តាមរយៈរបាយការណ៍ចុងក្រោយបានបង្ហាញថា ក្រុមកាំភ្លើងធំ Arsenal អាចនឹងចុះហត្ថលេខានាំយក កីឡាខ្សែប្រយុទ្ធរបស់ក្រុម Deportivo ឈ្មោះ Lucas Peres ក្នុងកំឡុងការដោះដូរនារដូវក្តៅនេះ។ គ្រូបង្វឹក របស់ក្រុម Arsenal លោក Arsene Wenger កំពុងស្ថិតក្នុងវិបត្តក្នុងការដោះដូរកីឡាករ។ បើទោះបីជា ម្ចាស់ក្លឹបបានផ្តល់ទឹកប្រាក់សំរាប់គាត់ក្នុងការទិញកីឡាករថ្មីយកមកជួយក្រុមក៏ដោយ។
សំរាប់ការដោះ ដូរក្នុងរដូវក្តៅនេះ គឺក្រុម Arsenal ទើបតែនាំយកកីឡាករមកបានតែ៤រូបប៉ុណ្ណោះ សំរាប់ពង្រឹងក្រុម ក្នុងរដូវកាលថ្មី។ សំរាប់កីឡាករ Lucas Perez ដែលជាទិសដៅថ្មីរបស់ក្រុមកាំភ្លើងធំ គឺបានបង្ហាញខ្លួន ចំនួន36ប្រកួតអោយ ក្រុម Deportivo ក្នុងរដូវកាលចាស់ នឹងរកគ្រាប់បាល់បាន ចំនួន17គ្រាប់។ កីឡាករវ័យ 27ឆ្នាំ រូបនេះ គឺលេងក្នុងតំណែងជា ខ្សែប្រយុទ្ធកណ្តាល។
