ហាង ចែស្រីបាញ់ស៊្រុង បាញ់ឆែវឆ្ងាញ់

 អ្វីដែលជាចំណុចពិសេសដែលធ្វើអោយហាងមួយនេះល្បីឈ្មោះ និងមានម៉ូយមិនដែលចេះស្ងាត់បែបនេះក៏ព្រោះតែទឹកត្រី មានរសជាតិឆ្ងាញ់ដែលធ្វើឡើងដោយម្ចាស់ហាងផ្ទាល់ជាមួយរូបមន្តពិសេស ដែលធ្វើអោយស្រូបជាមួយបាញ់ស្រ៊ុង បាញ់ឆាវ បាញ់ហ៊យ ត្រូវជាតិគ្នាខ្លាំង។ ក្រៅពីបាញ់ស្រ៊ុង បាញ់ឆាវ បាញ់ហ៊យ ហាងក៏មានលក់គុយទាវកាត់ គួង ឆៃយ៉ យ៉ាងឈ្ងុយឆ្ងាញ់ផងដែរ។ សម្រាប់អ្នកដែលមកញ៊ាំកុំរំលងបាញ់ស្រ៊ុង បាញ់ឆាវអោយសោះ ព្រោះពីរមុខនេះគឺលក់ដាច់ជាងគេប្រចាំហាងហើយអ្នកណាៗមកក៏ញ៊ាំ ២មុខនេះដែរ។ ក្នុងមួយថ្ងៃគាត់លក់បាញ់ស្រ៊ុង អស់ ៤០ គីឡូឯណោះ បើបាញ់ឆែវវិញម្សៅអស់៣ធុង មិនតិចឯណា ចឹង ពេលបានមកហើយតែមិនបានញ៊ាំប្រយ័ត្នស្ដាយក្រោយ។

ហាង ចែស្រីបាញ់ស៊្រុង បាញ់ឆែវឆ្ងាញ់
លេខទូរសព្ទ៖ 012 23 75 89 / 070 88 10 18
ទីតាំង៖ ផ្ទះលេខ៩៤ ផ្លូវ១០៧ ផ្លូវសុកហុក

ហាង លតឆា កាពីតូលចាស់

មិនតិចជំនាន់នោះទេ តាំងពីទស្សវត្សរ៍៨០មកដល់បច្ចុប្បន្ននេះ ការគាំទ្រនៅតែបន្តមាន ទីតាំងលក់ លតឆា កាពីតូលចាស់ រសជាតិម្ចាស់ដើម លក់ ៣៨ ឆ្នាំមកហើយ អ្នកលក់តជំនាន់ អ្នកញ៉ាំតកូនតដល់ចៅ នៅតែចូលចិត្តរសជាតិមួយនេះ។ មកដល់បច្ចុប្បន្ននេះក្នុង១ថ្ងៃគាត់អាចលក់លត អស់ចន្លោះពី៣០គីឡូ ទៅ៤០គីឡូ ហើយសាច់ប៉ាតេអស់ ១០គីឡូជាង​ ។

ហាង លតឆា កាពីតូលចាស់
ទីតាំង៖ ផ្លូវ 148 ផ្សារកណ្តាល ជិតសាលាបឋមនរោត្តម
លេខទូរស័ព្ទ៖ 012 788 827
លក់ចាប់ពីម៉ោង១២ ដល់ ៨យប់

បាញ់​ស៊ុង​មុខ​ IFL

អ្នក​ម្ដុំ​ IFL​ ច្បាស់​ជា​ស្គាល់​ច្បាស់​ណាស់​កន្លែង​លក់​បាញ់​ស៊ុង​ដ៏​ល្បី​ មនុស្ស​ច្រើន​ហូហែរ​ មួយ​ថ្ងៃ​លក់​អស់​ជាង​ ៧០​គីឡូ​។

បាញ់​ស៊ុង​មុខ​ IFL
ទី​តាំង​៖ ផ្លូវ​២៦១ ទួល​គោក ជិត​ស្តុក​ផ្លូវ​ទៅ​សា​លា​ IFL
លេខ​ទូរសព្ទ: 012 316 507 

