អ្នកណាខ្លះចូលចិត្តញ៉ាំពងទាកូន? រឿងហ្នឹងបើសួរស្រីៗដូចត្រូវជាង យើងខាងប្រុសចាំតែជូនគេទៅបានហើយ។ ចេញពីធ្វើការ ឬពីរៀនល្ងាចឡើងហត់ៗ អស់កម្លាំង នឹកឃើញពងទាកូនមានកម្លាំងព្រឹសតែម្តង តែបើចង់ទៅញ៉ាំឲ្យឆ្ងាញ់ ទៅ ២ កន្លែងទៅ ឃើញភ្លាមស្រក់ទឹកមាត់ ទប់មិនឈ្នះទេ។
ហាង ពងទាកូនច្បារអំពៅ
ពងទាកូនច្បារអំពៅ អ្នកផ្សារច្បារអំពៅគ្រាន់តែលឺឈ្មោះប្រាកដជាស្គាល់ច្បាស់ដូចមេឃបើកថ្ងៃហ្មងហើយ ព្រោះថាកន្លែងនេះល្បីខ្លាំងលក់តាំងពីឆ្នាំ ១៩៨៣ រហូតដល់សព្វថ្ងៃ ក្នុងមួយថ្ងៃៗលក់ដាច់ខ្ទង់ពាន់គ្រាប់ឯណោះ។ ក្រៅពីពងទាកូនដែលឆ្ងាញ់ល្បីប្រចាំហាង ក៏មានខ្ចៅ ខ្យង ក្ដាមស្រែ ពងក្រួច ងាវ លៀសហូល និងក្ដាមសមុទ្រផងដែរ រសជាតិរបស់ទាំងប៉ុន្មានមុខនេះក៏មិនធម្មតាដែរ នៅពេលបានដាក់ខ្ទឹមជ្រក់ និងទឹកជ្រលក់អំបិលម្ទេសរសជាតិក៏មិនណយដែរ។
ហាង ពងទាកូនច្បារអំពៅ
លេខទូរសព្ទ៖ 017 27 27 12 / 010 47 57 65
ទីតាំង៖ សាខាទី១ ផ្លូវលេខ ៣៦៣ កែងផ្សារច្បារអំពៅ
សាខាទី២ ក្រោយវត្តនិរោធ៍
ហាង MOOL
ទោះនៅផ្ទះ ឬកន្លែងធ្វើការក៏ពិបាកទ្រាំដែរជឿទៅ លេងសើចផ្លូវចិត្តពេកហើយ ពងទាកូនដុតទឹកអំពិលទុំ រសជាតិថ្មីចែស ធានាថាមិនធ្លាប់បានសាកពីមុនមកទេ ។ ពងទាកូនដុតទឹកអំពិលទុំ និងរសជាតិពងទាកូនដុតទឹកត្រីកោះកុង មុខម្ហូបថ្មីទើបតែបង្កើតចេញពីហាងMOOl ផ្ទាល់តែម្តង រសជាតិក៏ថ្មីដែរ ហើយកុំបារម្ភរឿងរបស់ញ៉ាំមកហាងផ្ទាល់បានដឹងថាមានច្រើនមុខ ច្រើនជម្រើសប៉ុណ្ណា ចង់ញ៉ាំ ខ្ចៅ ខ្យង លៀស ប្រហិតបំពងមានគ្រប់មុខតែម្តង។
ហាង MOOL
លេខទូរស័ព្ទ៖ 096 86 86 368
ទីតាំង៖ ផ្លូវ ៤០២ កែង ផ្លូវ ១៨៥ ម្តុំក្រោយសាលាវ៉ាន់ដា ម៉ៅសេទុង ជិតហាងម៉ូតូកាហ្វេ
ផែនទី៖ https://goo.gl/maps/RgdXSEZk1w62