ចាប់ពីថ្ងៃនេះទៅកម្តៅអាចកើនដល់ ៤០ អង្សាសេ បើដើរចេញក្រៅផ្ទះវិញក្តៅសឹងបែកក្បាលទៅហើយ។ ម៉េចមិនសាកមកធ្វើអីត្រជាក់ៗទុកញ៉ាំនៅផ្ទះខ្លួនឯងមើល ចាំ Admin ប្រាប់រូបមន្តថ្មីមួយ ឆ្ងាញ់ហើយស្រួលទៀត ត្រូវការគ្រឿងផ្សំតែ ២ មុខទេ។ ម៉ោះធ្វើការ៉េមអូរីអូញ៉ាំទាំងអស់គ្នា៖
របស់ត្រូវការ៖
- នំអូរីអូ (ប៉ុន្មានកញ្ចប់ក៏បាន)
- ទឹកដោះគោស្រស់
- ឈើដោតការ៉េម
វិធីធ្វើ៖
១. យកនំអូរីអូយកមកដំៗឲ្យម៉ដ្ឋបន្តិច តែកុំម៉ដ្ឋពេក (កុំហែកសម្បកនំ)
២. រួចយកកន្ត្រៃមកកាត់សម្បកផ្នែកខាងចុងចេញម្ខាង រួចចាក់ទឹកដោះគោស្រស់ចូល ហើយដោតឈើចូល រួចយកដាក់ក្នុងទូរទឹកកកទុកឲ្យកកជាការស្រេច។ យើងនឹងទទួលបានការ៉េមអូរីអូត្រជាក់ៗហើយឆ្ងាញ់។
