គ្រាន់តែនិយាយដល់កំពឹសចៀន ច្បាស់ជាមានអ្នកខ្លះនឹកដល់កាលពីកុមារភាព ដែលធ្លាប់ទិញញ៊ាំនៅសាលារៀនជាមួយមិត្តភក្តិអីហើយ។ សម្រាប់ Admin ប្រហិតចៀននេះគឺជាទីពេញចិត្តហ្មងហើយកាលរៀនបឋមសិក្សា ជាពិសេសថ្ងៃណាខ្វះលុយ បបួលមិត្តភក្ដិចូលលុយគ្នាទិញហើយកាច់ចែកគ្នាញ៊ាំ តោះអ្នកណាធ្លាប់មានអនុស្សវរីយ៍បែបនេះខ្លះឆាប់ខលបបួលមិត្តចាស់មកធ្វើកំពឹសចៀននេះញ៊ាំរំលឹកនឹកអនុស្សវរីយ៍កម្សត់កម្រជាមួយគ្នា។

▶️ គ្រឿងផ្សំដែលត្រូវមាន៖

• កំពឹស ៣០០ក្រាម
• ម្សៅអង្ករ ១០០ក្រាម
• ម្សៅសូដា កន្លះស្លាបព្រាកាហ្វេ
• ទឹក ១០០មីលីលីត្រ
• អំបិល កន្លះស្លាបព្រាកាហ្វេ
• ប្រេងឆា ១៥០ ទៅ២០០មីលីលីត្រ

▶️ គ្រឿងផ្សំអំបិលក្រូចឆ្មារ៖

• អំបិល ១ស្លាបព្រាកាហ្វេ
• ម្រេចគ្រាប់ខ្មៅ ១ស្លាបព្រាកាហ្វេ
• ក្រូចឆ្មារ ២ផ្លែ

▶️ របៀបចៀនកំពឹស៖

• លាងកំពឹសអោយស្អាតជាមួយទឹកសាប រួចដាក់សម្រក់ទឹកវាអោយស្ងួត
• ដាក់ម្សៅលាយក្នុងចាន ថែមម្សៅសូដា ទឹក និងអំបិលរួចធ្វើការកូរអោយសព្វចូលគ្នា
• ចាក់ប្រេងឆាចូលក្នុងខ្ទះ ដាំលើចង្ក្រានដោយប្រើភ្លើងអោយក្ដៅខ្លាំង។ ដួសម្សៅប្រហែលមួយស្លាបព្រាដាក់ចូលក្នុងខ្ទះ រួចដាក់កំពឹសប្រហែលមួយស្លាបព្រាបាយដែរ រួចដាក់ចូលក្នុងប្រេងឆាដែលដាំក្ដៅក្នុងខ្ទះ។ ដាក់ចម្អិនទាល់តែចាឡើងរឹង​ និងកំពឹសឡើងក្រហម រួចចាប់វាចេញពីខ្ទះទុកអោយស្រក់ប្រេងឆាអស់ រួចលើកដាក់ចូលក្នុងចានរួចជាការស្រេច។

▶️ របៀបធ្វើម្រេចក្រូចឆ្មារ៖

• យកអំបិល និងម្រេចលីងក្នុងខ្ទះអោយឡើងឈ្ងុយ រួចយកទៅបុកអោយម៉ដ្ឋ
• រួចធ្វើការច្របាច់ក្រូចឆ្មារចូលរួចជាការស្រេច

ជម្រើសមួយទៀតអ្នកទាំងអស់គ្នាក៏អាចយកកំពឹសមកចៀនជាមួយនំប៉័ងបានដែរ ញ៊ាំទៅធ្វើអោយប្លែកមួយកម្រិតទៀត៕

លតឆា មីឆា នរណាមិនស្គាល់លក់ជាង១០ឆ្នាំហើយ ល្បីឆ្ងាញ់សឹងអីអ្នកខ្លះញ៊ាំតាំងពីកម្លោះក្រមុំ រហូតដល់កូនមួយ កូនពីរហើយ។ លឺតែប៉ុណ្ណេះអ្នកដែលមិនធ្លាប់បានមកញ៊ាំច្បាស់ជាចង់ស្គាល់ហើយមើលទៅ កន្លែងឆ្ងាញ់Adminមិនដែលកំណាញ់លាក់បាំងអីទេ គឺហាង ពិសិដ្ឋ លតឆាអង្គអេង នៅលើផ្លូវ២៩២ ម្ដុំសាលាអង្គអេងហ្នឹងឯង។

