សម្តេចព្រះរាជិនីស៊ីលវីយ៉ានៃប្រទេសស៊ុយអែត បង្ហើបឱ្យដឹងក្នុងកម្មវិធីផលិតភាពយន្តឯកសារថា មានខ្មោចសណ្ឋិតនៅក្នុងព្រះបរមរាជវាំង«Drottningholm»គឺជាខ្មោចសម្ព័ន្ធមិត្តដ៏ខ្លាំងមួយ ។
BBC កាលពីពេល ថ្មីៗកន្លងមកផ្សាយថាទូរទស្សន៍«SVT»បានបង្កើតកម្មវិធីឯកសារមួយស្តីពីខ្សែជីវិតរបស់សមាជិករាជវង្សស៊ុយអែត នៅក្នុងព្រះបរមរាជវាំង ដោយមានឃ្លាមួយបញ្ជាក់ពីវិញ្ញាណខ្មោចសណ្ឋិតនៅព្រះបរមរាជវាំង ។
សម្តេចព្រះរាជិនីស៊ីលវីយ៉ា ឱ្យដឹងថា ព្រះអង្គមានព្រះសម្ព័ន្ធមិត្តជាដួងវិញ្ញាណមួយចំនួននៅក្នុងរាជវាំង«Drottningholm» ជាព្រះបរមរាជវាំងចំណាស់ បានសាងសង់តាំងពីសតវត្សទី១៧មក ។ សម្ព័ន្ធមិត្តជាខ្មោចទាំងនោះ គឺជារឿងដ៏លេចធ្លោមួយ ។
ព្រះរាជិនីបានប្រាប់ក្រុមការងារដែលថតវីដេអូឯកសារថា«ជារឿងមួយគួរឱ្យរំភើបបំផុត ប៉ុន្តែពួកលោកមិនត្រូវខ្លាចទេ ។ មានពេលខ្លះក៏មានអារម្មណ៍ថាដូចជាមិននៅម្នាក់ឯងទេ បណ្តាសម្ព័ន្ធមិត្តរបស់ខ្ញុំដែលសណ្ឋិតនៅក្នុងព្រះរាជវាំងដែលមានអាយុជាង៣០០ឆ្នាំនេះ សុទ្ធសឹងតែមានភាពស្និទ្ធស្នាលបំផុត» ។
បន្ទាប់ពីភាពយន្តឯកសារនោះផ្សព្វផ្សាយតាមទូរទស្សន៍រួចមក វេបសាយស៊ុយអែត មួយចំនួនលើកយកករណីនេះផ្សាយក្នុងន័យកំប្លុកកំប្លែងថាប្រហែលជាមានអ្នកហ៊ានបណ្តេញខ្មោចទៅដើរកម្សាន្តនៅក្នុងព្រះបរមរាជវាំង ។ មានតម្រុយថា រាជវាំងនោះនឹងបើកឱ្យចូលទស្សនាក្នុងពេល ឆាប់ៗខាងមុខ ។
សម្តេចព្រះរាជិនី បានរៀបអភិសេកជាមួយព្រះមហាក្សត្រខាលទី១៦ នៃប្រទេសស៊ុយអែត កាលពី៤០ឆ្នាំមុន បច្ចុប្បន្នទ្រង់មានព្រះជន្ម៧៣ព្រះវស្សា និងជាព្រះរាជិនី កាន់តំណែងយូរបំផុតក្នុងប្រវត្តិសាស្ត្ររបស់ស៊ុយអែត ៕
https://www.youtube.com/watch?v=D4q2b_a2vm0
ប្រភព៖ YouTube Channel 欢乐乐