មេឃកំពុងក្តៅខ្លាំង មិនគួរញ៉ាំអាហារ ៥ មុខនេះច្រើនពេកទេ អាចមានគ្រោះថ្នាក់ដល់សុខភាព

អាហារ ៥ មុខ កុំញ៉ាំច្រើនពេលមេឃក្តៅ

0
824

ក្នុង​រដូវ​ក្តៅ​ រាង​កាយ​យើង​នឹង​ខ្វះ​ជាតិ​ទឹក​ ហើយ​រាងកាយ​ក៏​ឡើង​កម្តៅ​ដែរ​។​ ពេល​ក្តៅ​ ហើយ​អស់​កម្លាំង​ យើង​ច្បាស់​ជា​ចង់​ញ៉ាំ​អ្វី​ដែល​ជួយ​កាត់​បន្ថយ​កម្តៅ​បាន​ខ្លះ​ បើ​យោង​តាម​អ្នក​ជំនាញ​អាហារូបត្ថម្ភ​ អាហារ​​ទាំង​នេះ​គួរ​តែ​ញ៉ាំ​ឲ្យ​មាន​កម្រិត​​ពេល​មេឃ​ក្តៅ​ខ្លាំង​ ដើម្បី​ចៀស​វាង​គ្រោះ​ថ្នាក់​ដល់​សុខភាព​៖

ការ៉េម

គ្នា​យើង​ភាគ​ច្រើន​គិត​ថា​មេឃ​ក្តៅ​ បើ​បាន​ញ៉ាំ​ការ៉េម​ត្រជាក់​ៗ​ ច្បាស់​ជា​ឆ្ងាញ់​ ហើយ​ស្រួល​ខ្លួន​មិន​ខាន​។ តែ​តាម​ពិត​ទៅ​ការ៉េម​នឹង​ធ្វើ​ឲ្យ​សរសៃ​ឈាម​ក្នុង​បំពង​ក​តឹង​ អាច​ធ្វើ​ឲ្យ​ពិបាក​ដក​ដង្ហើម​។​ ទាំង​ការ៉េម និង​ភេសជ្ជៈ​ត្រជាក់​ៗ​ ជា​អាហារ​ដែល​ធ្វើ​ឲ្យ​រាងកាយ​កើន​កម្តៅ​ វា​អាច​ធ្វើ​ឲ្យ​យើង​មាន​អារម្មណ៍​ថា​ក្តៅ​ក្នុង​ពោះ​ ខុស​ពី​ការ​គិត​របស់​យើង​។​​

Homemade Vanilla Ice Cream Recipe | Food Network Kitchen | Food ...

ផ្លែ​ស្វាយ​

ស្វាយ​ជា​ផ្លែ​ឈើ​ដែល​មាន​សារប្រយោជន៍​ច្រើន​ចំពោះ​សុខភាព​ និង​សម្រស់​។​ តែ​បើ​យើង​ញ៉ាំ​វា​ច្រើន​ពេក​ពេល​មេឃ​ក្តៅ​ខ្លាំង​ រាង​កាយ​យើង​នឹង​កាន់​តែ​ក្តៅ​ ហើយ​អាច​បណ្តាល​ឲ្យ​កើត​មុន​បាន​។​

តើ ផ្លែស្វាយ ជួយ បង្ការ ជំងឺ អ្វី ...

អាហារ​ Fast Food​

ជីវិត​ប្រចាំ​ថ្ងៃ​ម្នាក់​ៗ​គឺ​ច្បាស់​ជា​រវល់​ណាស់​ ដូច្នេះ​ហើយ​ទើប​ fast food ជា​ជម្រើស​សម្រាប់​មនុស្ស​ភាគ​ច្រើន​។​ តែ​បើ​យើង​ញ៉ាំ​អាហារ​ប្រភេទ​នេះ​មាន​ខ្លាញ់​ច្រើន​ ដែល​ធ្វើ​ឲ្យ​ប៉ះពាល់​ដល់​ពោះ​វៀន​ ធ្វើ​ឲ្យ​​ការ​ស្រូប​យក​ជាតិ​ទឹក​ និង​សារធាតុ​ចិញ្ចឹម​ចុះ​ខ្សោយ​។​ ក្រៅ​ពី​នេះ​ អ្នក​ជំនាញ​ខាង​អាហារូបត្ថម្ភ​​អះអាង​ថា ញ៉ាំ​ខ្លាញ់​ច្រើន​ពេល​មេឃ​ក្តៅ​ ងាយ​ធ្វើ​ឲ្យ​ឈឺ​ពោះ រាក​ ពិបាក​រំលាយ​អាហារ​ ជា​ដើម​។​

Fast food - Magazine Q College

សាច់​គោ

សាច់​គោ​ត្រូវ​បាន​គេ​ស្គាល់​ថា​ជា​អាហារ​ដែល​សម្បូរ​សារធាតុ​ចិញ្ចឹម​ច្រើន​ ជា​ពិសេស​សម្បូរ​ប្រូតេអ៊ីន​។​ តែ​អាហារ​ដែល​មាន​ជាតិ​ប្រូតេអ៊ីន​ និង​ខ្លាញ់​ច្រើន​ អាច​ធ្វើ​ឲ្យ​រាង​កាយ​កើន​កម្តៅ​នៅ​ពេល​រំលាយ។​ ដូចនេះ​យក​ល្អ​គួរ​ចៀស​វាង​ញ៉ាំ​អាហារ​ប្រភេទ​នេះ​ ពេល​មេឃ​ក្តៅ​។​

Best Beef Brisket Recipe - How to Cook Beef Brisket

សាច់​អាំង​

ជា​មួយ​នឹង​រសជាតិ​ឆ្ងាញ់​ អាហារ​អាំង​ធ្វើ​ឲ្យ​យើង​ទប់​អារម្មណ៍​មិន​បាន​ទេ​។​ តែ​យើង​គួរ​តែ​ដឹង​ថា​ ពពួក​អាហារ​ទាំង​នេះ​សម្បូរ​ដោយ​ខ្លាញ់​ និង​ជាតិ​កូលេស្តូរ៉ុល​មិន​ល្អ​ និង​ធ្វើ​ឲ្យ​មាន​ការ​រលាក​ក្នុង​រាង​កាយ​។​ លើស​ពី​នេះ​ វា​បង្កើន​អាស៊ីត​ និង​ធ្វើ​ឲ្យ​ពិបាក​រំលាយ​បើ​ញ៉ាំ​ពេល​មេឃ​ក្តៅ​ខ្លាំង​។

5 Tips for Healthy Grilling - Consumer Reports