Friday, March 29, 2024
spot_img
More

    Latest Posts

    លន់ ដា​ណេ ផុងខ្លួន​ព្រោះ​ចង់​ធ្វើ​ថៅកែ

    រាជធានី​ភ្នំពេញ ៖ ដោយ​ចង់​ធ្វើ​ថៅកែ​ហាង តារា​កំប្លែង​លន់ ដា​ណេ សម្រេចចិត្ត​ដកថយ​ពី​ទីលាន​សិល្បៈ គឺ​នាង​បាន​បើកហាង​ផឹក​ស៊ី ។ ទោះជា​យ៉ាងណា​ក្តី​ដួល​រលំ​ម្តង​ហើយ​ម្តងទៀត ធ្វើ​ឲ្យ​លន់ ដា​ណេ​ស្មា​លា ហើយ​ងាក​មក​ចាប់​អាជីព​សិល្បៈ​វិញ ។

    តារា​កំប្លែង​លន់ ដា​ណេ ត្រូវ​នាយ​ក្រឹម​សម្រេច​ឱ្យ​ចូល​ក្រុម​កំប្លែង​វិញ​ដោយ​មើលឃើញ​ថា​ទេព​កោសល្យ​សម្តែង​របស់​នាង​នៅ​តែ​មានការ​ទាក់ទាញ ។ ការ​ត្រឡប់​មក​សម្តែង​ឡើង​វិញ​របស់​លន់ ដា​ណេ ក្រោយ​ពេល​បិទមុខ​ជំនួញ ដួល​រលំ ។

    កន្លង​មក​លន់ ដា​ណេ បាន​ធ្វើ​ជា​ថៅកែ​ភោជនីយដ្ឋាន​ចាយ​ទុន​ជា​ច្រើន​ដុល្លារ ប៉ុន្តែ​វិ​ថី​ដែល​នាង​ដើរ​ក្នុង​នាម​ជា​ថៅកែ​ហាង​ត្រូវ​ដួល​ពី​មួយ​កន្លែង​ទៅ​មួយ​កន្លែង​ខាត​ចុង​ខាត​ដើម​ខាត​ពេលវេលា ខាត​ទាំង​កេរ្តិ៍ឈ្មោះ​សិល្បៈ ។ ក្នុង​ស្ថានភាព​បែប​នេះ​នាង​បាន​សុំ​នាយ​ក្រឹម ចូលរួម​សម្តែង​វិញ ។

    លន់ ដា​ណេ បានឱ្យ​ដឹង​កាលពី​ពេល ថ្មី​ៗ​កន្លង​មក​ថា​ក្រោយ​ពេល​ងាក​មក​សម្តែង​កំប្លែង​វិញ សន្ទុះ​កេរ្តិ៍ឈ្មោះ​នាង​ងើបឡើង​វិញ​ព្រោះ​បន្ទាប់​ពី​សម្តែង​កំប្លែង​២​រឿង​មក ទៅ​ណា​មក​ណា​មាន​គេ​ស្គាល់ ។ «​បង​ក្រឹម​មេ​របស់​នាង​ខ្ញុំ​ថា​ឈប់​រក​ស៊ីទៅ បើ​ខាត​យើង​អត់​ចេះ​អី​នាំ​តែ​ឈឺក្បាល​ទេ មក​លេង​កំប្លែង​ស្រួល​ចិត្ត​ជាង ។ ពេល​នេះ​ខ្ញុំ​នឹង​ចូល​ឱ្យ​ស៊ុប​ឡើង​វិញ​ជាមួយ​សិល្បៈ លែង​ឆ្លេឆ្លា​ទៅ​ណា​ហើយ ។ ជា​ពិសេស​នាយ​ក្រឹម​គាត់​ហាម​មិន​ឱ្យ​នាង​ខ្ញុំ​យក​លុយ​ទៅ​រក​ស៊ី​ទៀត​ឡើយ​ខាត ម្តង​ៗ​ច្រើន​ព្រោះ​ប្រាក់​មិន​ងាយ​រក ។ មានអី​ចំណេញ​បើ​យើង​មិន​មាន​ចេះ​ក្បួន ហើយ​ធំ​តែ​ខ្លួន​ខាត​រាល់​ខែ រកតែ​ប្រាក់​បើក​ឱ្យ​កូនចៅ​មិន​ទាន់ ។ ឥឡូវ​ឈប់​លង់ខ្លួន​នឹង​ងារ​ជា​ថៅកែ​ហាង​ស្អី​ទៀត​ហើយ ល្អ​តែ​មើល​ហើយ​ស្តាយ​លុយ​ខំ​រក ។

    នាង​ខ្ញុំ​សម្រេចចិត្ត​ចូល​មក​កាន់ការ​សម្តែង​ឡើង​វិញ​ស្តារ​ប្រជាប្រិយភាព​ម្តងទៀត ឈប់​គិត​ដោយ​យល់​ថា​សិល្បៈ​មិនបាច់​ខ្វល់​ខាត​លុយ​អី​ទ េ​មក​តែ​សម្តែង​ឱ្យទាន់​ម៉ោង ដល់​ចប់​បើក​លុយ​គឺ​ស្រួល​ទើប​នាង​ខ្ញុំ​មិន​ចង់ឱ្យ​ផុងខ្លួន​ដូច​មុន ។ មួយ​រយៈ​ដែល​ផុងខ្លួន​នាង​ខ្ញុំ​ខាត​ចង់​ក្បែរ​១០​ម៉ឺ​ន ទៅ​រក​ឯណា ម៉ឺន​ៗ​ដុល្លារ​នេះ ។ ទើប​ស្រមោល​ជា​ថៅកែ​ហាង​នេះ​នាង​ខ្ញុំ​មាន​ភាព​ឈឺចាប់​ដែរ​មិន​គួរ​យក​លុយ​ទៅ​បោះចោល ទទេ​ៗ​អ៊ីចឹង​សោះ ។

    ពិសេស​ខាត​លុយ ហើយ​ប៊ិះ​នឹង​ខាត​កេរ្តិ៍ឈ្មោះ​សិល្បៈ បើ​បាត់​យូរ​ច្បាស់​ជា​ពិបាក​វាយ​លុក​ទីផ្សារ​សម្តែង​ណាស់​តារា​រីក​ដូច​ផ្សិត »៕

    Latest Posts

    spot_imgspot_img

    Don't Miss

    Stay in touch

    To be updated with all the latest news, offers and special announcements.