អាហារសម្រន់តាមចិញ្ចើមផ្លូវ៣កន្លែង លក់ដាច់ខ្លាំង ងាយខ្ចប់ ងាយញុាំ

អាហារសម្រន់៣ទីតាំងនេះ ស្គាល់ហើយមិនខកចិត្តទេ ព្រោះជានិច្ចជាកាលយើងគ្រប់ៗគ្នាតែងតែនឹកឃ្លានរបស់ញុាំប្លែកៗ ក្តៅៗដើម្បីសម្រន់ក្រពះហើយ ក្នុងនោះដែរថ្ងៃនេះAdmin សូមចែករំលែកកន្លែងលក់អាហារសម្រន់ ៣ទីតាំង ដែលសុទ្ធនៅតាមចិញ្ចើមផ្លូវ ប៉ុន្តែលក់ដាច់មិនធម្មតា មិនថាអ្នកជិះម៉ូតូ ជិះឡានឃើញហើយកម្រថាមិនឈប់ទិញណាស់ តោះចឹងមកដឹងពីទីតាំងទាំង៣នេះទាំងអស់គ្នាណា ក្រែងលើកក្រោយជិះកាត់ចូលទិញសាកបានម្តង។

ហាង ដារ៉ាអាកោខ្ទិះ

និយាយលេងសើចអីទំនងឆ្ងាញ់មែន អាកោខ្ទិះបើកពីឡាំងស៊ឹង ក្តៅៗហុយៗ ក្លិនភាយៗ ទំនងគួរអោយចង់ញ៉ាំណាស់ ហើយមិនត្រឹមតែមានអាកោខ្ទិះមួយមុខនោះទេ គឺមានច្រើនមុខទៀតដូចជា៖នំល្ពៅបុក ចេកបុក នំចាក់ក្រចន្ទធម្មតា នំចាក់ក្រចន្ទស្លឹកតយ​ សុទ្ធតែទំនងឆ្ងាញ់តែម្តង ហើយក៏នៅមិនឆ្ងាយពីអង់តែនទួលគោកដែរ ក្បែរហ្នឹងឯង។

ហាង ដារ៉ាអាកោខ្ទិះ
លេខទូរស័ព្ទ៖ 078 211 491 / 098 964 039 / 098 355 491
ទីតាំង៖ ក្បែរអង់តែនទួលគោក ទល់មុខធានាគាអេស៊ីលីដា

ហាង អុន វិចិត្រ

ហាង អុន វិចិត្រ ដែលស្ថិតនៅខាងកើតក្លោងទ្វារផ្សារទួលគោក ចម្ងាយប្រហែល 50 ម៉ែត្រ មានលក់របស់ញ៉ាំច្រើនមុខណាស់ សុទ្ធតែបិុនប្រសប់ក្នុងការកែច្នៃ ជាក់ស្ដែងដួចជាចេកអាំងបាយដំណើប ចេកអាំងខ្ទះដូង ក្នុងមួយថ្ងៃ គាត់លក់អស់ ដល់ទៅ ១៥០ចង្កាក់ តែបើចង់ញ៉ាំអីផ្សេងក៏មានដែរ មានទាំង ម្ចូរ ចេកអាំង ដំឡូងឆឹង បុកល្ហុង​ បង្អែម ចាហួយដូង ភេសជ្ចៈ ​និងអាហារជាច្រើនមុខទៀត មិនចេះខ្វះ មានច្រើនជម្រើសតែម្ដង។

ហាង អុន វិចិត្រ
លេខទូរស័ព្ទ៖ 077​ 94 84 74 | 088 72 72 313 | 069 20 08 31
ទីតាំង៖ ផ្ទះលេខ 20 ផ្លូវលេខ 614 សង្កាត់បឹងកក់ 2 ខណ្ឌទួលគោក ( ខាងកើតក្លោងទ្វារផ្សារទួលគោក ចម្ងាយប្រហែល 50 ម៉ែត្រ

ហាង សីហា លក់ចេកចៀន

ចឹងមោះចាំ Admin ប្រាប់កន្លែងសម្រាប់អ្នកដែលមិនទាន់បានស្គាល់ តាមពិតទៅកន្លែងនេះ លក់យូរណាស់មកហើយ ឈ្មោះថា សីហា លក់ចេកចៀន លក់៣ ទៅ៤ ឆ្នាំមកហើយ គឺស្ថិតលើផ្លូវ 1003 លក់ដាច់ក៏ខ្លាំងទៀតផង មកដល់បច្ចុប្បន្ននេះ មានគេស្គាល់កន្លែងនេះច្រើននាក់ណាស់ ជាពិសេសអ្នកដែលធ្លាប់ជិះកាត់ផ្លូវនេះផ្ទាល់តែម្តង ដោយសារតែកន្លែងគាត់មានលក់ច្រើនមុខ សុទ្ធតែរបស់បំពង ក្តៅៗស្រួយៗ គ្រាន់តែក្រឡែកឃើញភ្លាម ទំនងគួរអោយចង់ញ៉ាំទៀត អ្នកលក់ក៏រួសរាយចឹងអ្នកក៏គេចង់ទិញដែរ ។

ហាង សីហា លក់ចេកចៀន
លេខទូរស័ព្ទ៖ 069 63 98 42 / 016 872 330
ទីតាំង៖ ផ្លូវ1003​ កែងផ្លូវ1998