សម្រាប់ហាង លតឆា មីឆា មួយនេះល្បីមានភ្ញៀវមកញ៊ាំជាហូរហែរនោះដោយសារទឹកត្រីស្រូបមី និងលត គឺធ្វើដោយម្ចាស់ហាងផ្ទាល់ប្រើរូបមន្តពិសេសដោយប្រើតែក្រូចឆ្មារ និងអំពិលទុំតែប៉ុណ្ណោះដោយមិនមានប្រើសារធាតុអ្វីផ្សេងៗរឺទឹកខ្មេះនោះទេ។ រីឯលត និងមីគឺសុទ្ធតែថ្មីៗ ហើយក្នុងការចម្អិន គឺមិនមានប្រើប្រាស់ប៊ីចេង រឿងពិសេសមួយទៀតដែលអ្នកទាំងអស់គ្នាមកដល់ហើយត្រូវតែញ៊ាំគឺសាច់ប៉ាតេ ដែលម្ចាស់ហាងបានជ្រើសរើសយកសាច់សុទ្ធ១០០% ប្រភេទសាច់លេខ១ ដែលធ្វើអោយប៉ាតេមានក្លិនឈ្ងុយ និងរសជាតិឆ្ងាញ់។

ណ្ហើយ ស្គាល់កន្លែងឆ្ងាញ់ប៉ុណ្ណេះហើយ ណាមួយចំថ្ងៃចុងសប្ដាហ៍ទៀត ខលបបួលគ្នាមកលឿនមកណា។ កុំភ្លេចថាជូនមនុស្សដែលយើងស្រលាញ់មកញ៊ាំរបស់ឆ្ងាញ់ គឺគេកាន់តែស្រលាញ់យើង ចឹងមកលឿនមក?៕

ហាង ពិសិដ្ឋ លតឆាអង្គអេង
បើក៖ ៧ព្រឹក – ៩យប់
លេខទូរសព្ទ៖ 093 59 15 58 | 069 412 490
ទីតាំង៖ ផ្ទះលេខ ១៧៦ ផ្លូវ ២៩២ សង្កាត់បឹងកេងកង២ ខណ្ឌចំការមន

វីដេអូ៖

ដើមខែនាំលាភនាំសំណាង មានដំណឹងល្អសម្រាប់ហ្វេនៗដែលតាមដាន Facetaste ថ្ងៃនេះ Admin នាំអ្នកទាំងអស់គ្នាមកស្គាល់ហាងមួយកន្លែងដែលមានមីនុយថ្មីរសជាតិឆ្ងាញ់ប្លែក ថែមទាំងមានការប្រម៉ូសិនពិសេសបញ្ចុះតម្លៃរហូតដល់ ២០% ពេញមួយខែមិថុនា ឆ្នាំ២០២០ នេះតែម្ដង នោះគឺហាង ពោះគោអាំង ទឹកប្រហុកសាច់បង្គាពិសេស ។

គ្រាន់តែឃើញឈ្មោះហាង ច្បាស់ជាមានអ្នកស្គាល់រួចមកហើយ ព្រោះថាហាង​ ពោះគោអាំង ទឹកប្រហុកសាច់បង្គាពិសេស គឺល្បីលក់ដាច់ខ្លាំងម្ហូបប្រចាំហាងគឺ ស៊ុបកន្ធាយ និងកន្ធាយដុតអំបិលម្ទេស ដែលពីរមុខនេះហើយធ្វើអោយអតិជនគាំទ្រខ្លាំង និងតែងតែទៅញ៊ាំជាប្រចាំ។ ថ្មីៗនេះហាងក៏បានបង្កើតមីនុយថ្មីរសជាតិពិសេសប្លែក គឺមីបំពងស៊ុបឆ្នាំងដីពិសេស រសជាតិប្លែកពីគេ និងមានសាច់ច្រើនប្រភេទ សាច់គោ ប្រហិត សរសៃកែង គ្រឿងសមុទ្រ និងមានឈុតពិសេសដែលមានសាច់រហូតដល់ ៥មុខឯណោះ។ លក្ខណៈពិសេសដែលធ្វើអោយរសជាតិឆ្ងាញ់ គឺដោយសារតែទឹកស៊ុបចុងភៅបាន យកស្មងគោយកមករំងាស់ជាមួយរូមន្តពិសេសប្រចាំហាងតាមម៉ោងកំណត់ច្បាស់លាស់ធ្វើអោយមានរសជាតិឆ្ងាញ់ប្លែកពីគេ។ រីឯមី ចុងភៅប្រចាំហាងក៏បានធ្វើដោយខ្លួនឯង និងយកទៅបំពងមុននឹងយកមកស្រុះធ្វើអោយរសជាតិកាន់តែពិសេសមួយកម្រិតទៀត។ និយាយទៅ គឺថាបានទៅដល់ពោះគោអាំង ទឹកប្រហុកសាច់បង្គាពិសេស នេះហើយគឺត្រូវតែសាកមីនុយថ្មីនេះតែម្ដង។

