លតឆា កាពីតូលចាស់ រសជាតិម្ចាស់ដើម ល្បីគ្រប់ជំនាន់ តាំងពីឆ្នាំ១៩៨២ រសជាតិនៅតែឆ្ងាញ់

មិនតិចជំនាន់នោះទេ តាំងពីទស្សវត្សរ៍៨០មកដល់បច្ចុប្បន្ននេះ ការគាំទ្រនៅតែបន្តមាន ទីតាំងលក់ លតឆា កាពីតូលចាស់ រសជាតិម្ចាស់ដើម លក់៣៧ឆ្នាំមកហើយ អ្នកលក់តជំនាន់ អ្នកញ៉ាំតកូនតដល់ចៅ នៅតែចូលចិត្តរសជាតិមួយនេះ។

ច្រើនជំនាន់ណាស់មកហើយដែល ទីតាំងលក់ លតឆា កាពីតូលចាស់ រសជាតិម្ចាស់ដើម នៅតែបន្តភាពល្បីល្បាញ ហើយអាចផ្តល់នៅរសជាតិជូនអតិថិជនរបស់ខ្លួនទាំងចាស់ទាំងថ្មី អោយទទួលស្គាល់នៅស្នាដៃចុងភៅតជំនាន់ រសជាតិនៅតែឆ្ងាញ់ញ៉ាំទៅគឺមិនធំក្លិនផ្សែងនោះទេ ។ មកដល់បច្ចុប្បន្ននេះក្នុង១ថ្ងៃគាត់អាចលក់លត អស់ចន្លោះពី៣០គីឡូ ទៅ៤០គីឡូ ហើយសាច់ប៉ាតេអស់ ១០គីឡូជាង​ ។

សម្រាប់អ្នកដែលនៅម្តុំទីតាំង បេនឡានកាពីតូលចាស់ ប្រហែលជាស្គាល់ច្បាស់ជាងគេ ដោយសារទីតាំង លក់លតឆា កាពីតូលចាស់ រសជាតិម្ចាស់ដើមនេះ គឺលក់មុនគេ ហើយយូរជាងគេ តាំងពីជំនាន់៨០ មានលក់ទាំងលតឆា មីឆា រសជាតិឆ្ងាញ់ ហើយគ្មានធំក្លិនផ្សែងភ្លើង ទាំងនេះដោយសារតែបច្ចេកទេសរបស់អ្នកចម្អិនដែលបន្តតកូនតចៅ។

ហាង លតឆា កាពីតូលចាស់
ទីតាំង៖ ផ្លូវ 148 ផ្សារកណ្តាល ជិតសាលាបឋមនរោត្តម
លេខទូរស័ព្ទ៖ 012 788 827
លក់ចាប់ពីម៉ោង១២ ដល់ ៨យប់

វីដេអូ៖