ធ្លាប់ឮមាន់ដុតសាកេអត់? ទំនងណាស់ admin ធ្លាប់តែញ៉ាំមាន់ដុតទឹកឃ្មុំ កូកា ត្រយ៉ូងចេក អីហ្នឹង តែមាន់ដុតនេះឡើងទំនង ហើយប្លែក ចង់ដឹងរសជាតិម៉េច កុំភ្លេចសេវទុកឲ្យម៉ាក់ធ្វើឲ្យញ៉ាំ បើមិនចេះធ្វើខ្លួនឯង 🤣 និយាយលេងទេ មានអីពិបាក មើលតែវិធីធ្វើខាងក្រោមនេះ អាចធ្វើបានហើយ៖

Image may contain: food

គ្រឿងផ្សំទី១៖

  • មាន់មេ ១ ក្បាល
  • សាកេ ១ ចំហៀង
  • ដំឡូង ១ ម៉ើមធំល្មម ឬ ២ តូចៗ
  • ប្រេង សម្រាប់បំពងដំឡូង

គ្រឿងផ្សំទី២៖

  • ប្រេងឆា ៥ស្លាបព្រាបាយ លាយគ្រឿង លាបលេីមាន់
  • ខ្ទឹម ស ៥
  • ខ្ទឹម ក្រហម ៥
  • ស្លឹកខ្ទឹម ៥ ដេីម
  • ម្រេច ស គ្រាប់ ១ស្លាបព្រាបាយ
  • ស្ករ អំពៅ ២ ១/២ ស្លាបព្រាបាយ
  • អំបិលខ្ទឹម ១/២ ស្លាបព្រាកាហ្វេ
  • ទឹកសុីអីវ ៤ ស្លាបព្រាបាយ
  • ទឹកប្រេងខ្ចង ៣ស្លាបព្រាបាយ
  • ម្ស៉ោស៊ុប ១ ស្លាបព្រាកាហ្វេ
  • ម្ស៉ៅម្ទេស ២ស្លាបព្រាបាយកំពង់
  • បញ្ជាក់ ៖ រសជាតិ អាចថែមថយ ប្រៃផ្អែម
Image may contain: food

វិធីធ្វើ៖

១. ចិតសំបក និង ហាន់ សាកេ និង ដំឡូងបារាំងជាដុំៗ ហេីយយកទៅបំពង
២. លាងសម្អាតមាន់ទុកអោយស្រក់ទឹកអស់។ ចងស្លឹកខ្ទឹមជាដុំ ដំខ្ទឹមស និង ក្រហមអោយទួកៗ រួចយកដាក់លាយគ្រឿង (២) (លេីកលែងប្រេងឆា) ចូលគ្នាកូអោយសព្វ ហេីយប្រលាក់លាប សព្វសាច់មាន់ ក្នុងក្រៅ

Image may contain: food


៣. ដួសយកស្លឹកខ្ទឹម ដុំខ្ទឹម ម្រេចញាត់ចូលក្នុងមាន់។ បន្ទាប់ពីប្រលាក់មាន់រួច ផ្អាប់ ៣០ នាទី ចាំដាក់ សាកេ និង ដំឡូងបារាំង ត្រលប់ៗអោយជាប់គ្រឿង ទេីបរុំក្រដាសដុត ដោយទុកចំហរ ពាក់កណ្តាលខាងលេី ដាក់ដុត ៣០ នាទី ទៅ ៣៥ នាទី ភ្លេីង ២៥០ (ប្រើតាមម៉ាស៊ីនដុតមាន់)។

Image may contain: food and indoor


៤. ក្រោយ ៣០ នាទី ពិនិត្យមេីលសាកេ និង ដំឡូងបារាំង ប្រសិនឆ្អិនហេីយមានសភាពរៀងស្ងួតៗ អាចយកចេញទុកមួយអន្លេីរ។ យកទឹកគ្រឿងប្រលាក់មាន់ លាយប្រេង មកលាបលេីមាន់ ហេីយបន្តរដុតមាន់ លេីចង្អេីរម្តង ដកក្រដាសដុតចេញ ដុតបន្តរប្រហែល ៣០នាទី ទៀត។ កំឡុងពេលដុតអាចលាបទឹកប្រេង បាន ២ ដងទៀត។

Image may contain: food and indoor

ប្រភព៖ Rattana Keo