រាជធានីភ្នំពេញ ៖ ទន្ទឹមនឹងការភ្ញាក់ផ្អើលលើករណីឃាតកម្មប្តីបាញ់សម្លាប់ប្រពន្ធ (អ្នកនាងសាន ស្រីឡៃ) មកនោះ ស្រាប់តែមានការភ្ញាក់ផ្អើលផងដែរ នៅព្រឹកថ្ងៃទី១៧ តុលា នេះ លើបណ្តាញសង្គមហ្វេសប៊ុក ដោយគេបានឃើញក្នុងគណនីរបស់អ្នកនាងសុខ ចាន់ធីតា ហៅកាតុ បានបង្ហោះសារថា ប្អូនស្រីជីដូនមួយរបស់អ្នកនាងបានលាចាកលោកហើយ ដោយសារជំងឺមហារីកសួត ។
នៅក្នុងគណនីអ្នកនាងកាតុ បានសរសេរថា «សូមប្អូនស្រី ទៅកាន់សុគតិភពឱ្យបានសុខ បងលែងបានឃើញប្អូនទៀតហើយចាប់ពីរថ្ងៃនេះតទៅ» ដែលសារទាំងនេះ បានធ្វើឱ្យមហាជន និងអ្នកគាំទ្ររបស់អ្នកនាង មានការភ្ញាក់ផ្អើលយ៉ាងខ្លាំង។ អ្នកនាងកាតុបានបង្ហោះទៀតថា «ប្អូនស្រីជីដូនមួយខ្ញុំបានទទួលមរណភាព សូមប្អូនស្រីទៅកាន់ឋានសុគតិភពអោយបានសុខ បងស្រណោះអូនណាស់» ។
ទោះបីជាយ៉ាងណា គ្មានអ្នកណាម្នាក់បានស្គាល់ពីអត្តសញ្ញាណប្អូនស្រីជីដូនមួយរបស់អ្នកនាងនោះទេ ហើយពិធីបុណ្យសព ក៏ដឹងនៅទីណាដែរ ដោយបានប្រារព្ធទៅយ៉ាងស្ងៀមស្ងាត់បំផុត ។
