ទឹក​សណ្តែក​សៀង​ ឬ​ភាគ​ច្រើន​គេ​ហៅ​ថា​ទឹក​សណ្តែក​ស​ សម្បូរ​ទៅ​ដោយ​ប្រូតេអ៊ីន​ កាល់​ស្យូម​ និង​ប៉ូតាស្យូម​ ដែល​ល្អ​ចំពោះ​សុខភាព​ និង​ឆ្អឹង​។​ អំឡុង​ពេល​នេះ​ មិន​គួរ​ទិញ​គេ​ញ៉ាំ​ទេ​ គួរ​តែ​រៀន​ធ្វើ​ខ្លួន​ឯង​នៅ​ផ្ទះ​ ព្រោះ​វា​ងាយ​ស្រួល​ និង​ចំណាយ​លុយ​អស់​ទិញ​។​

គ្រឿង​ផ្សំ​៖​

  • សណ្តែក​សៀង​ កន្លះ​គីឡូ
  • ទឹក​ឆ្អិន​ ២ លីត្រ
  • ស្ករ​ស​ (ដាក់​តាម​ចំណូល​ចិត្ត)
  • អំបិល​ ១​ ចុង​ស្លាប​ព្រា​កាហ្វេ

របៀប​ធ្វើ​៖​

១. យក​សណ្តែក​សៀង​ត្រាំ​ទឹក​ចំនួន​ ៣​ ម៉ោង​

២. បន្ទាប់​មក​លាង​សណ្តែក​ឲ្យ​បាន​ស្អាត​ និង​យក​សម្បក​ចេញ​

៣. យក​សណ្តែក​ដាក់​ក្នុង​ម៉ាស៊ីន​ក្រឡុក​ លាយ​ជា​មួយ​ទឹក​ ២ លីត្រ

៤. ក្រឡុក​ហើយ​ ត្រូវ​ត្រង​យក​កាក​ចេញ​

៥. ត្រង​រួច​ យក​ចាក់​ចូល​ក្នុង​ឆ្នាំង​ រួច​ដាំ​ឲ្យ​ពុះ​ ពេល​ពុះ​ហើយ​ត្រូវ​ចាក់​ស្ករ​ និង​អំបិល​ចូល​ រួច​ទុក​ឲ្យ​ពុះ​ចោល​ ៣ នាទី​ទៀត​ សឹម​បិទ​ភ្លើង​លើក​ចុះ​ ជា​ការ​ស្រេច​។

អាច​ញ៉ាំ​ពេល​ក្តៅ​ឧណ្ហៗ​ក៏​បាន​ ឬ​អាច​ច្រក​ដប​ដាក់​ក្លាសេ​ឲ្យ​ត្រជាក់​ចាំ​ញ៉ាំ​រឹត​តែ​ឆ្ងាញ់​។