យប់មិញនេះ គឺមានការប្រកួតចំនួន៣គូរ ក្នុងវគ្គ1/8។ គូរទី១ លេងនៅម៉ោង ៨យប់ ដែលជាការប៉ះគ្នា រវាងក្រុមម្ចាស់ផ្ទះ France និងក្រុម Republic of Ireland។ ក្នុងការប្រកួតនេះ គឺក្រុមភ្ញៀវបានទទួលបាន ពិន័យ ១១ម៉ែត្រតាំងពីនាទីទី1 ហើយកីឡាករដែលស៊ុតបញ្ចូលទីគឺ Brady។
ការនាំមុខនេះ ធ្វើអោយក្រុមម្ចាស់ផ្ទះ ធ្វើការសំរុកយ៉ាងខ្លាំង ប៉ុន្តែមិនអាចបំបែកពងមាន់ក្រុមភ្ញៀវបានទេ ការប្រកួតរហូតដល់នាទី 58 ទើបកីឡាករ Griezmann អាចរកបានគ្រាប់តាមស្មើរបានវិញ។
ហើយអ្វីៗទាំងអស់ត្រូវបានបញ្ចប់ទាំង អស់នៅ ៣នាទីបន្ទាប់ ដោយការស៊ុតបាល់មួយគ្រាប់ទៀតរបស់កីឡាករ Griezmann ដដែល។ សរុបមក គឺក្រុម France យកឈ្នះ Republic of Ireland 2-1។ ដូច្នេះបារាំង នឹងឡើងទៅប៉ះក្រុមអង់គ្លេស ឬអ៊ីស្លង់នៅវគ្គ៨ក្រុមជាបន្ត៕
ចំណែកក្រុម Germany ក៏យកឈ្នះក្រុម Slovakia យ៉ាងចាស់ដៃដែរ គឺក្នុងលទ្ធផល 3-0។ ៣គ្រាប់ នេះ គឺរកបានដោយកីឡាករ Boateng នៅនាទី8, កីឡាករ Gomez ក្នុងនាទី43 និងគ្រាប់ចុងក្រោយដោយ កីឡាករ Draxler ក្នុងនាទី 63។ ដូច្នេះអាល្លឺម៉ង់ នឹងឡើងទៅប៉ះអ៊ីតាលី ឬអេស្ប៉ាញនៅវគ្គ៨ក្រុមជាបន្ត៕
សំរាប់គូរចុងក្រោយ គឺក្រុម Belgium យកឈ្នះក្រុម Hungry ក្នុងលទ្ធផល 4-0។ គ្រាប់ទាំង៤ គឺរកបាន ដោយកីឡាករ Alderweireld, Batshuayi, Hazard និងកីឡាករ Carrasco។ បែលហ្សិក នឹងឡើងទៅប៉ះវែល នៅវគ្គ៨ក្រុម។
https://www.youtube.com/watch?v=VKYJmuTyydM
https://www.youtube.com/watch?v=B2Vn9vXOX5k
https://www.youtube.com/watch?v=4sXmLuZ0GKo