តោះ នៅគិតអីទៀតមីនុយក៏ថ្មី រសជាតិក៏ប្លែក ជាពិសេសបញ្ចុះតម្លៃរហូតដល់២០%ពេញមួយខែចឹងអី សប្បាយនាំគ្នាទៅញ៊ាំហ្មង។ លឿនៗមកណា របស់ឆ្ងាញ់ ញ៊ាំហើយចំណេញច្រើនបែបនេះ គួរណាស់តែណាត់គ្នាមកញ៊ាំរាល់ថ្ងៃហ្មង៕

ហាង ពោះគោអាំង ទឹកប្រហុកសាច់បង្គាពិសេស
លេខទូរសព្ទ​៖ 096 6666 030 / 012 96 77 13 / 096 88 86 813
ទីតាំង៖ ផ្លូវ336 សង្កាត់បឹងសាឡាង ខណ្ឌ ទួលគោក ភ្នំពេញ

វីដេអូ៖

ជិត​ដល់​ថ្ងៃសម្រាក​ចុងសប្តាហ៍ហើយ មានគម្រោងទៅដើរលេងណាអត់? ឬក៏ដេកផ្ទះទៀតហើយ ចុះបើដេកផ្ទះមានអីមិនល្អ ហៅបងប្អូនជុះគ្នា ដាក់ម៉ាតយពីរតយមើល កុំឲ្យអផ្សុក​។​ មានតែតយអត់គ្រឿងក្លែមម៉េចកើត ម្ហូប ៥ មុខនេះជួយបាន ធានាថាយកធ្វើគ្រឿងក្លែមដឹងតែជាតិហ្មង។

សាច់ជ្រូកបីជាន់លីងជាមួយអំបិលម្ទេស

ចុចលើរូបដើម្បីមើលវិធីធ្វើ

ប៉ាតេញ៉ាំសណ្តែកដីហឹរៗ

ចុចលើរូបដើម្បីមើលវិធីធ្វើ

ពោះវៀនតាន់ជ្រូកបំពង

ចុចលើរូបដើម្បីមើលវិធីធ្វើ

បង្គាបំពងឆាពងទាប្រៃ

ចុចលើរូបដើម្បីមើលវិធីធ្វើ

សាច់ក្តាមឆាម្រះព្រៅ

ចុចលើរូបដើម្បីមើលវិធីធ្វើ

ម៉ាតយពីរតយក៏ដោយ បើស្រវឹងហើយត្រូវដេក មិនត្រូវបើកបរ ឬបញ្ចេញសកម្មភាពរំខាន់អ្នកដ៏ទៃទេ។ ចូរកុំផឹករហូតបាត់បង់ស្មារតី។

ប្រហុកខ្មែរយើងធ្វើពីត្រីបឹង និងត្រីទន្លេរសជាតិឆ្ងាញ់តិចអី ហើយក៏ល្បីដល់ជនបរទេសដែរ ថ្វីត្បិតអ្នកខ្លះចាញ់ក្លិនបន្តិចមែន។ ហើយសម្រាប់អ្នកទាំងអស់គ្នាចូលចិត្តមួយណាក្នុងចំណោមប្រហុកឆៅ ចំហុយ រំលីក្រសាំង រឺប្រហុកខ្ទិះ? ថ្ងៃនេះ Admin បង្រៀនរូបមន្តធ្វើប្រហុកខ្ទិះ យ៉ាងឈ្ងុយឆ្ងាញ់ បើបានអន្លក់ជាមួយបន្លែធម្មជាតិស្រស់ៗទៀតរសជាតិកើនថ្វេរដង។

