តាមប្រភពព័ត៌មាន The Sun បានឲ្យដឹងថា កីឡាករថ្លៃជាងគេក្នុងប្រវតិ្តសាស្ត្របាល់ទាត់ Neymar Jr. បានដុតដៃដុតជើងបញ្ចុះបញ្ចូលក្លឹប PSG ដែលជាក្លឹបថ្មីរបស់ខ្លួន ឲ្យប្រជែងជាមួយនឹង Barcelona ក្នុងការដណ្តើមយក Coutinho ពី Liverpool ។
ប្រធានក្លឹប PSG បានទៅទាក់ទងជាមួយនឹងភ្នាក់ងារផ្ទាល់របស់ Coutinho ស្តីពីការទិញយកមកចូលក្នុងក្លឹបរបស់ខ្លួន ។ គេហ៊ានឲ្យថ្លៃដល់ទៅ ១៤៧លានដុល្លារសហរដ្ឋអាមេរិក។ ជាមួយនឹងតម្លៃនេះ អាចធ្វើឲ្យ UEFA ពិន័យ PSG បានដោយសារតែក្លឹបនេះត្រូវចំណាយប្រាក់ខ្ទង់រយលានទៅលើ Kylian Mbappe រួចមកហើយ ។
មូលហេតុដែល PSG ចង់បាន Coutinho ចូលក្លឹប គឺមកពីការបញ្ចុះបញ្ចូលរបស់ Neymar ។ ចំពោះក្លឹបចាស់របស់ Neymar ក៏ចង់បាន Coutinho ដែរ តែមើលទៅហាក់បីដូចជាអាចបានមក PSG ច្រើនជាង ៕
