បើតាមពត៌មានរបស់ Daily Mirror បានអោយដឹងថា “ក្លឹបមេឃខៀវ Manchester City បានរៀបចំទឹកប្រាក់ ដ៏ច្រើនសន្ធឹកសន្ធាប់ ឫក៏អាចថាបានជាកំណត់ថ្មីមួយទៀត ក្នុងការនាំយកកីឡាករ Lionel Messi ពីក្លឹប Barcelona”។
ក្លឹប Man City បានរៀបចំទឹកប្រាក់ច្រើនជាង 100 លានផោន សំរាប់នាំយកកីឡាករសញ្ជាតិ Argentinal ដែល ធ្លាប់ទទួលបានពាន់រង្វាន់ Ballons d’Or ចំនួន 5 ដង។ ហើយក៏ហ៊ានផ្តល់អោយគាត់នៅប្រាក់ប្រចាំ សប្តាហ៏ រហូតដល់ទៅ 5 សែនផោនផងដែរ។
Messi គឺមានតំលៃខ្លួន 215 លានផោន នៅក្នុងកុងត្រាដោះដូររបស់ខ្លួន ប៉ុន្តែកុងត្រានេះនឹងត្រូវបញ្ចប់ ក្នុងឆ្នាំ2018 ខាងមុខ។ អាស្រ័យហេតុនេះ ប្រសិនបើ Barca មិនអាចលក់ ឫបន្តកុងត្រាថ្មីបាននោះទេ។ Barca ត្រូវ បាត់បង់ Messi ទៅអោយក្រុមផ្សេង ដោយគ្មានតំលៃខ្លួន។
