ផ្លែផាសិនមានរសជាតិផ្អែម ហើយជូរ ហើយមានក្លិនផ្សេងៗគ្នានៅពេលដែលត្រូវបានគេយកទៅធ្វើជាផលិតផលសម្រាប់ប្រើក្នុងបន្ទប់ទឹក និង ទៀន។ យើងអាចញ៉ាំតែសាច់ និងគ្រាប់វាប៉ុណ្ណោះ ហើយវាមានគុណប្រយោជន៍ដល់សុខភាពច្រើនណាស់ ។
ក្នុងផាសិនមួយផ្លែមាន៖
- ១៧ កាឡូរី
- ជាតិកាកសរសៃ ២ ក្រាម
- ៦% ទៅ ៧% នៃវីតាមីន C យើងត្រូវការប្រចាំថ្ងៃ
- ១% ទៅ ២% នៃវីតាមីន A យើងត្រូវការប្រចាំថ្ងៃ
- ១,៦% ទៅ ៣,៦% នៃជាតិដែក យើងត្រូវការប្រចាំថ្ងៃ
- ១,៨% ទៅ ២,៤% នៃជាតិប៉ូតាស្យូម យើងត្រូវការប្រចាំថ្ងៃ
គុណប្រយោជន៍របស់ផ្លែផាសិនចំពោះសុខភាពមានដូចជា៖
វីតាមីន C ក្រៅពីក្រូច ផ្លែផាសិនគឺសម្បូរទៅដោយសារធាតុប្រឆាំងអុកស៊ីតកម្ម។ រាងកាយរបស់យើងប្រើវាដើម្បីបង្កើតសរសៃឈាម ឆ្អឹងខ្ចី សាច់ដុំ និងខូឡាជែន ដែលធ្វើឲ្យស្បែកមើលទៅនៅតែក្មេង។ វាក៏ជួយព្យាបាលរបួសលើរាងកាយ កាត់បន្ថយការរលាក និងការពារកោសិកាយើងពីការបំផ្លាញផ្សេងៗ។ នៅពេលដែលយើងស្រូបយកវីតាមីន C បានគ្រប់គ្រាន់ វាជួយទប់ស្កាត់យើងពីការកើតជំងឺផ្ដាសាយ និងប្រភេទជំងឺមហារីកផ្សេងៗ។
វីតាមីន A សាច់និងគ្រាប់របស់ផ្លែផាសិនមានវីតាមីន A ៨% ដែលយើងត្រូវការប្រចាំថ្ងៃ។ វាធ្វើឲ្យភ្នែក និងកោសិកា មានសុខភាពល្អ ជួយដល់ការផលិតឡើងវិញ និងការពារប្រព័ន្ធភាពស៊ាំ។
ជាតិកាកសរសៃ ផាសិនសម្បូរជាតិនេះណាស់ វាធ្វើឲ្យពោះវៀនដំណើរការ និងសុខភាពល្អ ហើយជួយធ្វើឲ្យយើងឆ្អែតបានយូរ។ វាក៏ជួយកាត់បន្ថយកូលេស្តេរ៉ុល ហើយទប់ស្កាត់ជំងឺទឹកនោមផ្អែម ជំងឺបេះដូង និងមហារីកច្រើនប្រភេទ។
អាហារូបត្ថម្ភ ផ្លែផាសិនផ្តល់ឲ្យយើងនូវ ជាតិកាល់ស្យូម ម៉ាញេស្យូម ផូស្វ័រ ប៉ូតាស្យូម និង អាស៊ីតហ្វូលិក។ សារធាតុទាំងនេះជួយតម្រងនោមយើង សរសៃប្រសាទ សាច់ដុំ និងចង្វាក់បេះដូងបានល្អ។