ហាង ពងទាកូនច្បារអំពៅ

ពងទាកូនច្បារអំពៅ អ្នកផ្សារច្បារអំពៅគ្រាន់តែលឺឈ្មោះប្រាកដកជាស្គាល់ច្បាស់ដូចមេឃបើកថ្ងៃហ្មងហើយ ព្រោះថាកន្លែងនេះល្បីខ្លាំងលក់តាំងពីឆ្នាំ១៩៨៣​ រហូតដល់សព្វថ្ងៃ ក្នុងមួយថ្ងៃៗលក់ដាច់ខ្ទង់ពាន់គ្រាប់ឯណោះ បែបនេះបើមិនស្គាល់បានស្គាល់ដូចជាចម្លែកពេកហើយនិយាយលេងសើចអី។  ក្រៅពីពងទាកូនដែលឆ្ងាញ់ល្បីប្រចាំហាង ក៏មានខ្ចៅ ខ្យង ក្ដាមស្រែ ពងក្រួច ងាវ លៀសហូល និងក្ដាមសមុទ្រផងដែរ រសជាតិរបស់ទាំងប៉ុន្មានមុខនេះក៏មិនធម្មតាដែរ នៅពេលបានដាក់ខ្ទឹមជ្រក់ និងទឹកជ្រលក់អំបិលម្ទេសរសជាតិក៏មិនណយដែរ ហើយបើបានញ៊ាំជាមួយទឹកក្រូចអាយ៍កូឡាទៀតកាន់តែអ៊ែម។

ហាង ពងទាកូនច្បារអំពៅ
លេខទូរសព្ទ៖​ 017 27 27 12 / 010 47 57 65
ទីតាំង៖ សាខាទី១ ផ្លូវលេខ ៣៦៣ កែងផ្សារច្បារអំពៅ
សាខាទី២ ក្រោយវត្តនិរោធ៍

ទើបតែមើលពីវិធីធ្វើហ្វឺហើយថ្ងៃមុន ឥឡូវថ្ងៃនេះមកមើលពីវិធីធ្វើម្ហូបដែលមានប្រភពដើមមកពីប្រទេសតែមួយដូចហ្វឺដែរ គឺគុយទាវកាត់ អ្នកខ្លះច្បាស់ជាធ្លាប់សាកហើយមែនអត់? តែប្រហែលជាមិនដឹងពីរបៀបធ្វើនៅឡើយទេ ឥឡូវថ្ងៃហ្នឹងមកមើលពីវិធីធ្វើទាំងអស់គ្នា៖

គ្រឿងផ្សំ៖

• ម្សៅខ្សាយ ៣០០ ក្រាម
• ម្សៅឆា ៣០០ ក្រាម
• ទឹក ១ លីត្រកន្លះ
• អំបិល ១ ស្លាបព្រាកាហ្វេ
• ប្រេងឆា ៤ ស្លាបព្រាកាហ្វេ

វិធីធ្វើ៖

១. យកម្សៅខ្សាយនឹងម្សៅឆាចាក់ចូលគ្នារួចចាក់ទឹកចូលកូអោយរលាយម្សៅសព្វទុក ២ ម៉ោងរួចចាក់ទឹកដែលរងថ្លាដាក់ចូឆ្នាំងរួចវាល់ទឹកដែលចាក់នោះមើលតើប៉ុន្មាន។ រួចដាក់ទឹកថ្មីចូលតាមទឹកដែលចាក់នោះកូអោយសព្វធ្វើបែបនេះ ២ ដង។

២. លើកទី ៣ ដាក់ទឹកចូល រួចដាក់អំបិល និងប្រេងឆាចូលកូរអោយសព្វយកមកធ្វើបាន (ប្រើភ្លើងតូចបំផុត)។

គ្រឿងផ្សំធ្វើស្នូល៖

• សាច់ជ្រូកចិញ្រ្ចាំ ២០០ ក្រាម
• ត្រចៀកកណ្តុរ ៥០ ក្រាម
• ខ្ទឹមបារាំង ១ មើម
• ស្កសរ ១ ស្លាបព្រាកាហ្វេ
• អំបិល ១ ស្លាបព្រាយ៉ាអួ
• ទឹកត្រី ១ ស្លាបព្រាកាហ្វ

វិធីធ្វើ៖

ដាក់ខ្ទះឲ្យក្តៅ ដាក់ប្រេងឆាចូលដាក់ខ្ទឹមបារាំងចូល ឆាអោយឈ្ងុយដាក់សាច់ឆាអោយសព្វ ដាក់ស្ក និង អំបិលចូលឆាអោយសព្វដាក់ត្រចៀកកណ្តុរចូលឆា រួចដាក់ទឹកត្រីចូលឆាអោយស្ងួតជាកាស្រេច។

