ថៃ៖ អាចនិយាយបានថា ជាគូស្នេហ៍តារាជួរមុខប្រចាំប្រទេសថៃមួយគូ សម្រាប់តារាសម្ដែងលោក Mark Prin និងនាង Kimmy Kimberley Anne Voltemas ។ បើទោះជាអ្នកទាំងពីរមិនមានរឿងដែលសម្ដែងជាមួយគ្នានាពេលចុងក្រោយនេះក្ដី ក៏ពួកគេក្នុងពេលថ្មីៗនេះ បានបង្ហាញនូវសកម្មភាព និងភាពផ្អែមល្ហែមជាមួយគ្នាទៅដល់ហ្វ៊ែនៗ តាមរយៈការបង្ហោះរូប និងវីដេអូនៅលើបណ្ដាញសង្គម Instagram ។
Kimmy Kimberley បានបង្ហោះនូវវីដេអូ៦នាទី នៅលើគណនី Instagram របស់នាង ដោយបានបង្ហាញពីសកម្មភាពនាង និងមិត្តប្រុសគឺលោក Mark Prin នៅពេលដែលពួកគេបានដើរផ្សារទិញអាហារសរីរាង្គ ។ នៅក្នុងវីដេអូ Kimmy សរសេរសារមួយផងដែរថា ៖ «It’s never too early or too late to be healthy.» ៕