ្ជិលចេញទៅជាយៗក្រុង ទៅណាបានមាន់ញ៉ាំឆ្ងាញ់? Admin សូមណែនាំកន្លែង ២ នេះ មានមាន់ដុតរូបមន្តពិសេសៗ ឃើញភ្លាមក្រពើររះភ្លែត។ កុំចាំយូរកៀកគ្នីគ្នាមកសាករសជាតិម្តងមើល៍។

ហាង មីទាញតុងយុំា

ដូចដែលលោកអ្នកធ្លាប់ស្គាល់ចឹង ហាង មីទាញតុងយុំា បន្ថែមមុខម្ហូបថ្មីៗជូនកំពូលម៉ូយៗអោយបានសាកនៅរសជាតិឆ្ងាញ់ប្លែកៗជាប្រចាំ ហើយមុខម្ហូបថ្មីៗនេះ មានដូចជា៖ ត្រីដុតដាក់ក្នុងបំពង់ឬស្សី មាន់អាំង មាន់ប្រឡាក់គ្រឿងដាក់ក្នុងបំពង់ឬស្សី រួមជាមួយគ្រឿងសមុទ្រច្រើនមុខផ្សេងទៀត សុទ្ធតែប្រឡាក់គ្រឿងដាក់ដុតក្នុងបំពង់ឬស្សី គ្រាន់តែឃើញភ្លាមចង់ញ៉ាំភ្លាមហើយ។

ហាង មីទាញតុងយុំា
ទីតាំង៖ ផ្លូវ 184 ក្រោយសាលាសុីសុវត្ថិ ចំហៀងខាងត្បូងជាប់ ស៊ុបហុយហុយ
សាខាទី១៖ ផ្លូវ ១២២ សន្ធរម៉ុក ប្លុកខាងក្រោយ Tous Les Jours កម្ពុជាក្រោម 
លេខទូរស័ព្ទ៖ 098 809 789 / 017995509

ហាង កាហ្វេដី

ដូចដែលអតិថិជនរបស់ហាង​កាហ្វេដីធ្លាប់ដឹងហើយថា ហាងកាហ្វេដី​​តែងតែនឹកគិតរកមុខម្ហូប ក៏ដូចជារូបមន្តពិសេសៗក្នុងការផ្សំគ្រឿងថ្មីៗជានិច្ចដើម្បីបម្រើជូនអតិថិជនដែលជាម៉ូយប្រចាំមិនអោយធុញជាមួយរសជាតិដដែលៗនោះទេ។ ហាងកាហ្វេដីមានទឹកជ្រលក់ម៉ាំ ដែលជាទឹកជ្រលក់បែបថ្មី ញ៉ាំជាមួយមាន់ដុតក្នុងពាងបែបថ្មីដែលរសជាតិកាន់តែពិសេស​ កាន់តែជក់ចិត្ត។​ បារម្ភប្រសិនបើអ្នកមិនចេះញ៉ាំម៉ាំ ព្រោះមាន់ដុតក្នុងពាងក៏មានទឹកជ្រលក់ផ្សេងទៀត សុទ្ធតែជាប់ចិត្ត ក៏ដូចជាមុខម្ហូបប្លែកៗ ជាច្រើនជម្រើសសម្រាប់ភ្ញៀវក្នុងការអញ្ចើញមកពិសារនៅក្នុងហាងកាហ្វេដីផ្ទាល់តែម្ដង។

ហាង កាហ្វេដី
ឮទូរស័ព្ទ៖ 077 85 99 59 / 015 85 99 59
ទីតាំង៖  សាខាទី១ ផ្ទះលេខ20 ផ្លូវ 590 សង្កាត់បឹងកក់2 ខណ្ឌទួលគោក​