កុំទុកពេលទំនេរអី ឆ្លៀតរវល់តិចក៏ល្អដែរ សន្សំលុយហើយ ចំណេញពេលវេលាពេលក្រោយទៀត មកដឹងពីរបៀបធ្វើប៉ាតេសាច់ជ្រូកងាយៗ អាចទិញតែនំប័ុងមកញ៊ាំបាន ហើយមិនតែប៉ុណ្ណោះទេ ប៉ាតេសាច់ជ្រូក ច្នៃជាម្ហូបបានច្រើនមុខថែមទៀតផង។

គ្រឿងផ្សំ

– ទឹកត្រី​ ៣ ស្លាបព្រាបាយ
– ស្ករស​ ១ ស្លាបព្រាបាយ
– ប៊ីចេង​ ១ ស្លាបព្រាកាហ្វេ
– ម្រិច​ ១ ស្លាបព្រាកាហ្វេ
– ម្សៅឆា​ ២ ស្លាបព្រាបាយ
– ប្រេងឆា​ ២ ស្លាបព្រាបាយ
– ទឹកត្រជាក់ខ្លាំង​ ៤ ស្លាបព្រាបាយ
– ម្សៅ Baking powder ១ ស្លាបព្រាកាហ្វេ
– សាច់ជ្រូកកិនស្រេច ចំនួន ៥០០ ក្រាម ហើយដាក់ឲ្យត្រជាក់ចំនួន ២ ម៉ោង
– ស្លឹកចេក ដែលលោកអ្នកគិតវាសមាមាត្រទៅនឹងសាច់

របៀបធ្វើប៉ាតេ

ដាក់ទឹកត្រជាក់ ម្សៅឆា ម្សៅ Baking powder ហើយកូរវាឲ្យសព្វ
យកសាច់ជ្រូកកិនស្រេចនិងត្រជាក់នោះទៅកាត់ដុំៗ និងដាក់ក្រឡុក ដើម្បីវាស្វិត។ ក្នុងការកិនសាច់ជ្រូកត្រូវដាក់ ទឹកត្រី ស្ករស ប៊ីចេង និងម្រេច បន្ទាប់មកកិនវាឲ្យសព្វចំនួន ពី ២ ទៅ ៣ នាទីហើយត្រូវយកស្លាបព្រាទៅកូរវាដើម្បីឲ្យសាច់និងគ្រឿងចូលសព្វគ្នា។ បន្ទាប់មកធ្វើការកិនវាចំនួន ២ នាទីទៀត។

បន្ទាប់ពីសាច់នោះស្វិតល្អហើយ សូមដាក់ម្សៅឆា និងBaking powder ដែលលាយស្រេចនោះចូល ប៉ុន្ដែមុននឹងចាក់ត្រូវលាយម្សៅកូរម្សៅនោះឲ្យសព្វនិង ចាក់វាបន្ដិចម្ដងៗ បន្ទាប់មកធ្វើការកិនវាចំនួន ២ នាទីទៀត។
បន្ទាប់មកចាក់ប្រេងឆាចូលម្ដងបន្ដិចៗ ហើយកិចចំនួន ២ នាទីទៀត
លាបប្រេងឆាលើស្លឹកចេក កុំឲ្យវាជាប់សាច់
ធ្វើការវិចសាច់ ជាមួយស្លឹកចេកដូចវេចនំអន្សម និងចង់វាឲ្យបានជាប់ល្អ
ដាក់ចំហុយចំនួន ៣០ នាទីជាការស្រេច៕
អត្ថបទដោយ៖ សារ ធូរ៉ា

រឿងកាពិនេះ អ្នកទាំងអស់គ្នាដឹងស្រាប់ហើយថាមានក្លិនមិនធម្មតានោះទេ តែបើយើងយកវាមកច្នៃជាម្ហូបខ្លះគឺធ្វើអោយមានក្លិនឈ្ងុយ និងរសជាតិឆ្ងាញ់ហ្មង។ កាពិនេះគឺជាទីពេញចិត្ត សម្រាប់អ្នកខេត្តកំពតហ្មងហើយ ថ្ងៃនេះAdmin ក៏បង្រៀនអ្នកទាំងអស់គ្នាមកធ្វើកាពិផាវ ដែលមានរសជាតិឆ្ងាញ់ទុកញ៊ាំជាមួយបាយក្ដៅក៏ឆ្ងាញ់ បាយកកក៏ឆ្ងាញ់ដែរ តោះមករៀនធ្វើទាំងអស់គ្នា។

▶️ គ្រឿងផ្សំដែលត្រូវមាន៖

• កាពិ ២ស្លាបព្រាបាយ
• សាច់ជ្រូកចិញ្ច្រាំ ៣ខាំ
• ត្រីឆ្អើរ ១ចង្កាក់
• សណ្ដែកដី ១ខាំ
• ម្ទេសហុយ ១ស្លាបព្រាបាយ
• ប្រេងឆា ១កូនពេង
• ខ្ទឹមក្រហមចិញ្ច្រាំ ២មើម
• ខ្ទឹមសចិញ្ច្រាំ ៨កំពិស
• ស្ករក្រហម ២ស្លាបព្រាបាយ
• ហាយប៊ី កន្លះខាំ
• ម្ទេសក្រៀម ៥ផ្លែ
• ខ្ទិះដូង ១៥០មីលីលីត្រ

