រាជធានីភ្នំពេញ ៖ អ្នកនាងទូច ស្រីលក្ខណ៍បានចេញចម្រៀងមួយបទកាលពីពេលថ្មីៗកន្លងមកតាមហ្វេសប៊ុកមានអត្ថន័យពាក់ព័ន្ធនឹងបុណ្យចូលឆ្នាំថ្មីប្រពៃណីខ្មែរ ។ អ្នកនាងទូច ស្រីលក្ខណ៍ បានប្រាប់ទស្សនិកជនថា នាងមិនមានបទញាក់ញ័រអ្វីក្រៅពីបែបប្រពៃណីខ្មែរទេ ។
អ្នកនាងទូច ស្រីលក្ខណ៍ លើកឡើងថា «នាងខ្ញុំសូមជម្រាបសួរបងប្អូនទាំងអស់គ្នា នេះជាពេលវេលាដែរបងប្អូនទន្ទឹមរង់ចាំសម្រាប់ឱកាសបុណ្យចូលឆ្នាំថ្មីប្រពៃណីខ្មែររបស់យើងខាងមុខនេះ នាងខ្ញុំបានធ្វើចម្រៀងមួយបទដែរ ជាស្នាដៃកូនខ្មែររបស់យើងបានដល់ហើយ ចង្វាក់ប្រណីរបស់ខ្មែរយើង គឺរាំស្អាតណាស់ ចំណងជើង «ចូលឆ្នាំរាំលេងជុំញាតិ» និពន្ធទំនុក និង melody ថ្មី ដោយវិរៈ ពន្លកអ្នកនិពន្ធខ្មែរ សម្រួលតន្ត្រីដោយផល វន្ឍៈ ។
ទោះបីយុវវ័យពេញនិយមចង្វាក់ញាក់បែបស្លុយ តែនាងសុំអភ័យទោសផងដែរ មិនបានលើកយកមកទេ ព្រោះចង់ចូលរួមថែរក្សាប្រពៃណីជាតិ ។ ប្រសិនបើងាកផលិតរាំញាក់ច្រើននាំឲ្យប៉ះពាល់ដល់បទខ្មែរដែលមានកម្សាន្តយ៉ាងច្រើនពេលរដូវចូលឆ្នាំ ណាមួយចូលរួមថែរក្សាវប្បធម៌ដូនតាយើងក្នុងនាមជាតារាសិល្បៈម្នាក់» ៕
