អ្នកណាខ្លះធ្លាប់ធ្វើសម្លរប្រូងជនជាតិភាគតិច?

ទីរួមខេត្តមណ្ឌលគិរី ជាខេត្តមួយដែលសម្បូរទៅដោយសម្បត្តិធម្មជាតិ និងវប្បធម៌ ប្រពៃណី ទំនៀមទំលាប់ច្រើនរាប់មិនអស់ ហើយក៏ជាខេត្ត ដែលមានបងប្អូនជនជាតិភាគតិច រស់នៅផងដែរ។ ជនជាតិភាគតិច ជាជនជាតិដែលមាន ប្រពៃណីវប្បធម៌ច្រើនកាលពីមុន តែពេលបច្ចុប្បន្ននេះពួកគាត់ ភាគច្រើនបានផ្លាស់ប្តូរតែទំលាប់នៃការរស់នៅ មកតាមបែបធម្មតាដូចប្រជាពលរដ្ឋខ្មែរយើងវិញ ប៉ុន្តែប្រពៃណី ទំនៀមទំលាប់ វប្បធម៌ នៅដដែល។

ក្រៅពីវប្បធម៌ ប្រពៃណី និងការរស់នៅ ជនជាតិនេះក៏មានជាម្ហូបប្រចាំត្រកូលជនជាតិរបស់ខ្លួនផងដែរ ដែលកាលពីមុនម្ហូបទាំងអស់នេះ ត្រូវបានពួកគាត់ចម្អិនតាមព្រៃព្រឹក្សា ដោយប្រើប្រាស់គ្រឿងផ្សំធម្មជាតិសុទ្ធសាធ ហើយមុខម្ហូបរបស់ពួកគាត់ក៏មានច្រើនមុខ តែលើកនេះយើងសូមលើកយក មុខម្ហូបមួយមុខឈ្មោះថា “សម្លរប្រូង” ដែលចម្អិនដោយបងប្អូនជនជាតិភាគតិចនៅភូមិរបស់គាត់ផ្ទាល់តែម្តងមកបង្ហាញលោកអ្នក អោយបានដឹងថាតើម្ហូបនេះគេធ្វើវាយ៉ាងដូចម្តេចខ្លះ។

សម្លរប្រូង ជាសម្លរមួយដែលគេត្រូវចម្អិនវាដោយដុតបំពងឬស្សី ដើម្បីអោយគ្រឿងផ្សំ បន្លែ និងសាច់ ឆ្អិនហើយមានក្លិនឈ្ងុយ។ តែបើតាមបងស្រីម្នាក់ដែលជាជនជាតិភាគតិចបានប្រាប់មកយើងថា ម្ហូបនេះ បើគេគ្មានសាច់ គឺគេប្រើផ្សិតមកដាក់ជំនួស ហើយបើមានសាច់វិញគេហាម ដាក់សាច់ត្រី ព្រោះវាជាតំណមប្រពៃណី។ ចឹងម៉ោះ! អ្នកទាំងអស់មកដឹងពីរបៀបធ្វើតាមរយៈវីដេអូខាងក្រោម៖

វីដេអូ