ធុរេន គឺឆ្ងាញ់ស្រាប់ហើយ តែបើយើងយកមកធ្វើជាបាយដំណើបធុរេនទៀត នោះគឺពិតជាឆ្ងាញ់ថែមមួយកម្រិតទៀត។ បែបនេះនៅចាំអីទៀត ខែនេះសម្បូរធុរេនផង សារេទិញ២ ទៅ​ ៣គីឡូមកធ្វើញ៉ាំលេងកុំអោយស្គម ហើយសម្រាប់វិធីធ្វើអាចមើលខាងក្រោមបានណា។

រូបភាព៖ SP Beauté Store

គ្រឿងផ្សំដែលត្រូវមាន៖

  • ធុរេន
  • អង្ករដំណើប
  • ស្លឹកតយ
  • ខ្ទិះដូង
  • ស្ករស
  • អំបិល

របៀបធ្វើ៖

  • ដាំខ្ទិះដូង ថែមទឹកតិច ចងស្លឹកតើយដាក់ចូល ពេលទឹកពុះ ដាក់ធុរេន រំងាស់អោយផុយសាច់ធុរ៉េនបន្តិច ហើយដាក់ស្ករស ដាក់អំបិល១ចឹប ភ្លក់មើលល្មមលើកឡើង បើចង់ខាប់ បន្ថែមម្សៅឆាកូរលាយទឹកចាក់ចូល

សម្រាប់បាយដំណើប

  • អង្ករដំណើប៤កំប៉ុង ដាក់ត្រាំទឹក យ៉ាងតិច២ ទៅ៣ម៉ោង
  • ដាក់ដាំទឹកក្នុងឡាំងសុឹងចំហុយ ដាក់ស្បៃហើយទ្រាប់ស្លឹកតើយ ដាក់អង្ករចំហុយហើយបិទស្បៃចម្អិនរហូតដល់ឆ្អិន រឺគេអាចធ្វើបានតាមវិធីម្យ៉ាងទៀត ដោយគ្រាន់តែដាំទឹកអោយពុះ ដាក់អង្ករចូល ហើយសិតទឹកចេញអោយស្ទើរតែអស់ បើកភ្លើងតិចៗ រហូតដល់ឆ្អិន(តាមរបៀបនេះបាយជាប់ឆ្នាំង)៕
រូបភាព៖ SP Beauté Store