▶️ គ្រឿងផ្សំដែលត្រូវមាន៖

• សាច់ជ្រូកចិញ្ច្រាំ ៣ខាំ
• ប្រហុក ២ខាំ
• ខ្ទិះដូង ១០០មីលីលីត្រ
• ស្ករក្រហម ១ខាំ
• សណ្ដែកដី ១ខាំ
• គ្រឿងបុក ១ខាំ
• ប្រេងសណ្ដែក ១កូនពែង
• ម្ទេសក្រៀម ចិញ្ច្រាំ ៤ផ្លែ
• ម្សៅស៊ុបខ្នរ ១ស្លាបព្រាកាហ្វេ
• ប៊ីចេង ១ស្លាបព្រាកាហ្វេ
• ស្លឹកក្រូចសើច ៥សន្លឹក
• បន្លែអន្លក់ (ជីរណា, ប៉េងប៉ោះ, ត្រប់ស្រួយ, ត្រប់ពុតញង់, ត្រសក់, ផ្កាខាត់ណា, ការ៉ុត, សណ្ដែកគួ, ត្រកួន)

▶️ វីដេអូបង្រៀនធ្វើ៖

គ្រាន់​តែ​ចង់​ញ៉ាំ​ពង​ទា​ស្រុះ​ ហើយ​មាន​រូប​រាង​ស្អាត​ មិន​បែក​ ក៏​មាន​តិច​និក​របស់​គេ​ដែរ​។​ ពង​ទា​យក​ទៅ​ចំហុយ​បើ​មិន​ប្រយ័ត្ន​វា​នឹង​បែក​ ដូច​នេះ​ចុងភៅ​ណែ​នាំ​ឲ្យ​ប្រើ​វិធី​ ២ មុខ​នេះ​៖

វិធី​ទី​១​​៖ យក​ពង​ទា​ស្រុះ​ក្នុង​វែក

មុន​ដំបូង​ត្រូវ​ដាំ​ទឹក​​ បន្ទាប់​មក​គោះ​ពង​ទា​ដាក់​ចាន​។​ ពេល​ទឹក​ពុះ​ហើយ​ យក​វែក​ដាក់​ទៅ​ក្នុង​ទឹក​កំពុង​ពោះ​ តែ​មិន​ត្រូវ​ឲ្យ​មាន​ទឹក​នៅ​ក្នុង​វែក​ទេ​ បន្ទាប់​មក​យក​ពង​ទា​គោះ​ហើយ​ដាក់​ចូល​។​ ពេល​ចាក់​ចូល​ហើយ​ពង​ទា​នឹង​ឡើង​ពណ៌​ស​ ​ភ្លាម​ ត្រូវ​ចាំ​ដល់​ផ្នែក​ពណ៌​ស​ឡើង​រឹង​ សឹម​ដាក់​វា​ស្រុះ​ក្នុង​ទឹក​តែ​ម្តង​ ដើម្បី​ឲ្យ​ឆ្អិន​ល្អ​។ ចំពោះ​ពេល​ អាស្រ័យ​លើ​ តើ​យើង​ចូល​ចិត្ត​ញ៉ាំ​ពង​ទា​ឆ្អិន​កម្រិត​ណា​។​

វិធី​ទី​២​៖ ស្រុះ​ដាក់​ចាន​

យក​ចាន​តូច​ល្មម​ ដាក់​ទឹក​ចូល​បន្តិច​ រួច​គោះ​ពង​ទា​ចូល​ បន្ទាប់​មក​យក​វា​ទៅ​ដាក់​ក្នុង​ឆ្នាំង​ចំហុយ​ ចោល​​ប្រហែល ១០ នាទី​ ឬ​ប្រើ​ពេល​តាម​ចំណូល​ចិត្ត​របស់​យើង​។ ពេល​ឆ្អិន​ ពង​ទា​នឹង​មាន​សភាព​ទន់​ ហើយ​រសជាតិ​ក៏​ឆ្ងាញ់​ដែរ​។

