និយាយពីរឿងធ្វើម្ហូប ម្នាក់ៗច្បាស់ជាខ្ចិលមិនចង់ធ្វើព្រោះរឿងគ្រឿងផ្សំច្រើន ទិញមុខខ្វះក្រោយទិញក្រោយខ្វះមុខ។ បើខ្ចិលបែបនេះសាកមករៀនធ្វើម្ហូបណាដែលងាយៗ គ្រឿងផ្សំតិច និងអាចធ្វើលឿនឆាប់បានញ៉ាំទៅ។ Admin គិតថាបើចង់ធ្វើម្ហូបដែលងាយៗគួរតែសាកធ្វើស្ងោរជ្រក់ក្រៅឆ្នាំង តោះៗ ព្រោះថារបៀបធ្វើគឺមាននៅខាងក្រោមនេះអាចយកទៅរៀនធ្វើបានណា។
គ្រឿងផ្សំដែលត្រូវមាន៖
- ត្រីងៀត ១ កន្ទុយ
- ពងមាន់ឬពងទា ២គ្រាប់
- ប៉េងប៉ោះ ១ផ្លែ
- ស្វាយ ១/២ផ្លែ ឬក៏ចង់ប្រើម្ជូរអំពិលជំនួសក៏បាន
- ជីជ្រក់ និងម្ទេសហិរ១គ្រាប់
- ម្សៅស៊ុបមាន់ ១ស្លាបព្រាកាហ្វេ
- ទឹកស៊ុប ២វែកន្លះ
- ទឹកត្រី ១ស្លាបព្រាបាយ
- អំបិល ១/២ស្លាបព្រាកាហ្វេ
របៀបធ្វើ៖
- យកត្រីងៀតមកអាំង រឺបំពងឲ្យឆ្អិន រួចបេះជាចំរៀកតូចៗ
- ពងមាន់ស្ងោរឲ្យឆ្អិនបកសំបក ចេញ ហើយ១គ្រាប់ពុះជា៤
- យកប៉េងប៉ោះ កាត់វាស្តើងៗល្មម
- សាប់ស្វាយឲ្យល្អិត
- ជីជ្រក់និងម្ទេសបេះលាងទឹក ឲ្យស្អាត
- រៀបប៉េងប៉ោះ ស្វាយដាក់ បាតចាន ត្រីងៀត ពងមាន់ ម្ទេស និងជីជ្រក់ដាក់ពីលើ
- ដាក់ដាំទឹកឲ្យពុះ បង់គ្រឿង អំបិល ទឹកត្រី ម្សៅស៊ុបភ្លក់មើលល្មមទើបយកចាក់ ចូលអ្វីដែលរៀបបានខាងលើនោះរួចជាការស្រេច៕
ប្រភព៖ មុខម្ហូប Online
