ជ្រក់ស្វាយខ្ចីស្រួយឆ្ងាញ់ តាមពិតគេធ្វើអ៊ីចឹងសោះ

អ្នកណាខ្លះហ្វេនម្ជូរដូច admin ដែរ? ម៉ោង ១២ យប់ក៏ឡើងញ៉ាំដែរឲ្យតែមាននៅផ្ទះ។ តែទាស់តែខ្ជិលជិះទៅញ៉ាំហ្នឹងហ្មង ឥឡូវទើបរកអុស ប្រទះរូបមន្តជ្រក់ស្វាយខ្ចីស្រួយៗ ចាំធ្វើដាក់នៅផ្ទះទាំងឆ្នាំងៗ ទុកញ៉ាំឲ្យណាណីថ្ងៃឈប់ម្តង។

គ្រឿងផ្សំ៖

• ស្វាយខ្ចី (មិនទាន់ដាក់គ្រាប់) ៥ផ្លែ
• រ៉តឌី កន្លះស្លាបព្រាបាយ
• អំបិល កន្លះស្លាបព្រាបាយ
• ស្ករស ៥ ស្លាបព្រាបាយ
• ម្ទេសតាមចំណូលចិត្ត (ហាន់ ៣-៤ កំណាត់)
• ទឹកកក

វិធីធ្វើ៖

១. ស្វាយចិតសំបក (មិនចិតក៏បាន) ហើយលាងទឹកឲ្យស្អាត ពុះជា ២ រួចកាត់ជាកង់ៗទុកមួយអន្លើរ

២. ដាក់ដាំទឹកឲ្យពុះ បន្ទាប់មកចាក់ពីលើស្វាយកូរឲ្យសព្វរយះពេល ២ ទៅ ៣ នាទី

៣. ស្រង់ស្វាយដាក់ចូលក្នុងទឹកត្រជាក់ រួចដាក់ទឹកកកពីលើទុកឲ្យត្រជាក់ទើបស្រង់ចេញទុកឲ្យស្រស់ទឹក (ធ្វើបែបនេះទើបស្វាយស្រួយល្អ)

៤. បន្ទាប់ពីស្រស់ទឹកហើយ ដាក់រ៉តឌី អំបិល ស្ករស និងម្ទេសចូលកូរឲ្យសព្វ រួចទុកចោលរយះពេល១ម៉ោងដើម្បីឲ្យស្វាយចូលជាតិល្អ សឹមយកក្លាសេក្នុងទូរទឹកកកជាការស្រេច។

ប្រភព៖ ម្ហូបអាហារប្រចាំថ្ងៃ