រូបរាងក៏ល្អ គ្រឿងផ្សំ​ និង​វិធីធ្វើកាន់តែងាយធ្វើ។​ ចង់​ប្លែក​មាត់សាកធ្វើញ៉ាំមើល ជួយចែករំលែកឲ្យ​អ្នក​ចូល​ចិត្តបង្អែមបាន​ឃើញ និង​សាកធ្វើញ៉ាំផង។

គ្រឿងផ្សំ៖

• ពោត ២ ខាំ
• ម្សៅ​គ្រាប់សាគូ ៣ ខាំ
• សាច់ដូង
• ស្ករស ២ ខាំកន្លះ
• អំបិល
• ខ្ទិះដូង ២០០ មីលីលីត្រ
• ម្សៅឆា
• ទឹកស្លឹកតយ

វិធីធ្វើ៖

១. ដំបូងយកសាគូទៅត្រាំទឹកឲ្យរីក រួចដាក់ដាំទឹកអោយពុះ ចាក់សាគូចូល រួចកូរម្ដងបន្តិចៗ ហើយចាក់ទឹកស្លឹកតយចូលកូររហូត ដល់ឆ្អិនសាគូ រួចហើយដាក់ស្ករស អំបិល សាច់ដូងហើយនិងពោត ចូលកូរអោយសព្វល្អ។

២. ដាក់ដាំខ្ទិះដូង រួចដាក់អំបិល បន្តិច ម្សៅឆាបន្តិច កូរអោយខាប់ពុះ ជាការស្រេច។
៣. ដួសបង្អែមសាគូដាក់ចានរួចយកខ្ទិះដូងស្រូបពីលើ ពេលបរិភោគរឹតតែឆ្ងាញ់។

credit photo; I am Sorry!!!!!

ដំណឹងល្អមកដើមខែហ្មង តែប៉ុណ្ណេះត្រៀមតែពោះត្រៀមតែមាត់ញ៊ាំម៉ាសប្បាយទៅ បើលេងសុទ្ធតែបញ្ចុះតម្លៃ ២0% លើសាច់អាំងគ្រប់មុខចឹងអី។ ចំពោះការប្រម៉ូសិនបញ្ចុះតម្លៃយ៉ាងពិសេសនេះគឺចាប់ពីថ្ងៃទី0៤ ខែមិថុនា រហូតដល់ ថ្ងៃទី១0 ខែមិថុនា ឆ្នាំ២0២0។

ធ្លាប់បានមកញ៊ាំនៅហាង HENG MAN BBQ ហើយនៅសាច់អាំងនៅទីនេះឆ្ងាញ់ណាស់ណ៎ា អតិថិជនគាំទ្រយ៉ាងខ្លាំងបើគិតរហូតមកដល់ពេលនេះគឺមានរយៈពេលជិត ៩ឆ្នាំហើយណា។ ដើម្បីផ្គាប់ចិត្តអតិថិជនកាន់តែខ្លាំងពេលនេះហាងក៏បានបង្កើតនូវរសជាតិទឹកជ្រលក់ថ្មី រសជាតិឆ្ងាញ់ជាប់ចិត្តនោះគឺ «ទឹកកាពិ » ដែលល្បីនឹងកំពុងពេញនិយមចូលចិត្តពិសារជាមួយសាច់អាំង សំរាប់អតិថិជនគ្រប់វ័យដែលបានញ៊ាំហើយច្បាស់ជាលាន់មាត់សរសើរហ្មង។

