អាហារ​សម្រន់​ថ្មី​ទៀត​ហើយ​ ពង​មាន់​អាំង​ផ្សំ​គ្រឿង​ពិសេស​ ឮ​ឡើង​ស៊ាំ​ត្រចៀក​ហើយ​មែន​អត់​?​ ធ្លាប់​តែ​ឮ​គេ​ដឹក​ម៉ូតូ​ដាក់​មេក្រូ​ទៅ​មក​ៗ​មុខ​ផ្ទះ​ តែ​ឥ​ឡូវ​ប្រហែល​ជា​ស្ងាត់​ហើយ​ បើ​ចង់​ទៅ​ទិញ​នៅ​កន្លែង​គេ​​ដូច​ជា​ពិបាក​តិច​ហើយ​ ណា​មួយ​បារម្ភ​ខ្លាច​គេ​ធ្វើ​មិន​សូវ​មាន​អនាម័យ​ទៀត​។​ ម៉េច​មិន​រៀន​ធ្វើ​ខ្លួន​ឯង​ បើ​មាន​គ្រឿង​ផ្សំ​ និង​ដឹង​របៀប​ធ្វើ​ហើយ​ហ្នឹង​!

គ្រឿង​ផ្សំ៖

  • ពង​មាន់ ៨​គ្រាប់
  • ទឹក​ស៊ី​អ៊ីវ ១​ស្លាប​ព្រា​បាយ
  • ម្រេច​ម៉ត់ ១​ស្លាប​ព្រា​កាហ្វេ
  • អំបិល ១​ចុង​ស្លាប​ព្រា​កាហ្វេ​

របៀប​ធ្វើ​៖​

១.យក​ពង​មាន់​ចោះ​រន្ធ​តូច​ល្មម​ រួច​ចាក់​ពង​មាន់​ចេញ​ដាក់​ចាន​ ទុក​សំបក​មួយ​ឡែក​

២.យក​ពង​មាន់​ដាក់​ត្រង​ ដើម្បី​កុំ​ឲ្យ​ដុំ​ៗ រួច​ដាក់​គ្រឿង​ចូល​ ទឹក​ស៊ីអ៊ីវ​ ម្រេច​ម៉ត់​ និង​អំបិល​ ច្របល់​ចូល​គ្នា​ឲ្យ​សព្វ​

៣.យក​សំ​បក​ពង​មាន់​ មក​ចាក់​គ្រឿង​ដែល​លាយ​ហើយ​ចូល​ រួច​យក​ដាក់​ចំហុយ ​ឆ្អិន​ហើយ​យក​ទៅ​ដាក់​អាំង​ ជា​ការ​ស្រេច​៕

Grilled eggs on barbecue stove. Traditional Thai street food.