▶️ បន្លែអន្លក់៖

• ត្រប់ពុតញង
• ត្រប់ស្រួយ
• សណ្ដែកគួរ
• ពពាយ
• ត្រសក់
• ស្ពៃបូគោតូច
• ការ៉ុត
• ស្នៀតពោត
• ប៉េងប៉ោះ
• ជីរណា
• ត្រប់ក្ដគោ

▶️ វីដេអូបង្រៀនធ្វើ៖

តែប៉ុណ្ណេះ លែងខ្វះអីក្លែមហើយ វិធីធ្វើជ្រក់ត្រចៀកជ្រូក ប្រើតាមរូបមន្តពិសេស​ មើលទៅទំនងដល់ក ហើយនែក៎ ធ្វើទុកញ៊ាំលេងជាមួយបាយក៏បាន ឬបើមានកម្មវិធីម្តងៗ អាចជំនួសគ្រឿងក្លែមបានទៀត។

គ្រឿងផ្សំ

– ត្រចៀកជ្រូក
– គល់ស្លឹកគ្រៃ 4 គល់ ដំអោយបែក កាត់ខ្លី
– ខ្ញី ហាន់ស្តើងៗ
– ខ្ទឹមស ៥-១០ កំពឹស ហាន់ស្តើងៗ
– រំដេង
– ម្ទេស តាមចំនូលចិត្ត
– អំបិល
– ទឹកក្រូចឆ្មារ
– ស្ករស
– អំបិល
– ទឹកត្រី
– ឆៃថាវ ១ មើម ហាន់ជាចង្វាមូល (ដាក់ក៏បានមិនដាក់ក៏បាន)
– ការ៉ុត ១ មើម ហាន់ជាចង្វាមូល (ដាក់ក៏បានមិនដាក់ក៏បាន)
– ម្ទេសហាវៃ (ក្រហម ខៀវ) ១ ផ្លែតូច ហាន់តូចៗល្មម

វិធីធ្វើ

1- ដាក់ត្រចៀកជ្រូកស្ងោរជាមួយ គល់ស្លឹកគ្រៃ ខ្ញីរំដេង អោយឆ្អឹន (កុំអោយផុយពេក) រួចស្រង់យកមកត្រាំក្នុងទឹកកក ប្រហែល ១០ ទៅ ២០ នាទី។
2- យកត្រចៀកជ្រូកមកហាន់ជាចំនិតតូចល្មម រួចទុកមួយអន្លើ។
3- បុកម្ទេសនឹងខ្ទឹមលាយគ្រឿងផ្សំ លាយចូលគ្នា ភ្លក់មើលម៉ាល្មម។
4- យកត្រចៀកជ្រូកដែលហាន់រួចដាក់ចូលក្នុងកែវមានគ្រប រួចដាក់ ទឹកត្រីបុកចូលទាំងអស់ រួចយក កូរអេាយសព្វ បិទគំរបអោយជិត ទុកចោល ១ម៉ោង ទៅ ២ ម៉ោង អាចទទួលទានបានហើយ៕
ប្រភព: KBuzzFood

និយាយមិនអួតទេ គឺបាយគោដុតផ្សារថ្មី១ល្បីមែនភ្ញៀវច្រើនណាស់​ទាំងប្រុសទាំងស្រី មកញ៊ាំពេញៗហាង ហើយមានទាំងអ្នកឈររង់ចាំទៀត។ ភ្ញៀវច្រើនៗបែបនេះក៏ដោយសារតែរសជាតិបាយគោដុតរបស់ហាងគាត់ឆ្ងាញ់ លក់យូរឆ្នាំល្បីខ្លាំង មានតម្លៃសមរម្យ និងមានអ្នកលក់រួសរាយចាំទទួលស្វាគមន៍ភ្ញៀវយ៉ាងរាក់ទាក់ទៀត។

បើនិយាយពីរឿងទំនងនោះគឺថាទំនង​ម៉ាទំហឹងហ្មង បន្ទះដែករូបគោ មានសាច់គោ ពងទា ត្រីខ និងបន្លែ ដែលភាយក្លិនឈ្ងុយមកម្ដងៗ ស្ទើតែទ្រាំមិនបានចង់ញ៉ាំទាំងក្តៅភ្លាមៗហ្មង។ សម្រាប់ភ្ញៀវដែលមកធ្លាប់ញ៉ាំហើយតែងសរសើរថាឆ្ងាញ់គ្រប់ៗគ្នា។ អ្វីដែល Admin មិនខ្លាចនិងយាយថាល្បីនោះក៏ព្រោះតែ នៅពីមុខហាងគាត់មានភ្ញៀវឈររង់ចាំទិញ ជាហូហែរ ម្ចាស់ហាងគាត់ប្រាប់មកក្រុមការងារថា១ថ្ងៃលក់អស់ ១០០០ចានអីលក់គ្មានសល់ទេ ចឹងមិនមែនលំៗណា ប៉ុណ្ណឹងហើយរឿងអីថាមិនល្បីទៀតហ្អី។

