ចេះធ្វើនំជើងជ្រូក រឺនំកំប៉ុងហើយឬនៅ? ចែករំលែកគ្នា​ គ្រាន់ទុកធ្វើញ៊ាំពេលទំនេរ

សេវទុកមើលពេលទំនេរ គ្រាន់ធ្វើញ៊ាំកំដរមាត់ពេលថ្ងៃសៅរ៍ បានជួបជុំបងប្អូនយើងម្តងម្កាល តោះមានអ្នកណាខ្លះមិនទាន់ចេះធ្វើខ្លះ? រូបមន្តមានហើយនៅខាងក្រោមនេះ។

គ្រឿងផ្សំ

– ម្សៅខ្សាយ ១កំប៉ុង
– ទឹកក្តៅ ១កំប៉ុងកន្លះ
– ដូងកោស ១ក្តាប់
– ពងមាន់ ១
– សណ្តែកបាយត្រាំទឹកក្តៅ ហើយចំហុយ ១ក្តាប់
– បិគក់ ហាន់ល្អិតៗ ១ក្តាប់
– ស្ករស ១ស្លាប់ព្រាបាយ
– អំបិលចុងស្លាបព្រាកាហ្វេ
– កំប៉ុងចៀននំ

របៀបធ្វើ

– លាយម្សៅចូលជាមួយទឹកក្តៅឲ្យសព្វ ទើបចាក់គ្រឿងទាំងអស់ចូល លាយឲ្យចូលគ្នា
– ដាក់ឆ្នាំដាំខ្លាញ់ឲ្យពុះ
– ដូសម្សៅលាយ ហើយដាក់កំប៉ុង ចៀនរហូតទាល់តែក្រហម ទើបគាស់ចេញ ត្រលប់ទាំងសងខាងជាការស្រេច ។