ប៉ុន្មានប្រកួតចុងក្រោយនេះ យើងតែងសង្កេតឃើញថា បាល់ប៉េណាល់ទីតែងតែជាអ្នកកាត់សេចក្ដីអោយក្រុមណាមួយឈ្នះការប្រកួត ជាក់ស្តែងយប់មិញនេះ ក្រុមបាល់ទាត់ជម្រើសជាតិព័រទុយហ្គាល់ បានយកឈ្នះជម្រើសជាតិប៉ូឡូញដោយការទាត់បាល់ប៉េណាល់ទី ហើយក៏ក្លាយជាក្រុមដំបូងគេដែលកក់កៅអីវគ្គពាក់កណ្ដាលផ្ដាច់ព្រ័ត្រផងដែរ ។
ក្នុងតង់ទី១ បើកការប្រកួតបានតែ២នាទីកីឡាករខ្សែប្រយុទ្ធ Lewandowski ស៊ុតបញ្ចូលទីនាំមុខបាន១គ្រាប់ អោយ ប៉ូឡូញ តែនៅតង់ទី១ដដែល នាទី៣៣ កីឡាកររបស់ព័រទុយហ្គាល់ Luz Sanches រកបាន១គ្រាប់មកវិញ តាមស្មើ។
ក្រោយមកក្រុមទាំង២ប្រកួតសម្រុករៀងៗខ្លួនតែនៅមិនអាចរកគ្រាប់បាន ចប់ការប្រកួតទាំង៩០នាទីលទ្ធផលស្មើគ្នា ១-១ បន្តវគ្គថែមម៉ោង១៥នាទី ២ដងក៏លទ្ធផលនៅតែលទ្ធផល ១-១។ ដើម្បីរកអ្នកឈ្នះឡើងវគ្គពាក់កណ្ដាលផ្ដាច់ព្រ័ត្រ ការទាត់បាល់ប៉េណាល់ទីកាត់ជាអ្នកសេចក្ដីដ៏តានតឹងនេះ ដោយលទ្ធផល ប៉ូឡូញចាញ់ព័រទុយហ្គាល់ ៥-៣ ត្រូវហាលអាវត្រឹមវគ្គនេះ៕
https://youtu.be/aqgtNfP3w8E
https://www.youtube.com/watch?v=siK8rlrP8gw