មិត្តយុវវ័យដែលរង់ចាំមើល MV បទ “ស្នេហ៍គ្មានចេតនា” ដែលច្រៀងដោយ Ah Liza Ft. Vidcooler។ ពេលនេះ បានចេញ Official MV របស់ខ្លួនជាផ្លូវការហើយ ដែលកំពុងទទួលបានការគ្រាំទ្រយ៉ាងខ្លាំង។
ក្នុងនោះដែរ នៅលើទំព័រហ្វេសប៊ុករបស់ Vidcooler គាត់ក៏បានសរសេរអំពីប្រវត្តិរូបសង្ខេប ដែលមានខ្លឹមសារ ដូចខាងក្រោម៖
“ខ្ញុំគ្រាន់តែជាកម្មករដើរស៊ីឈ្នួលគេ តែប៉ុណ្ណោះ !!
នៅទីនោះ កន្លែងធ្វើការ ពិបាក មានគេវៃធ្វើបាប បណ្ដាច់បាយ
ស្រែជេរ បង្ខំអោយធ្វើការច្រើនម៉ោង ដល់យប់ជ្រៅ
ខាងផ្នែក កសិកម្ម.. មកកន្លែងដេកវិញ គេដាក់អោយដេកកន្លែងមូសស៊ី នឹងកន្លែងគ្មានកំដៅ
រងារចង់ស្លាប់…
ហើយគ្រប់ពេលដែរខ្ញុំខលទៅម្ដាយម្ដងៗ ខ្ញុំតែងតែប្រាប់គាត់ថា
( មិនអីទេ,ល្អគ្រប់យ៉ាង,គេស្រលាញ់នឹងមើលថែរក្សាកូនណាស់)
ស្របពេលដែលនិយាយ ខ្ញុំក៏ចេញទឹកភ្នែក..
តែមិនអោយគាត់ដឹងទេ …
ដោយកុហកម្ដាយ មិនចង់អោយគាត់ពិបាកចិត្ត
តែយ៉ាងណាគឺខ្ញុំដាច់ខាតមិនថោក ដើរធ្វើចោរ ដើរវៃគេ ស៊ីកំលាំងពីគេទេ !!
ក្នុងរយៈពេលចុងក្រោយនេះ ខ្ញុំបានតាំងចិត្តមកធ្វើចម្រៀង
ដើម្បីបំពេរអារម្មណ៍ប្រិយមិត្ត ដើម្បីធ្វើអ្វីៗដែរខ្លួនស្រឡាញ់វិញម្ដង ព្រោះខ្ញុំឆ្អែតនឹងជីវិតរបស់ខ្ញុំពេក !! ”
