លក់មិនក្រោម១០ ទៅ៣០ឆ្នាំទេ សាច់គោអាំង៣ កន្លែងនេះ តម្លៃ និងរសជាតិនៅតែជាភាពទាក់ទាញដ៏សំខាន់

បើយើងគិតមកដល់បច្ចុប្បន្ននេះ សម្រាប់ហាងនីមួយៗ សុទ្ធតែចំណាយពេលមិនក្រោម១០ឆ្នាំ ទៅ៣០នោះទេ ក្នុងការបើកអាជីវកម្មលក់សាច់គោអាំង ដ៏ល្បីហើយនៅតែជាទីពេញនិយមគ្រប់ស្រទាប់វ័យ មិនថាចាស់ ក្មេងឡើយ ហើយក៏បានក្លាយទៅជាម៉ូយប្រចាំផងដែរ​ សម្រាប់ហាងលក់សាច់គោអាំងទាំង៣ កន្លែងនេះ ទទួលបានការគាំទ្រមកញុាំពេញៗកន្លែងតែម្តង តោះដើម្បីដឹងថា៣ កន្លែងនេះ តើមានហាងមួយណាជាម៉ូយរបស់លោកអ្នក​ សូមតាមដានអត្ថបទខាងក្រោម៖

ហាង នំប័ុងសាច់អាំងភូមិចំរើនផល

ហាង នំប័ុងសាច់អាំងភូមិចំរើនផល ចាប់ផ្តើមលក់ជាង១០ឆ្នាំមកហើយ និងទទួលបានការគាំទ្រថានំប័ុងសាច់គោអាំងកន្លែងគាត់ឆ្ងាញ់ហើយម្ចាស់ហាងរួសរាយរាកទាក់ទៀតផង បើនិយាយពីអតិថិជនរបស់គាត់វិញមានទាំងអ្នកចូលញុាំ អ្នកឈរចាំកម្មង់ទិញយកទៅផ្ទះ​មិនចេះដាច់ទេ!

ហាង នំប័ុងសាច់អាំងភូមិចំរើនផល
ទូរស័ព្ទ៖ 012 34 78 26
ទីតាំង៖ ដល់មន្ទីរពេទ្យមិត្តភាពខ្មែរ-សូវៀត (ពេទ្យរុស្សី) ចុះតាមស្ពានទី១ នៅក្បែរហ្គារាសសាំង TELA

ហាង សាច់អាំង យាយសក់ ស

ហាងមួយបើកដំណើរការលក់ជាង៣០ឆ្នាំហើយ ថាមិនល្បីម៉េចបាន ជាពិសេសនោះអ្នកនៅម្តុំផ្សារតាប៉ាង គឺស្គាល់​​ច្បាស់ណាស់សាច់អាំង យាយសក់ ស ល្បីឆ្ងាញ់យូរឆ្នាំហើយ រហូតដល់មានអ្នកបើកតៗគ្នាព្រោងព្រាត មិនមែនលំៗដែរណា ដែលហាងគាត់នៅតែមានភ្ញៀវច្រើនពេញៗហាងនោះ ។

ហាង សាច់គោអាំងឆ្ងាញ់ យាយសក់ ស
ទូរស័ព្ទ៖​ 016 353 030 / 011 353 030 / 012 568 623
ទីតាំង៖ ផ្ទះលេខ ៣៥ ផ្លូវ ៥១ (ផ្សារតាប៉ាង) សង្កាត់ផ្សារថ្មី៣ ខណ្ឌដូនពេញ

ហាង សាច់គោអាំងម៉ាក់អាយ៉ា

វាប្រាកដជាមិនមានភាពងាយស្រួលនោះទេ​ដែលហាង អាចថែរក្សាកេរ្តិ៍ឈ្មោះ រហូតដល់សព្វថ្ងៃនេះ កត្តាដែលសំខាន់ប្រាកដជារសជាតិសាច់គោអាំងហើយ តែអ្វីដែលមិនខ្វះបាននោះគឺ ជាជ្រក់ តែម្តង សំរាប់សាច់គោអាំងចង្កាក់ បូករួមជាមួយនំប័ុងប័តទៀតនោះ អូហូ កូរពោះហើយ។

សាច់គោអាំង ដែលមានទីតាំងក្រោយរោងកុនលុច្សដែលបើកដំណើរប្រហែល ៣០ ឆ្នាំកន្លងទៅហើយ។ គ្រប់គ្នាដែលធ្លាប់ញ៉ាំគឺតែងសរសើរថាឆ្ងាញ់ ហើយតែងតែគាំទ្ររហូតដល់សព្វថ្ងៃ។

ហាង សាច់គោអាំងម៉ាក់អាយ៉ា
ទូរស័ព្ទ៖​ 012 765 143
ទីតាំង៖ ផ្ទះលេខ 94 ផ្លូវលេខ១៩ សង្កាត់ជ័យជំនះ ខណ្ឌដូនពេញ ខាងជើងវត្តសារាវ័ន្ត)