ស្រកទម្ងន់ចេញរាងស្អាត ជាអ្វីដែលនរណាៗក៏ប្រាថ្នាចង់បាន ជាពិសេសស្រីៗតែម្តង។ ចង់សម្រកគីឡូខំទៅ search រកមើលវិធីសម្រក តិចនិកហាត់ប្រាណងាយៗ តែដូចដឹងហើយ គ្មានវិធីហាត់ប្រាណណាស្រួលទេ អ៊ីចឹងហើយបានជាម្នាក់ៗមិនដែលសម្រកបានជោគជ័យ។ ឈប់ពិបាកទៀតបើមិនចង់ហាត់ប្រាណ សាកញ៉ាំតាមវិធីងាយៗ ៥ យ៉ាងនេះមើល៖
១. ផឹកទឹកពេលព្រឹក
ទឹកអាចជួយបន្សាបជាតិពុលក្នុងរាងកាយ ហើយក៏អាចជួយពង្រឹងមុខងារដុតបំផ្លាញជាតិខ្លាញ់បានដែរ។ ដូចនេះផឹកទឹកជាវិធីល្អក្នុងការសម្រកគីឡូព្រមទាំងសុខភាពល្អ។
២. កុំអត់ញ៉ាំអាហារពេលព្រឹក
ដោយសារតែអាហារពេលព្រឹកជាអាហារសំខាន់បំផុតក្នុងចំណោមអាហារទាំង ៣ ពេល ដែលជួយកាត់បន្ថយចំណង់អាហារ ពេលថ្ងៃបាន។ ការសិក្សាក៏បានរកឃើញថា អ្នកដែលញ៉ាំអាហារពេលព្រឹកបានគ្រប់គ្រាន់ អាចធ្វើអ្វីៗបានប្រសើរជាងអ្នកដែលតមអាហារពេលព្រឹក។
៣. ញ៉ាំអាហារសម្បូរប្រូតេអ៊ីនឲ្យបានច្រើន
ប្រូតេអ៊ីនជាអាហារសំខាន់បំផុតសម្រាប់រាងកាយ។ វានឹងរំលាយយឺតៗ និងស្ថិតក្នុងក្រពះបានយូរជាងកាបូអ៊ីដ្រាត និងខ្លាញ់។ ដូចនេះហើយ វាល្អសម្រាប់គ្រប់គ្រង់ទម្ងន់ ព្រោះវាធ្វើឲ្យយើងឆ្អែតបានយូរ។ វិធីល្អបំផុត យើងគួរតែកុំញ៉ាំផ្អែមពេក ហើយគួរតែប្តូរទៅញ៉ាំអាហារប្រូតេអ៊ីនវិញ និងធ្វើឲ្យយើងមានរូបរាងស្អាត។
៤. ញ៉ាំផ្លែឈើរាល់ថ្ងៃ
ដោយសារតែជាតិទឹក និងជាតិកាកសរសៃជួយឲ្យយើងឆាប់ឆ្អែតបានលឿន ហើយមានកាឡូរីទាប។ វាល្អសម្រាប់អ្នកចង់សម្រកគីឡូ លើសពីនេះផ្លែឈើអាចជួយកាត់បន្ថយចំណង់អាហារ តែយើងគួរជ្រើសរើសផ្លែឈើដែលមានជាតិផ្អែមតិច។ ចៀសវាងផ្លែឈើដែលទុំពេក ដោយសារតែវាមានជាតិស្ករច្រើននៅពេលវាទុំ អាចធ្វើឲ្យយើងធាត់បាន។
៥. ញ៉ាំបន្លែជាប្រចាំ
បន្លែជាអាហារដែលមានជាតិកាកសរសៃច្រើនបំផុត និងមិនមានជាតិស្ករ វាសក្ដិសមសម្រាប់អ្នកចង់សម្រកគីឡូ គ្រប់អាហារគួរតែមានបន្លែ ដោយសារតែក្រៅពីជួយសម្រួលដល់ការរំលាយអាហារបានល្អ ញ៉ាំបន្លែរាល់ថ្ងៃនឹងជួយឲ្យយើងមានរាងស្លីមបានលឿន។