ធ្លាប់ឮមាន់ដុតសាកេអត់? ទំនងណាស់ admin ធ្លាប់តែញ៉ាំមាន់ដុតទឹកឃ្មុំ កូកា ត្រយ៉ូងចេក អីហ្នឹង តែមាន់ដុតនេះឡើងទំនង ហើយប្លែក ចង់ដឹងរសជាតិម៉េច កុំភ្លេចសេវទុកឲ្យម៉ាក់ធ្វើឲ្យញ៉ាំ បើមិនចេះធ្វើខ្លួនឯង ? និយាយលេងទេ មានអីពិបាក មើលតែវិធីធ្វើខាងក្រោមនេះ អាចធ្វើបានហើយ៖

គ្រឿងផ្សំទី១៖

• មាន់មេ ១ ក្បាល
• សាកេ ១ ចំហៀង
• ដំឡូង ១ ម៉ើមធំល្មម ឬ ២ តូចៗ
• ប្រេង សម្រាប់បំពងដំឡូង

គ្រឿងផ្សំទី២៖

• ប្រេងឆា ៥ស្លាបព្រាបាយ លាយគ្រឿង លាបលេីមាន់
• ខ្ទឹម ស ៥
• ខ្ទឹម ក្រហម ៥
• ស្លឹកខ្ទឹម ៥ ដេីម
• ម្រេច ស គ្រាប់ ១ស្លាបព្រាបាយ
• ស្ករ អំពៅ ២ ១/២ ស្លាបព្រាបាយ
• អំបិលខ្ទឹម ១/២ ស្លាបព្រាកាហ្វេ
• ទឹកសុីអីវ ៤ ស្លាបព្រាបាយ
• ទឹកប្រេងខ្ចង ៣ស្លាបព្រាបាយ
• ម្ស៉ោស៊ុប ១ ស្លាបព្រាកាហ្វេ
• ម្ស៉ៅម្ទេស ២ស្លាបព្រាបាយកំពង់
• បញ្ជាក់ ៖ រសជាតិ អាចថែមថយ ប្រៃផ្អែម

វិធីធ្វើ៖

១. ចិតសំបក និង ហាន់ សាកេ និង ដំឡូងបារាំងជាដុំៗ ហេីយយកទៅបំពង
២. លាងសម្អាតមាន់ទុកអោយស្រក់ទឹកអស់។ ចងស្លឹកខ្ទឹមជាដុំ ដំខ្ទឹមស និង ក្រហមអោយទួកៗ រួចយកដាក់លាយគ្រឿង (២) (លេីកលែងប្រេងឆា) ចូលគ្នាកូអោយសព្វ ហេីយប្រលាក់លាប សព្វសាច់មាន់ ក្នុងក្រៅ

៣. ដួសយកស្លឹកខ្ទឹម ដុំខ្ទឹម ម្រេចញាត់ចូលក្នុងមាន់។ បន្ទាប់ពីប្រលាក់មាន់រួច ផ្អាប់ ៣០ នាទី ចាំដាក់ សាកេ និង ដំឡូងបារាំង ត្រលប់ៗអោយជាប់គ្រឿង ទេីបរុំក្រដាសដុត ដោយទុកចំហរ ពាក់កណ្តាលខាងលេី ដាក់ដុត ៣០ នាទី ទៅ ៣៥ នាទី ភ្លេីង ២៥០ (ប្រើតាមម៉ាស៊ីនដុតមាន់)។

៤. ក្រោយ ៣០ នាទី ពិនិត្យមេីលសាកេ និង ដំឡូងបារាំង ប្រសិនឆ្អិនហេីយមានសភាពរៀងស្ងួតៗ អាចយកចេញទុកមួយអន្លេីរ។ យកទឹកគ្រឿងប្រលាក់មាន់ លាយប្រេង មកលាបលេីមាន់ ហេីយបន្តរដុតមាន់ លេីចង្អេីរម្តង ដកក្រដាសដុតចេញ ដុតបន្តរប្រហែល ៣០នាទី ទៀត។ កំឡុងពេលដុតអាចលាបទឹកប្រេង បាន ២ ដងទៀត។