ហាង HENG MAN BBQ សាច់អាំងទឹកកាពិ គឺមានលក់សាច់អាំងច្រើនមុខ សាច់ថ្មីៗស្រស់ៗ សាច់គោខ្មែរ គ្រឿង​ក្នុងគោខ្មែរ100%​ គ្រឿងសមុទ្រស្រស់ៗ ដាក់អាំងក្នុងចង្រ្កានធ្យូងយ៉ាងឈ្ងុយឆ្ងាញ់ ជ្រលក់ទឹកកាពិពិសេសល្បីប្រចាំហាង ញ៉ាំផ្ទាប់ជាមួយនំបញ្ចុក និង ជីស្វាយធ្វើអោយរសជាតិកាន់តែឆ្ងាញ់។ ហើយអ្វីដែលពិសេសទៀតនោះគឺហាងក៏មានប្រភេទអាហារសម្រន់ឆ្ងាញ់ប្រចាំហាង គួង ចាយ៉បំពង ខ្យងចំហុយ ឃ្មុំអាំង និងមានម្ហូបជាច្រើនមុខទៀត។ ម៉ោះៗ ដើមខែកាបូបតឹងៗផង បបួលគ្នាមកញ៉ាំសាច់អាំងប៉ូវកម្លាំងម្ដងមើល៎ កុំអោយរំលងឱកាសពិសេសនេះណា ចំណេញច្រើនតិចបញ្ចុះតម្លៃរហូតដល់ ២០%ចឹងអី៕

ហាង HENG MAN BBQ សាច់អាំងទឹកកាពិ
លេខ​ទូរសព្ទ​ 096 533 7976 / 010 296 568 / 011 300 002
ទីតាំង៖ (ស្តុបសំណង់12)ផ្ទះលេខ 94 ផ្លូវលេខ 265 កែងផ្លូវលេខ160 សង្កាត់ទឹកល្អក់2 (ទល់មុខសាលារៀនប៊ែលធី សាខាទី7)

វីដេអូ៖

ប្រហិតជាអាហារសម្រន់មួយបែបដែលពេញនិយមខ្លាំងមែនទែន ជាពិសេសសម្រាប់យុវវ័យតែម្ដង ហើយយើងឃើញថាប្រហិតក៏មានច្រើនប្រភេទច្រើនរសជាតិថែមទៀត។ សម្រាប់អ្នកទាំងអស់គ្នាដែលកំពុងអានអត្ថបទនេះចូលចិត្តញ៊ាំប្រហិតប្រភេទអ្វីដែរ ហើយចូលចិត្តញ៊ាំបំពង រឺក៏ស្ងោរ? ម៉ោះ ចូលចិត្តស្ងោរក៏បាន បំពងក៏បានព្រោះថាខាងក្រោមនេះមានបង្ហាញហាងប្រហិតដែលល្បីឆ្ងាញ់នៅភ្នំពេញយើង ចាប់អារម្មណ៍មួយណាទៅញ៊ាំមួយហ្នឹងតាមចំណូលចិត្ត។

ហាង ខេមរាជប្រហិតស្ងោរ

ហាង ខេមរាជប្រហិតស្ងោរ
លេខទូរសព្ទ៖ 015 555 002 / 012 492 701
ទីតាំង៖ បណ្ដោយផ្លូវលេខ៩០០ ផ្សារតូចទួលសង្កែ

ហាង MOOL

ហាង MOOL
លេខទូរស័ព្ទ៖ 096 86 86 368
ទីតាំង៖ ផ្លូវ ៤០២ កែង ផ្លូវ ១៨៥ ម្តុំក្រោយសាលាវ៉ាន់ដា ម៉ៅសេទុង ជិតហាងម៉ូតូកាហ្វេ
ផែនទី៖ https://goo.gl/maps/RgdXSEZk1w62

ហាង ប្រហិតផ្ទះវីឡា

ហាង ប្រហិតផ្ទះវីឡា
លេខទូរស័ព្ទ៖ 010 33 62 62
ទីតាំង៖ ផ្លូវលេខ២៩ បត់តាមហាងវៀតណាម​ NGON

ហាង តូបប្រហិត

ហាង តូបប្រហិត
លេខទូរសព្ទ៖ 093 24 24 18 / 076 998 8181
ទីតាំង៖ ស្ថិតនៅចំហៀងសាលាដូនពេញ ផ្លូវ១៨៤

ហាង ប្រហិត​ J Mey សាលាចិន (សាខាភ្នំពេញ)

ហាង ប្រហិត​ J Mey សាលាចិន (សាខាភ្នំពេញ)
លេខទូរស័ព្ទ៖ 070 9999 38/ 096 801 6666
ទីតាំង៖ ខាងជើងបេនឡានផ្សារថ្មី ផ្ទះលេខ ១៣ ផ្លូវ ៦៧​​ ច្រកចូលតានធនាគារ ANZ Royal