ចាប់អារម្មណ៍អ្នកចូលចិត្តញ៊ាំកាហ្វេ ពេលទំនេរសាករៀនធ្វើនំចាខ្វៃទុកជ្រលក់ញ៊ាំ ដឹងតែឆ្ងាញ់ហើយបានបញ្ចេញស្នាដៃដោយខ្លួនឯងទៀត ដោយមិនចាំបាច់ទិញគេនោះទេ។ ម៉ោះ សម្រាប់អ្នកដែលចង់រៀនធ្វើមកមើលពីគ្រឿងផ្សំ និងរបៀបធ្វើនៅខាងក្រោមនេះ។

រូបភាព៖ I love food

គ្រឿងផ្សំដែលត្រូវមាន៖

  • មេនំបុ័ង ៤ក្រាម
  • ម្សៅមី ២០០ ក្រាម + ម្សៅមី ១០០ក្រាម ទុក​ច្របាច់​ម្សៅ
  • ម្សៅដុតនំ (baking soda) ១០ក្រាម
  • ប្រេងសម្រាប់ចៀនឬបំពង
  • ស្ករ ១៥ក្រាម
  • ទឹកដោះគោ ១៧៥ក្រាម
  • អំបិល ៥ក្រាម
រូបភាព៖ I love food
រូបភាព៖ I love food

របៀបធ្វើ៖

  • លាយម្សៅដុតនំ​ជាមួយ​ស្ករ បន្ទាប់មក​កូរមេបុ័ង​ជាមួយ​ទឹកដោះគោ​ឱ្យរលាយសព្វល្អ
  • បន្ទាប់មកចាក់​ទឹកដោះគោចូល​ក្នុងចាន​ជាមួយ​នឹងម្សៅ
  • ធ្វើការច្របាច់ម្សៅរហូតទន់​ចូលគ្នាល្អ បន្ទាប់មកយកម្សៅ​ទៅអប់ ពេល​ម្សៅរីកធំ យកម្សៅ​ចេញ​រយម្សៅមី​ពីលើរួច​ច្របល់​រហូត​ម្សៅស្វិត​ រួច​យក​ទៅ​អប់​ទុក​រយៈពេល១៥-២០នាទីអោយម្សៅ​ឡើង​ម្ដង​ទៀត
  • បន្ទាប់មកត្រូវលាបប្រេងតិច​លើជ្រុញ យកម្សៅ​មកលុញ​ឱ្យស្ដើង​ល្មម ប្រើកាំបិត​ដើម្បី​កាត់ម្សៅ​កម្រាស់ ១សម និងប្រវែង ៥-៨សម
  • ចាក់ប្រេងបំពងចូលខ្ទះទុកអោយឡើង​សីតុណ្ហភាពដល់ ៨០អង្សាសេ បន្ទាប់មក​យកម្សៅ​ដាក់​ចូលបំពងរហូតដល់ឡើង​ពណ៍ដល់ឆ្អិន ធ្វើការស្រង់ចេញអោយស្ងួតប្រេងរួចជាការស្រេច៕