ប្រភព៖ Rattana Keo

ហ្វឺជាអាហារមានប្រភពដើមពីប្រទេសជិតខាងយើងទេ តែក៏ពេញនិយមញ៉ាំច្រើននៅខ្មែរដែរ ព្រោះវាស្រដៀងទៅហ្នឹងគុយទាវស៊ុប។ មានអ្នក​អត់ធ្លាប់ញ៉ាំអត់? បើចងសាកអាចធ្វើញ៉ាំបាន រូបមន្ត និងគ្រឿងផ្សំ មាននៅក្រោមនេះស្រាប់៖

គ្រឿងផ្សំ៖

•  ឆ្អឹងស៊ុប ១ គីឡូ
• សាច់គោរំងាស់ធ្វើហ្វឺ កន្លះគីឡូ
• សាច់គោស្រស់ ២ ខាំ
• គុយទាវហ្វឺ
• ស្ករស ១ ស្លាបព្រា
• អំបិល ១ ស្លាបព្រា
• ខ្ទឹមបារាំង ៤ ផ្លៃ
• មើមខ្ញី ១ ខាំ
• គល់ខ្ទឹមស ១ មើមពុះជា ២
• ឈើអែម ២ កំណាត់ខ្លីៗ
• ផ្កាចាន់ ៣ ផ្កា
• វ៉ាន់ស៊ុយ (កាត់ស្លឹកនិងគល់ដាក់ផ្សេងគ្នា)
• ស្លឹកខ្ទឹម
• ជីនាងវង
• ជីបន្លា
• ម្ទេស
• ផ្លែក្រវាញស្ងួត ៣ គ្រាប់
• សណ្តែកបណ្តុះ ២ ខាំ
• ម្រេចខ្មៅ
• ទឹកសៀង
• ទឹកម្ទេស
• ក្រូចឆ្មា ១ ផ្លែ

វិធីធ្វើទឹកស៊ុប៖

១. ដាំទឹកអោយពុះដាក់ឆ្អឹងស៊ុបចូល ទុកអោយពុះខ្លាំង២នាទី​ ចាក់ទឹកនិងឆ្អឹងចេញ​ ហើយរើសយកតែឆ្អឹងមកលាងទឹកស្អាត ( ពុះតែ ២ នាទីមិនធ្វើអោយបាត់ជីជាតិទេ​ តែធ្វើបែបនេះកុំអោយធុំក្លិនគោក្នុងទឹកស៊ុប និងដើម្បីកំចាត់ជាតិមិនល្អពីឆ្អឹង)

២. យកឆ្នាំងធំដាក់ឆ្អឹង ទឹក ៥ លីត្រ ស្ករស ១ ស្លាបព្រា អំបិល ១ ស្លាបព្រា ខ្ទឹមបារាំង ១ ផ្លែចិតសំបកហើយ (ដាក់ទាំងមូលធ្វើអោយទឹកស៊ុបថ្លានិងមានរសជាតិឆ្ងាញ់) ដាក់សាច់សំរាប់រំងាស់ចូលទាំងមូល​​ បើកភ្លើងអោយខ្លាំង។​ ពេលពុះប្រហែល ១០ នាទីហើយ បន្ថយភ្លើង ដួសពពុះចេញអោយអស់ ចំអិនក្នុងកំដៅមធ្យមរយៈពេល ២ ម៉ោង បើកគំរបឆ្នាំងចេញ ​( ដើម្បីអោយទឹកស៊ុបថ្លាហើយមិនឆាប់ផ្អូម)​។

គ្រឿងផ្សំក្លិនហ្វឺ៖

៣. ខ្ញីចិតជាបន្ទះៗទាំងសំបក​ គល់ខ្ទឹមស​ ផ្លែក្រវាញស្ងួត ឈើអែម ផ្កាចាន់​ ខ្ទឹមបារាំង ១ មើមពុះជាពីរកុំបកសំបក​ យកគ្រឿងទាំងអស់នេះទៅអាំងអោយឈ្ងុយ។​ បន្ទាប់មកបកសំបកខ្ទឹមបារាំងចេញ យកគ្រឿងទាំងអស់នេះ គល់ជិវ់ាន់ស៊ុយ ដាក់ក្នុងស្បៃរឺកន្រងសំណាញ់មានគំរបបិទអោយជិតរួចដាក់ចូលក្នុងឆ្នាំងស៊ុបដែលកំពុងរំងាស់។​

