ចិន ៖ តាមប្រភពព័ត៌មាន Shanghaiist បានឲ្យដឹងថា តាចាស់អាយុ៦២ឆ្នាំម្នាក់ ប្រកបមុខរបរជាអ្នកសម្អាតគ្រាប់ភ្នែក ដោយប្រើប្រាស់ឡាមកោស។
គេអាចរកកន្លែងរកស៊ីរបស់លោកតា Xiong Gaowu បាននៅក្នុងខេត្ត Chengdu។ លោកតាប្រកបមុខរបរនេះអស់រយៈពេលជាច្រើនឆ្នាំមកហើយ។ គោលបំណងនៃការប្រើប្រាស់ឡាមនេះ គឺដើម្បីកោសយកកម្ទេចកម្ទីចេញពីគ្រាប់ភ្នែក។ ក្រោយពីបានកោសសម្អាតរួចហើយ អតិថិជនរបស់លោកតានឹងអាចមើលឃើញច្បាស់ជាងមុន។
វាពិតជាគ្រោះថ្នាក់ណាស់! តែលោកតា Xiong អះអាងថា លោកធ្វើវាអស់រយៈពេល៤០ឆ្នាំហើយ តែមិនឃើញអតិថិជនណារងរបួសឡើយ។ មិនត្រឹមតែប៉ុណ្ណោះ ពួកគេអាចមើលឃើញកាន់តែប្រសើរជាងមុន។
យើងទាំងអស់គ្នាមិនគួរសាកធ្វើវាដោយខ្លួនឯងឡើយ !
