ខ្ចិលធ្វើម្ហូបពេលល្ងាច អាចមកសារេអ្វីទាំងអស់នេះជំនួសបាន សុទ្ធតែឆ្ងាញ់ៗ

ធ្វើម្ហូបរាល់ថ្ងៃ ពេលខ្លះច្បាស់ជាទាល់គំនិតមិនដឹងថាត្រូវធ្វើម្ហូបអ្វីហើយមែនអត់ ស្ត្រីមេផ្ទះទាំងឡាយ? បើបែបនេះពិតមែន យើងក៏អាចលៃលកមើលម្ហូបស្រាប់ រឺក៏អាចរកញ៉ាំអ្វីដែលអាចជំនួសបាយតែម្ដង ក៏បានព្រោះអាចធ្វើអោយយើងបានញ៉ាំប្លែកមាត់ផង។ ម៉ោះ Admin ជួយផ្ដល់ជម្រើស ២សម្រាប់អ្នកទាំងអស់គ្នា គឺមានសាច់កាប់ និងនំប៉័ងសាច់ឆ្ងាញ់ៗ និងល្បីជាច្រើនឆ្នាំមកហើយ។

ហាង ហ៊ាម៉ាប់ ទេពផន

ពិបាក​រកនឹក​ធ្វើម្ហូប​មែនទេ​! ម៉ោះ​មិនបាច់​គិត​ច្រើន​ទេ​ ល្ងាច​នេះ​ទៅ​សា​រេ​សាច់​កាប់​ហ៊ា​ម៉ា​ប់​ទេព​ផនហ្មង​ទៅ​ ព្រោះថា​ឆ្ងាញ់ណាស់។ អ្វី​ដែល​ពិសេស​នោះ​សាច់​កាប់​មាន​រហូត​ទៅដល់១០មុខ​ និង​ល្បី​ជាងគេ​ប្រចាំ​ហាង​នោះ​គឺ​ ជ្រូក​ខ្វៃ​ទឹកឃ្មុំ​ និង​ទា​ខ្វៃ​ទឹកឃ្មុំ​។ ម៉ូយ​ៗ ហ៊ា​ម៉ា​ប់​ច្បាស់ជា​ដឹង​ស្រាប់ហើយ​ អំពី​រសជាតិ​ឆ្ងាញ់​ប្លែក​មាត់​ ដែល​អាច​ធ្វើអោយ​ហ៊ា​ម៉ា​ប់​លក់​ក្នុង​មួយថ្ងៃ​អស់ពី៦០គីឡូ​ ៧០គីឡូ​ និង​ល្បី​ជាង២០ឆ្នាំ​មកហើយរហូតមកដល់ពេលនេះ។

ហាង ហ៊ាម៉ាប់ ទេពផន
ទីតាំង៖ ស្តុបទេពផន
លេខទូរសព្ទ៖ 012 25 82 32

ហាង សាច់អាំង យាយសក់ ស

ហាងមួយបើកដំណើរការលក់ជាង៣០ឆ្នាំហើយ ថាមិនល្បីម៉េចបាន ជាពិសេសនោះអ្នកនៅម្តុំផ្សារតាប៉ាង គឺស្គាល់​​ច្បាស់ណាស់សាច់អាំង យាយសក់ ស ល្បីឆ្ងាញ់យូរឆ្នាំហើយ រហូតដល់មានអ្នកបើកតៗគ្នាព្រោងព្រាត មិនមែនលំៗដែរណា ដែលហាងគាត់នៅតែមានភ្ញៀវច្រើនពេញៗហាងនោះ ។

ហាង សាច់គោអាំងឆ្ងាញ់ យាយសក់ ស
ទូរសព្ទ៖​ 016 353 030 / 011 353 030 / 012 568 623
ទីតាំង៖ ផ្ទះលេខ ៣៥ ផ្លូវ ៥១ (ផ្សារតាប៉ាង) សង្កាត់ផ្សារថ្មី៣ ខណ្ឌដូនពេញ

ហាង នំប័ុងសាច់អាំងភូមិចំរើនផល

ហាង នំប័ុងសាច់អាំងភូមិចំរើនផល ចាប់ផ្តើមលក់ជាង១០ឆ្នាំមកហើយ និងទទួលបានការគាំទ្រថានំប័ុងសាច់គោអាំងកន្លែងគាត់ឆ្ងាញ់ហើយម្ចាស់ហាងរួសរាយរាកទាក់ទៀតផង បើនិយាយពីអតិថិជនរបស់គាត់វិញមានទាំងអ្នកចូលញុាំ អ្នកឈរចាំកម្មង់ទិញយកទៅផ្ទះ​មិនចេះដាច់ទេ!

ហាង នំប័ុងសាច់អាំងភូមិចំរើនផល
ទូរសព្ទ៖ 012 34 78 26
ទីតាំង៖ ដល់មន្ទីរពេទ្យមិត្តភាពខ្មែរ-សូវៀត (ពេទ្យរុស្សី) ចុះតាមស្ពានទី១ នៅក្បែរហ្គារាសសាំង TELA