គ្រឿងផ្សំម្សៅដែរត្រូវមាន៖
– ម្សៅដំណើប ៣កែវ
– ខ្ទិះដូង ២កែវ
– ស្ករស ៣ស្លាបព្រាបាយ
– អំបិល 1/2ស្លាបព្រាកាហ្វេ
– ស្លឹកខ្ទឹម
– ស្លឹកចេក
គ្រឿងផ្សំស្នូលដែលត្រូវមាន៖
– សណ្តែកលឿង 1/2កែវ
– ស្ករស ៣ស្លាបព្រាបាយ
– ខ្ទិះដូង 1/2កែវ
– អំបិល 1/2ស្លាបព្រាកាហ្វេ
-ស្លឹកខ្ទឹម

នំបាញ់អិច

🔼 របៀបធ្វើស្នូលនំប្រៃល្មមៗ
មុនដំបូងយកសណ្តែកលឿងមកលាងទឹកអោយស្អាត​ រួចត្រាំទុកចោលកន្លះ​ម៉ោងទើបយកទៅស្ងោរដោយដាក់អំបិលចូលបន្តិច​ រំងាស់អោយរីកគោកទឹកល្អ​ ដាក់ទឹកខ្ទិះ ស្ករស ស្លឹកខ្ទឹម រំងាស់វាអោយដាច់ទឹកល្អ រួចទុកអោយត្រជាក់ ទើបយកមកពូនជាដុំតូចៗល្មម​។

🔼 របៀបលាយម្សៅដំណើប
យកម្សៅដំណើបមកលាយជាមួយទឹកត្រជាក់ធម្មតា​ លាយបញ្ចូលគ្នារហូតដល់ម្សៅមិនស្អិតជាប់ដៃ​ បន្ទាប់យកមកលុញជាដុំមូលៗ​ ហើយសង្កត់អោយត្រប៉ែតលើបាតដៃ​ រួចយកស្នូលដែរធ្វើរួចយកមកខ្ចប់ជាមួយម្សៅ​ យកទៅដាក់ចំហ៊ុយ(យកប្រេងឆាលាបស្លឹកចេក ដើម្បីកុំអោយនំជាប់ស្លឹកចេកពេលយកទៅចំហ៊ុយ)។

🔼 របៀបធ្វើទឹកខ្ទិះស្រូបនំ
យកខ្ទិះ ស្ករ អំបិល លាយចូលគ្នាកូលើភ្លើង ហើយពេលខ្ទិះដូងពុះ ដាក់ស្លឹកខ្ទឹមចូលហើយជាស្រេច៕

នំបាញ់អិច