៤. ៩០ នាទីក្រោយពីរំងាស់សាច់ សូមស្រង់ខ្ទឹមបារាំងដែលដាក់ដំបូងគេចេញពីឆ្នាំងស៊ុប។​ រួចស្រង់សាច់ដែលរំងាស់ ១ ដុំនោះមកត្រាំទឹកក ៥ នាទី (ដើម្បីកុំអោយសាច់ក្រៀមនិងឡើងព៍ណក្រម៉ៅ)

រៀបចំគ្រឿងសម្រាប់ញ៉ាំហ្វឺ៖

• បកសំបកខ្ទឹមបារាំង ១ ផ្លែ ពុះជាពីរ ហាន់ជាបន្ទះស្តើងៗ (ហាន់ពីក្បាល កុំហាន់ពីចំហៀង) យកទៅត្រាំទឹកកកដើម្បីអោយនៅស្រួយហើយបំបាតក្លឹនឈួល។
• យកសាច់ដែលត្រាំទឹកកកនោះមកហាន់ជាបន្ទះស្តើងៗ
• សាច់គោស្រស់ហាន់ជាបន្ទះស្តើងៗ
• ស្លឹកខ្ទឹម: កាត់ក្បាលច្រៀកជាសរសៃៗតែកុំអោយដាច់ចេញពីគ្នាចំនែកស្លឹកខ្ទឹមហាន់អោយល្អឹតៗ
• ស្លឹកជីវ៉ាន់ស៊ុយហាន់តូចៗ
• ជីនាងវងបេះយកតែស្លឹក
• ជីបន្លាហាន់វែងៗប្រហែល ១ ថ្នាំងដៃ
• ម្ទេសហាន់ខ្លីៗតូចៗ
• ក្រូចឆ្មាមួយពុះជា ៤
• សណ្តែកបណ្តុះលាងទឹកហើយស្រុះទឹកក្តៅ ១០ វិនាទី
• គុយទាវហ្វឺកញ្ចប់ត្រាំទឹកធម្មតា ១៥ នាទី យកទៅស្រុះទឹកក្តៅអោយទន់ល្មម

ទំនងណាស់ សង់ខ្យាដំឡូងស្វាយ ធ្វើស្រោបបាយដំណើបក៏បាន ជ្រលក់នំញ៉ាំក៏បាន ហើយអីពិសេស ដាក់លាយទឹកដោះគោស្រស់លាយទឹកកកត្រជាក់ៗឆ្ងាញ់សន្លប់ហ្មង។

គ្រឿងផ្សំ៖

• ដំឡូងពណ៌ស្វាយ (ចំហ៊ុយហើយ)
• ទឹកខ្ទិះដូង
• ស្ករត្នោត
• ពងមាន់ ពងទា (ផ្នែកក្រហម)

វិធីធ្វើ៖

១. ដាក់ដំឡូងចំហុយហើយ កម្តៅប្រហែល ២០ នាទី
២. គោះស៊ុតដាក់ចាន រួចដាក់ស្ករត្នោតចូល វាយចូលគ្នាឲ្យសព្វ បន្ទាប់មកដាក់ខ្ទិះដូងចូល
៣. យកដំឡូងកម្តៅហើយ មកច្របាច់ឲ្យហ្មត់ និងស្អិតជាប់គ្នា បន្ទាប់មកចាក់ល្បាយស៊ុតដែលលាយហើយចូល វាយចូលគ្នាឲ្យសព្វល្អ
៤. បន្ទាប់ចាក់លើកន្រ្តង់ ដើម្បីកុំឲ្យមានកាក
៥. ប្រើខ្ទះដាំទឹកឲ្យពុះ ដាក់កន្សែងបត់រាងក្រាស់បន្តិចចូលក្នុងទឹកកំពុងពោះ រួចដាក់ចានដែលត្រងដំឡូងហើយពី កូរហូតដល់ឡើងស្អិត សឹមយកឡើងជាការស្រេច។​

បើចង់ធ្វើភេសជ្ជៈញ៉ាំត្រូវយកសង់ខ្យាដាក់ក្នុងកែវម៉ាល្មម បន្ទាប់​មកចាក់ទឹកដោះគោស្រស់ចូល ដាក់ទឹកកកចូលអាចញ៉ាំបានហើយ។