ឡើងទំនងហ្មង! ទាទ្រង់​គ្រឿង​ដុតស្រា​ប្រេនឌី

សៀមរាប: ថ្ងៃនេះសុំបង្វែរអារម្មណ៍អ្នកទាំងអស់គ្នាបន្តិច ងាកទៅមើលម្ហូបនៅខាងសៀមរាបម្តង ហើយស្ថិតនៅ​ខាងលើ​ដំបូល​រោងកុន Platinum Cineplex ខេត្ត​សៀមរាប តែម្តង ជាមួយទីតាំងហាងស្ថិតនៅទីខ្ពស់ ដូច្នេះអ្នកអាចគយគន់​ទេសភាព​ស្រស់ស្អាត​នាពេល​យប់នៃ​ទីក្រុង​សៀមរាប អមដោយការទទួលទាន​អាហារ​ក្រោមពន្លឺ ភ្លើង​ព្រឹម ចេញពីម្ហូបដ៏ទំនង១មុខ ដែលមានឈ្មោះថា ទាទ្រង់​គ្រឿង​ដុតស្រា​ប្រេនឌី។

ទាទ្រង់​គ្រឿង​ដុតស្រា​ប្រេនឌី ជាម្ហូប​ពិសេស​ប្រចាំហាង G-Green Sky Dinining ដែល​គ្រាន់តែឃើញពីរបៀបធ្វើក៏​ធ្វើឲ្យ​ភ្ញៀវចង់​ភ្លក្ស​ភ្លាម ពិតជាទំនងណាស់នេះជាថ្វីដៃចុងភៅប្រចាំហាង ហើយកាន់តែមិនអាចទ្រាំបានទៀតពេលដែលចាប់ផ្តើម​ចាក់​ស្រាប្រេនឌី​ដុតភ្លាមៗ ក្លិនស្រា ក្លិនគ្រឿង និងសាច់ទាចូលជាតិគ្នាភាយក្លិនមកពិតជាឈ្ងុយណាស់ ហើយតម្លៃក៏ពិសេសទៀតត្រឹមតែ ២៦០០០ រៀល។

ភោជនីយដ្ឋាន G-Green Sky Dining មានការ​រចនា​តុបតែង​បែបទាន់​សម័យថ្មី​ជាមួយ​បរិយាកាស​ខ្យល់​បរិសុទ្ធ​នៅពេលល្ងាច ហើយ G-Green Sky Dinining ក៏ជាលក្ខណៈ Sky Bar ដោយភ្ញៀវអាច​ជ្រើសរើស​កន្លែង​អង្គុយនៅ​ខាងក្នុង​ហាង​ក៏បាន ឬមួយ​ក៏អង្គុយ​នៅ​ខាងក្រៅ​ហាងដើម្បី​មើល​ទេសភាព ស្រូបខ្យល់​អាកាស ទៅតាម​ចំណង់​ចំណូលចិត្ត​ដែល​ភ្ញៀវចង់​ក៏បាន។

G-Green Sky Dinining ក៏មាន​ម្ហូប​ជាច្រើន​ទៀត​ដូចជា គ្រំ​ខ្មៅ New Zealand,  គ្រំ​ខៀវ New Zealand, ការ៉េម​ផ្លែឈើ​ដែល​ធ្វើដោយ​ខ្លួនឯង​ភ្លាមៗ និងម្ហូបប្លែកៗ ជាច្រើនមុខទៀត។

ភោជនីយដ្ឋាន៖ G-Green Sky Dinining
ទូរស័ព្ទ៖ 078 992 992 | 077 992 992
ទីតាំង៖ ស្ថិតនៅ​ផ្លូវ​ស៊ីវត្ថា ភូមិ​ថ្មី ឃុំស្វាយដង្គុំ ខេត្ត​សៀមរាប លើដំបូលរោងភាពយន្ត Platinum Cineplex ខេត្ត​សៀមរាប

វីដេអូ