ក្រៅពីបាយគោដុត ហាងក៏មានលក់ម្ហូបស្រាប់ លត បាញ់កាញ់ និងការីនំបញ្ចុកផងដែរ គឺថាចង់ញ៊ាំមួយណា ញ៊ាំមួយហ្នឹងតាមចំណូលចិត្ត។ Adminប្រាប់តិចបើបានមកហើយ កុំភ្លេចមើលស្លាកយីហោផងណា ឈ្មោះថាបាយគោដុតផ្សារថ្មីI ប្រយ័ត្នចូលខុសកន្លែងណា៕ (​ចាប់បើកលក់ពីម៉ោង ៦ព្រឹក រហូតដល់ ម៉ោង ៨យប់)

ហាង បាយគោដុតផ្សារថ្មីI
លេខទូរសព្ទ៖ 012 76 71 38 / 086 881 882
ទីតាំង៖ ផ្លូវ១១៨ ផ្ទះលេខ 51Eo & 53Eo សង្កាត់ផ្សារថ្មី១ ខណ្ឌដូនពេញ

វីដេអូ៖

សាច់អាំង៣រសជាតិ ទឹកកាពិ ទឹកតៅហ៊ូ ទឹកត្រីកោះកុង មានកម្មវិធីពិសេសបញ្ចុះតម្លៃរហូតដល់៥០% ពីម៉ោង៤រសៀល រហូតដល់ម៉ោង៧យប់ ចាប់ពីថ្ងៃនេះរហូតដល់ថ្ងៃទី២៥ ខែមិថុនា ឆ្នាំ២០២០។ ពិសេសតិចអីល្បីឆ្ងាញ់ហើយ មានបញ្ចុះតម្លៃរហូតដល់៥០% យូរថ្ងៃបែបនេះទៀត សប្បាយដៃទៅញ៊ាំហ្មង។

សាច់អាំង ៣ រសជាតិ ជាចំនុចពិសេសមិនអាចខ្វះបានរបស់ហាងសាច់អាំងនេះ ហើយទឹកជ្រលក់ ៣ជម្រើសនេះសុទ្ធតែ មហាត្រូវគ្នាហើយជាមួយសាច់អាំង ដូចជា ទឹកកាពិ ទឹកតៅហ៊ូ និងទឹកត្រីកោះកុងនេះ និយាយរួមមួយកំប្លេរហ្មង មិនអោយភ្ញៀវណាទើសចិត្តឡើយ ចូលចិត្តមួយណាយកមួយនឹងតាមចំណូលចិត្ត។ បើនិយាយពីសាច់ និងគ្រឿងសមុទ្រគឺស្រស់ៗល្អ សម្រាប់សាច់គឺមានសាច់គោខ្មែរ សាច់គោអាមេរិក សាច់គោជប៉ុន និងសាច់គោអូស្ត្រាលី រីឯគ្រឿងសមុទ្រក៏មានកាំប្រម៉ាសមុទ្រដែលគេកំពុងពេញនិយមកផងដែរ ហើយចំនុចពិសេសមួយទៀតនោះ គឺបរិយាកាសជុំវិញហាងតែម្តង ត្រូវណាស់សម្រាប់ការជួបជុំ។

ពេលនិយាយរឿងញ៊ាំសាច់អាំងនេះច្បាស់ជានឹកគិតថាខ្លាចមានផ្សែងហុយខ្លាំងមានក្លិនមិនល្អជាប់ខ្លួនហើយមែនអត់ កុំបារម្ភព្រោះថានៅខាងក្នុងនៃជាន់ផ្ទាល់ដី គឺហាងបានបំពាក់ម៉ាស៊ីនបឺតផ្សែង ដែលមិនធ្វើអោយប៉ះពាល់ ក៏ដូចជារំខានដល់ការទទួលទានរបស់លោកអ្នកឡើយ។

កាន់តែពិសេសបន្ថែមពីលើនេះទៀតនោះហាងក៏មានប្រម៉ូសិនពិសេសទៅលើCocktail ដែលបញ្ចុះតម្លៃ៥០%ដូចគ្នាចាប់ពីម៉ោង៤រសៀល រហូតដល់ម៉ោង១១យប់ រយៈពេលពេញមួយខែមិថុនានេះតែម្ដង។ រកណាបានទៅបញ្ចុះតម្លៃទាំងសាច់អាំង ទាំងCocktailបែបនេះហើយ ណាត់មិត្តភក្តិ ក្រុមគ្រួសារ ក្រុមការងារមកជួបជុំពិតជាមិនខកបំណងហ្មង សាច់អាំងឆ្ងាញ់ញ៊ាំបានច្រើនអស់លុយតិច បែបនេះចំណេញតិចអី៕

ហាង GrillHouse BBQ & Beer
ទូរសព្ទ៖ 077 868 768 / 086 868 768
ទីតាំង៖ ទល់មុខសួនវត្តបទុមវត្តី

វីដេអូ៖