នាទីម្ជូរទៀតហើយ លើកមុនរៀនចចេះធ្វើស្វាយជ្រក់ស្រួយៗហើយ អ៊ីចឹងថ្ងៃនេះសុំបង្ហាញជាមួយ របៀបធ្វើកាពិឆា (អ្នកកំពង់សោមគេហៅថា គីឆា) ឲ្យប្រិយមិត្តរបស់ kohsantepheap.tv បានដឹង និងរៀនធ្វើតាមម្តង។ តោះកុំចាំយូរ ត្រៀមក្តិបស្វាយ ក្តិបម្កាក់ឲ្យហើយមក។

គ្រឿងផ្សំ៖

  • កាពិ ៣ ស្លាបព្រាបាយ
  • ស្ករស រឺ ស្ករត្នោត ២៥០ ក្រាម
  • ទឹកត្រី ២ ស្លាបព្រាបាយ
  • ប៊ីចេង ១/២ ស្លាបព្រាកាហ្វេ
  • ម្ទេស ១០ គ្រាប់ (តាមចំណូលចិត្ត)
  • ខ្ទឹមស ខ្ទឹមក្រហម (តាមចំណូលចិត្ត)
  • ទឹក ២០០ មីលីលីត្រ

វិធីធ្វើ៖

ដាក់ខ្ទះអោយក្ដៅ ចាក់ស្ករចូលកូរអោយឡើងជើងអង្រង រួចដាក់កាពិ ទឹកត្រី ប៊ីចេង និងទឹក ចូលហើយឆាបញ្ចូលគ្នាអោយពុះ ភ្លក្ស មើលថែមថយគ្រឿងតាមចំណង់ចំណូលចិត្ត (បើចង់ខាប់រំងាស់មួយភ្លែត) បន្ទាប់មកដាក់ម្ទេស ខ្ទឹមទាំងអស់ចូលជាការស្រេច។

ប្រភព៖ Davy Ngon