សម្រេចបញ្ជូនទៅថៃយប់នេះ ខណៈកំពុងធ្វើទុក្ខខ្លាំងហើយ​

រាជធានីភ្នំពេញ ៖ សេចក្តីរាយការណ៍ឱ្យដឹងថា ​នៅវេលាម៉ោង០៨យប់ថ្ងៃទី​១៥ វិច្ឆិកា នេះ អ្នក​នាង​ប៉េងប៉ោង ​នឹង​​បញ្ជូន​ឪពុករបស់​​ខ្លួន ​​គឺលោក​វីតាមីន​សេ ​ទៅកាន់ប្រទេស​ថៃ ទន្ទឹម​​នឹង​អ្នកនាង ក៏​កំពុងពិចារណា​ទៅលើប្រទេស​ចំនួន​៣ផងដែរ​ ។

សេចក្តីរាយការណ៍បន្តថា ការ​សម្រេច​ចិត្ត​យ៉ាងទាន់ហន់នេះ គឺក្រោយពេលលោកឪពុក​ បាន​និង​កំពុង​ធ្វើទុក្ខខ្លាំង គឺមានអាការៈ​គ្រុនក្តៅឡើងជាង​៤០​អង្សារ ទើប​​​មិន​អាច​ទុក​យូរ​​បាន ។

ទោះបីជាយ៉ាងណា​ ការ​សម្រេច​ចិត្ត​របស់អ្នកនាងប៉េងប៉ោង​ ដែល​បញ្ជូនទៅកាន់​ប្រទេសថៃ​នេះ ​គឺនៅ​រង់ចាំ​មើល​លោកគ្រូ​ពេទ្យនៅទីនោះថា តើត្រូវធ្វើ​​អ្វី​បន្តទៀត ។


គួររំលឹកថា ស្រប​ពេល​ដែល​ជំងឺ​របស់​តារា​កំប្លែង​នាយ វីតាមីន​សេ កំពុង​តែ​ឈាន​ដល់​ដំណាក់​ចុង​ក្រោយ ហើយ​ក្រុម​គ្រូពេទ្យ​នៅ​ក្នុងស្រុក មិន​អាច​មាន​លទ្ធភាព​ព្យាបាល​បាន​នោះ អ្នក​នាង​ប៉េងប៉ោង ដែល​ជា​កូនស្រី​បង្កើត បាន​នឹង​កំពុង​ពិចារណា​ប្រទេស​ចំនួន​៣ ដែល​នឹង​ត្រូវ​នាំ​យក​ឪពុក​របស់​ខ្លួន ដើ​ម្ប​ព្យាបាល​។

​ថ្លែងប្រាប់​ប្រាប់​កោះសន្តិភាព ​​តារា​កំប្លែង​អ្នក​នាងប៉េងប៉ោង បាន​អះអាង​ថា រហូត​មក​ដល់​ពេល​នេះ អាកា​រៈ​ជំងឺ​របស់​ឪពុក​ខ្លួន បាន​ស្ថិត​ក្នុង​ភាព​គួ​ឲ្យ​ព្រួយបារម្ភ​យ៉ាង​ខ្លាំង ខណៈ​ពេល​ដែល​ពេទ្យ​នៅ​ក្នុងស្រុក​បាន​ខិតខំ​អស់​លទ្ធភាព​។​ នាង​បញ្ជាក់​ថា តាម​ការ​ណែនាំ​ពី​ក្រុម​គ្រូពេទ្យ​នា​ដំណាក់កាល​ចុង​ក្រោយ​នេះ គឺ​បាន​ឲ្យ​អ្នក​នាង​ពិចារណា ដើម្បី​នាំ​លោក វីតាមីន​សេ ទៅ​ព្យាបាល​នៅ​ក្រៅប្រទេស ព្រោះ​តាម​ប្រភេទ​ជំងឺ​របស់​លោក​គឺ​មាន​សភាព​ធ្ងន់ធ្ងរ​។

បើ​តាម​អ្នក​នាង ប៉េងប៉ោង ប្រទេស​ចំនួន​៣​ដែល​អ្នក​នាង​កំពុង​ពិចារណា​នោះ​មាន​ដូច​ជា​ប្រទេស​ថៃ សឹ​ង្ហ​បុរី និង​ឥណ្ឌា ហើយ​អ្នក​នាង​កំពុង​តែ​ព្យាយាម​ទាក់ទង​ប្រ​ទស​ទាំង​អស់នេះ ដើម្បី​ស្វែងរក​នួ​វ​ទំនុកចិត្ត​មួយ​ ។ អ្នក​នាង​បញ្ជាក់​ថា សម្រាប់​រូប​នាង​ផ្ទាល់​គឺ​នាង​ចង់ទៅ​ប្រទេស​សឹ​ង្ហ​បុរី ព្រោះ​នៅ​ទីនោះ​អាច​មាន​ជំនាញ​ព្យាបាល តែ​អ្នក​នាង​ក៍​កំពុង​ពិ​ចរ​ណា​ប្រទេស​ឥណ្ឌា​មួយទៀត​ផង​ដែរ ដែល​បាន​ទទួល​ការ​ណែនាំ​ពី​មិត្តភក្តិ​ថា​មាន​ជំនាញ​ក្នុង​ការ​ព្យាបាល​ជំងឺ​ប្រភេទ​នេះ​។