ក្រោយពីហែលឆ្លងការលំបាក និង ឧបសគ្គជា ច្រើនខែ ច្រើនថ្ងៃ ច្រើនវគ្គ រួចមកក៏មានបេក្ខជន បេក្ខនារី ជាច្រើនរូបបានជម្រុះអោយចាក់ចេញពីកម្មវិធី។
ហើយប៉ុន្មានសប្តាហ៍ចុងក្រោយមកនេះ មានការតាន់តឹងច្រើន និងមានការនិយាយគ្នាពីមាត់មួយទៅមាត់មួយថា អ្នកនេះគួរជាប់ អ្នកនេះមិនគួរជាប់ អ្នកនេះច្រៀងពិរោះ អ្នកនេះច្រៀងមិនពិរោះ ក្នុងវគ្គ Live Show តែទោះជាយ៉ាងណា អ្វីៗ សុទ្ធតែសម្រេចដោយទស្សិនជន និងលក្ខន្តិកៈរបស់កម្មវិធីតម្រូវមក ហើយជាក់ស្តែង បេក្ខជនម្នាក់ៗ សំដែងចេញមកតាមសមត្ថភាពរៀងៗខ្លួន លទ្ធផលក៏តាមនោះ។
តែពេលនេះ សប្តាហ៍នេះ នៅសល់តែ ៤រូបប៉ុណ្ណោះដែលត្រូវប្រកួតប្រជែងគ្នា ដណ្តើមយកពានរង្វាន់ The Voice Cambodia រដូវកាលទី២ នេះ ក្នុងនោះរួមមាន បេក្ខជន ២រូប ថែល ថៃ និង ឃី សុឃុន ចំណែក បេក្ខនារី ក៏នៅសល់ ២រូបដូចគ្នា គឺ ឈិន រតន: និង កញ្ញា សាន ស្រីឡៃ។
ចំពោះ អ្នកទាំង ៤រូបនេះ ទោះមានអ្នកធ្លាក់មានអ្នកជាប់ ក៏អ្នកទាំង ៤ ត្រូវទទួលរង្វាន់រួចជាស្រេចជាទឹកប្រាក់ចំនួន ២ពាន់ដុល្លារ។
តើអ្នកណាជា Idol របស់អ្នក និងអាចក្លាយខ្លួនជាម្ចាស់ជ័យលាភី ក្នុងកម្មវិធី The Voice Cambodia Season 2 នេះ?