រាជធានីភ្នំពេញ ៖ កម្មវិធីប្រកួត «បវរកញ្ញាឯកអន្តរជាតិ» ឬ Miss Internationalជាព្រឹត្តិការណ៍ប្រកួតសម្រស់ប្រចាំឆ្នាំដ៏ធំមួយក្នុងចំណោមព្រឹត្តិការណ៍ប្រកួតប្រជែងកំពូលសម្រស់ថ្នាក់អន្តរជាតិជាច្រើនប្រភេទ ។
កម្មវិធីប្រកួតបវរកញ្ញាឯកអន្តរជាតិ Miss International 2017 នេះនឹងប្រព្រឹត្តទៅនៅទីក្រុងតូក្យូ ប្រទេសជប៉ុន ទីកន្លែងដែលនឹងមាននារីកំពូលសម្រស់ពីជាង៧០ប្រទេសចូលរួមប្រកួតប្រជែងដណ្តើមមកុដនៅថ្ងៃទី១៤ ខែវិច្ឆិកា ឆ្នាំ២០១៧ ។
ព្រឹត្តិការណ៍ Miss International 2017 នេះគឺជាព្រឹត្តិការណ៍ប្រកួតប្រជែងកំពូលសម្រស់លក្ខណៈអន្តរជាតិលើកទី៥៧ របស់ Miss International (57th Miss International Beauty Pageant 2017) ។ កំពូលសម្រស់ដែលគ្រងមកុដ Miss International 2016 ជាបវរកញ្ញាពីប្រទេសហ្វ៊ីលីពីន គឺកញ្ញា Kylie Verzosa
អាយុ២៤ឆ្នាំ ។
អ្វីដែលគួរឱ្យចាប់អារម្មណ៍សម្រាប់ព្រឹត្តិការណ៍ Miss International 2017 នេះគឺវត្តមានជាលើកដំបូងរបស់បវរកញ្ញាកម្ពុជាលើឆាកប្រកួតសម្រស់អន្តរជាតិមួយនេះ ។
ធីតាកំពូលសម្រស់ដែលតំណាងប្រទេសកម្ពុជាសម្រាប់ការប្រកួត Miss International 2017 គឺកញ្ញាញ៉ាត សុភា (Sophea Nhat) មានវ័យត្រឹម១៩ឆ្នាំ និងកម្ពស់១៧០សង្ទីម៉ែត្រ។ កញ្ញាញ៉ាត សុភា គឺជាសិស្ស ហើយនាងគឺជាបវរកញ្ញារងទី១ក្នុងកម្មវិធី Miss Grand Cambodia ឆ្នាំ២០១៧ ជាតំណាង ។
ក្នុងឆ្នាំ២០១៧នេះមានយុវតីកំពូលសម្រស់កម្ពុជា៥នាក់ចូលរួមប្រកួតប្រជែងសម្រស់លើឆាកអន្តរជាតិ ៖
១- Miss Grand Cambodia 2017 គឺបវរកញ្ញាកម្ពុជា កញ្ញាខ្លឹម ស្រីគា កំពុងប្រកួតនៅប្រទេសវៀតណាម ។
២- Miss Earth Cambodia 2017, (បវរកញ្ញាភពផែនដី) គឺកញ្ញាអែម គុនថង អាយុ១៨ឆ្នាំ ។
៣- Miss Global Cambodia 2017 គឺ កញ្ញាយស ប៉ូលីណា (Paulina Yos) ជា Miss Global International 2017 តំណាងប្រទេសកម្ពុជា ។
៤- Miss Universe Cambodia 2017 គឺកញ្ញាប៊ី សុធារី តំណាងបវរកញ្ញាកម្ពុជាចូលរូមប្រកួតនៅសហរដ្ឋអាមេរិក ៕
