បោះតង់អស់តែ៣០០០០៛ចឹងអី​ អ្នកណាមិនចូលចិត្តមក

មានគម្រោងគិតចង់ទៅណាដែរថ្ងៃចុងសប្ដាហ៍នេះ? គិតនាំគ្នាទៅប្ដូរអារម្មណ៍​បោះតង់ក្បែរមាត់ព្រែក គយគន់ទេសភាពព្រៃភ្នំពេលថ្ងៃរៀបលិច ស្ដាប់សម្លេងសត្វយំនាពេលរាត្រី ជជែកគ្នា មើលផ្កាយដល់យប់វិញម្ដងមើល៍ គ្រាន់តែគិតក៏មានក្ដីសុខហើយ ចាំអង្កាលទៀត? ណាត់មិត្តភក្តិមកបោះតង់ជាមួយគ្នាមកនៅ កាយ៉ាក់ផាក អស់តែ ៣០០០០៛ ទេ។

កាយ៉ាក់ផាកក៏មានជាបន្ទប់គេងគ្រែ១ សម្រាប់​ ២នាក់​​ ដែលមានតម្លៃ ២៥$ និង​ គ្រែ២​ សម្រាប់​​ ៤នាក់ មានតម្លៃ ៤៥$ នៅជាប់មាត់ទឹក អាចគយគន់ទេសភាពពីក្នុងបន្ទប់ រួមជាមួយការ Free អាហារពេលព្រឹកសម្រាប់ភ្ញៀវដែលមកស្នាក់នៅ។ កាន់តែពិសេសពីកាយ៉ាក់ផាកនឹងផ្ដល់ជូនការបញ្ចុះតម្លៃ ១០%នៅថ្ងៃធម្មតាចាប់ពីថ្ងៃចន្ទ ដល់ថ្ងៃសុក្រ។​ លោកអ្នកក៏អាចផ្លាស់ប្តូរអារម្មណ៍តាមរយៈការមកគេងបោះតង់ដែលមានជួលស្រាប់ពីកាយ៉ាក់ផាក តម្លៃត្រឹមតែ ៣០០០០៛ រួមបញ្ចូលជាស្រាច់ជាមួយសម្ភារៈ១​ set​ ។ ចំពោះតម្លៃអាចនឹងមានការប្រែប្រួលទៅតាមរដូវកាល និងថ្ងៃបុណ្យ។

សម្រាប់ភ្ងៀវដែលមកស្នាក់នៅកាយ៉ាក់ផាកក៏អាចជិះទូកលេងកម្សាន្តតាមដងព្រែកនៅក្នុងតម្លៃ​ 1.5$ និង​ 3$សម្រាប់ភ្ញៀវដែលមកកម្សាន្ត។ ពីកាយ៉ាក់ផាកក៏មានជាអាហារកម្មង់ កញ្ចុះអង្គុយលេងលើទឹក ស្ទូចត្រី ងូតទឹកលេងក្នុងដងព្រែក ជាពិសេសនៅកំឡុងខែងងឹតចាប់ពីខែ មករា ដល់ខែមីនា អាចជិះទូកទៅមើលអំពិលអំពែក ផ្លង់តុង ក្នុងតម្លៃ ១០០០០៛ ក្នុងម្នាក់ ជាមួយរយៈពេល ១៥នាទី។

កាយ៉ាក់ផាក មានទីតាំងស្ថិត​នៅភូមិ ម៉ាក់ប្រាង្គ ឃុំកំពង់គ្រែង ស្រុកទឹកឈូ ខេត្តកំពត​។ ធ្វើ​ដំណើរពីផ្សារកំពត មុន​ទៅ​ដល់ស្ពានកំពងបាយថ្មី មាន​ផ្លូវ​បេតុង បត់ស្ដាំ ហើយ​ធ្វើ​ដំណើរ​​ប្រហែល 5គម ឆ្លងស្ពានទី2 នោះនឹងបានឃើញកាយ៉ាកផាកនៅខាងឆ្វេងដៃ​។

កាយ៉ាក់ផាក
ទូរស័ព្ទ៖ 069 414 333/ 068 876 877
ទីតាំង៖​​ ភូមិ ម៉ាក់ប្រាង្គ ឃុំកំពង់គ្រែង ស្រុកទឹកឈូ ខេត្តកំពត​
ផែនទី៖ https://goo.gl/maps/Q2JuUKfSECS2

វីដេអូ៖